Pan akok mbang nyaom Rajaei bilan 4 saong 4 bilan akaok thun 2023 rah tabiak page ini 5/5, hadei di tuk langyah bruk rah tabiak dalam negar saong dunya tukvak tapa, Thủ tướng Phạm Minh Chính caong khin, ngak tui njauk bruk tani tanat kinh te vĩ mô, pasang iek bruk lạm phát, jhul pakhang bruk cak rok patagok, brei sumu gauk dom bruk ngak kinh te; sangka dom bruk ilamu, xa hoi; pakajap bruk an ninh, quoc phong saong jhul khang bruk khaw tin, pathau khan, ba brei njauk gauk dalam manuac sia. Pataom tame daong saong jhul pakhang bruk pablei salih, 3 bruk cak rok suai lavik, 3 bruk patagok, ba bruk ngak saong jalan ngak mbang duah jien ka bhap bini.

Dah page ini (5/5), di Labik inem krung sajarah cách mạng pakat negar Sang kubo Ba Chúc, paha Phi Lai saong paha Tam Bửu (ban sit Ba Chúc, huyện Tri Tôn, An Giang), huyện Tri Tôn pambuak haong Ban Trị sự Trung ương Phật hội Tứ Ân Hiếu Nghĩa hu peih ngak Pathi dalam praong prang mbang ka 45 (16/3/1978-16/3/2023 saka ia bilan) ka 3.157 rahra di ban sit Ba Chúc njauk Pol Pot-Ieng Sary pametai dalam mbang mesuh tapen negar Tây Nam. Bí thư Huyện ủy, akaok UBND huyện Tri Tôn Cao Quang Liêm brei thau lac, tok dalam 12 harei melam (meng 18/4-29/4/1978), kol lin Pol Pot-Ieng Sary nyu pametai 3.157 rahra di ban sit. Ini hu maong lac sa duas biak trak damak di bruk pametai menuac di kol nyu.

Mentri Ngak nong saong Patagok palei pala birau payua harak tal Mentri Công an, Mentri Quốc phòng, UBND dom tỉnh, ban brei pakhang bruk pasang iek, pacang cakak, duah mboh saong langyah dom bruk pajeng ba suan hukum manuk ada, pandap ngak meng manuk ada tapa jalan negar tame Viet Nam. Urak ini di dom bhum palei jaik taphia jalan tapen negar jeng daok rah tabiak bruk pajeng ba manuk ada suan hukum tame negar drei. Bruk nan meda lac sa dalam dom jalan ba tal mbuan patagok parilo dom virus kum manuk ada khang saong dom janih jit ruak njom mbak karei meng negar langiu tame Viet Nam.

Tòa án Bhap bini TP.HCM hu tabiak harak brei kreik veik 60 harei amuk Nguyễn Phương Hằng, Taong yaom ndok Công ty CP Đại Nam, dalam tukvak caga ba bruk tabiak langyah mbang camereip. Dahlau di nan, Tòa án bhap bini TP.HCM brei thau lac daok kuhria ba bruk ini tabiak langyah tui hukum saong brei bruk ka Thẩm phán Bùi Đức Nam (Toà Hình sự) dang tabiak langyah bruk ini. Amuk Nguyễn Phương Hằng saong 4 urang karei njauk langyah tui hukum ka duas "pambak tame dom quyen dân chủ lih tame kein laba di Kanja, quyen, kein laba di kapul nyaom, manuac urang” tui khoản 2 Paka 331 – Hukum Hình sự 2015.

Tong cuc Du lich brei thau, tuai negar langiu mai rivang main di Viet Nam dalam dom harei le pachit da-a Po Hung saong harei 30/4, harei 1/5, kuhria meng harei 29/4 tal harei 3/5 lac labaih 300.000 tuai, labaih 7 trieu tuai dalam negar, tagok 40% dut saong tukvak ini thun 2022. Labik ndik daok ka tuai damuai bauk hu 60 -70%, hu dom labik urang daok bauk abih meng 95 – 100%. Yau nan min, jeng daok hu dom bruk gar jalan roya, ba tal klak bruk nao, klak yit vu. Bruk duh ka tuai di dom labik oh pabak hu hatai caong khin di tuai damuai.

Dom khí thải negar di Nhật Bản dalam thun tui kuhria tal bilan 3/2022 lac 1,17 tỷ tấn, tagok 2% dut saong thun jien padai 2020. Dom khí thải ngak tabiak hiệu ứng sang kreih di Nhật Bản dalam thun jien padai 2021 hu tagok mbang camriep hadei di 8 thun. Yaom lac bruk phát thải khí ngak tabiak hiệu ứng sang kreih tagok dalam tukvak jaik di ini kayua dom bruk kinh tế pasiam veik hadei di jit ruak COVID-19, akaok mintri alam Môi trường Nhật Bản jeng daok brei thau lac dom khí thải ini bier jang 3,4% dut saong thun 2019.

Nhà Trắng brei panuac haong Yam ndoc điều hành (CEO) di dom “gah biak praong” ka bruk tri tue nhan tao (AI) di Mỹ lac urang cakong naong bruk “diuk rai” dalam bruk khik caga xa hoi anak dom bruk khut khat daok kandauk bo cong nghe nan ba mai. Pho Tổng thống Mỹ Kamala Harris jeng kakei dahlau lac: “AI mbuan ngka brei tagok dom bruk kan kandah tal an ninh saong salamat, ngak jhal bruk eng urang saong quyền bhap bini, jeng yau ngak jaleih hatai jia di bhap bini tame bruk dan chu”

Tui panuac khan di Serbia, hu 8 uảng metai saong takik di nyu 10 urang njauk rambuac trak dalam mbang cuh phao rahtabiak di sa ban sit atah di ban ine Belgrade 42 km di melam 4/5. Hadei di tuk rahtabiak bruk ini, gah cảnh sát bhum palei hu peih bruk pagui mek dom urang medil saong padang paga pacang vil val labik rahtabiak bruk ini. Bruk cuh phao bahrau abih rahtabiak ka oh tal 48 maong hadei di tuk sa anek saih umo 13 thun cuh phao di sa sang bac tiểu học di ban ine Belgrade ngak brei 9 urang metai saong 7 urang karei njauk rambuac.