Asal kadha mbang ini, lac tui jalan "mek urang ruak ngak pasak"

Patui danak dak mbang nyaom ka 10, mesup ini, Ủy ban thường vụ Quốc hội brei panuac ka danak dak Hukum iek ruak, taong ruak (pasiam veik). Asal kadha mbang pasiam veik Hukum mbang ini, lac tui jalan "mek urang ruak ngak pasak". Danak dak hukum tacei tabiak cambaih laih dom jalan ngak piah pgalong ilamu ngak bruk, patagok khik ramik bruk ngak di urang ngak bruk. Dalam nan, urang negar langiu ngak bruk iek ruak, taong ruak suai lavik di Việt Nam brei pandar naih gheih sap Việt dalam iek ruak, taong ruak.

Mbang pakacah tamat trung học phổ thông thun 2022 meda peih tabiak meng harei 6 tal harei 9/7. Dalam nan, harei 6/7, dom anek saih mai tal bilik pakacah ngak harak gar tame pakacah, ramik veik dom labaih kurang (meyah hu) saong pang urang khan brei thau ka adat pakacah, lịch pakacah. Harei 7/7, mesup pakacah môn Ngữ văn, biar harei pakacah môn Toán. Harei 8/7, mesup pakacah Khoa học Tự nhiên atau Khoa học Xã hội, biar harei pakacah sap negar langiu. Bruk pakacah hu khan brei thau di harei 24/7/2022.

UBND TP.HCM likau ramik veik tukvak peih ngak Danak dak padang ngak jalan pasei đô thị ka 1 TP.HCM, gah Bến Thành – Suối Tiên (metro 1) tagok 2 thun tra. Dalam nan, brei thau tukvak ngak salah lac puac quý IV thun 2023. Tukvak tamat danak dak lac meng di thun 2024 – 2028. Bruk ramik veik ini piah “khik ginup tukvak padang ngak dom binah praong di danak dak, plaih bruk njauk ramik veik rilo mbang”. Gah jalan metro ka 1 hu peih ngak meng thun 2012, atah jaik 20 km

Bruk peih mbaok Harei pataom mesin Châu Đốc, An Giang – đặc sản dom bhum palei thun 2022 hu peih tabiak di melam bloh. Dalam dom bruk di harei pataom ni, mBan peih bruk yaih khan dom pandap hu ngak meng padai brah , kaya ikan, đặc sản bhum palei, pandap OCOP di palei, pandap du lịch, mbang huak, dom pandap mbang karei di rahra pak ni…. Gam song nan padang veik 4 boh sang meng kan gam haong brei mboh veik rai duik mbang ngui dok dang yaok harei , ilamu doh takơ -bruk mbang huak di bangsa Kinh - Khmer - Chăm - Hoa dok di An Giang.

Công an tỉnh Cà Mau hu khởi tố vụ án pambuak tal bruk to yaom kit test di Công ty Việt Á. Dahlau di nan, hadei di bruk CDC Hải Dương cap tangin haong Công ty Việt Á to yaom kit test Covid-19 oh njauk adat hu tacei tabiak brei mboh, UBND tỉnh Cà Mau hu pato tacei dom jabat chức năng pasang iek bruk blei kit test di Công ty ini dalam tỉnh. Urak ini jabat cảnh sát daok pasang iek, duah thau nan ye ka oh khan brei thau cambaih laih.

Tổng thư ký Liên hợp quốc hu panuac ieu padeih mesruh dalam 4 harei di Ucraina dalam tuk Lễ Phục sinh piah dong ngak pahla. Jalan ngak lac, piah ka bhap bini rahra tabiak truh dom labik njauk gar veik song ba rilo radaih pahla nao tal bhum mesruh gauk. Urak ni, hu labaih 5 triệu urang tabiak truh Ucraina meng di tuk patuh tabiak bruk mesruh gauk, jeng sa dalam dom bruk khủng hoảng tị nạn prong abih di châu Âu kuhria meng mbang kalin kan dunya mbang ka 2.

Israel hu 12 urang viêm gan biak trak ka oh thau cambaih makna di uranaih. Urak ini dom urang ruak ini daok hu taong ruak di sang iek ruak, jaik abih dom adei lac umo mala 11 thun. Dalam nan hu 10 ranaih hu thit ruak COVID-19. Kayua yau nan ye taneh ia ini daok pasang iek 12 urang ruak hu pambuak tal janih ruak bhian mboh hadei di tuk thit ruak COVID-19 halei oh. Dahlau di nan di negar Anh hu mboh bruk tagok biak rilo dom manuac ruak viêm gan biak trak di uranaih, hu pambuak tal ruak COVID-19.

Pui khuah glai dok dak harei dak pambak praong di gah kreh bang Arizona, Tây Nam negar Mỹ, ngak ka labaih 2.000 urang jauk panduan nao labik karei, 24 danak dak njauk pui mbang abih song yaok rituh ribau danak dak karei dang anak bruk mbuan si njauk pui mbang. Jabat dịch vụ langik tasik pakat negar Mỹ hu panuac ieu bhap bini caik hatai sangka haong pui khuah tuk tuk hangin khang song độ ẩm biak beir meda ngak ka pui pambak tabiak samar song khang tagok drah samar./.

Urang lang: Thu Thao – Hani Pha – 21/04