Quoc hoi ginum biai ka bruk dien anh 

Patui danak dak  Nyaom biai urang Quốc hội chuyên trách, mesup ni  (29/3), brei panuac tame danak dak  hukum  Điện ảnh (pasiam veik). Di Nyaom biai, dom urang QH hu panuac cong batabiak sarak  đầu tư, dong song ưu đãi di karja ngan song bruk  điện ảnh, brei hu sarak bahrau jang  piah patagok điện ảnh song  công nghiệp điện ảnh, gam song nan njauk hatai  song jalan  “pasang iek veik” ngan song  phim hu ba tagok angaok mạng.

Mesup ini 29/3, di  xã An Khánh, huyện Châu Thành, tỉnh Bến Tre, Mintri jalan mbak pajeng ba pambuak haong UBND tỉnh Bến Tre saong UBND tinh Tiền Giang peih tabiak danak dak padang ngak tatua Rạch Miễu 2, pambuak 2 tỉnh Tiền Giang haong Bến Tre. Tatua Rạch Miễu 2 saong jalan tagok tatua atah abih tih  17,6 km; hu 6 jalan radaih, nduac  hu 80 km/h.  Tatua Rạch Miễu 2 lac tatua dây văng. Brei panuac di tuk peih bruk nan, Bí thư Trung ương Đảng, Phó Thủ tướng rajaei Lê Minh Khái ndom lac,  tatua Rạch Miễu 2 hu daong pabak pasiam bruk nao mai dalam bhum, pabak bruk pajeng ba dak harei dak glaong angaok jalan Roya 60, jhul patagok KTXH, khik kajap QPAN di tỉnh Tiền Giang haong Bến Tre , jeng yau bhum taneran kraong Cửu Long.

Paglong bruk ngak di drei ka pasiam veik  song khik caga kaya ikan , harei ni, di Hà Nội, Tổng cục kaya ikan , Mintri ngak nong song patagok palei  pala hong Trung ương Giáo hội Phật giáo Việt Nam peih nyaom biai online  peih ngak Harak sanya pambuak gauk dalam bruk  peih palao  pasiam veik song khik caga kaya ikan  tuk vak  2021 – 2025.  Asar kadha hu mbaoh tangin di 2 gah  hu pataom tame bruk pambuak gauk peih palao, pasiam veik kaya ikan song pathau khan ka makna di bruk peih palao  dom janih kaya ikan.

Jala pandiak harei 28/3, bruk glut jaleih takai kraong Ô Môn di labik bhum 5, phường Châu Văn Liêm, quận Ô Môn, ban Cần Thơ ngak brei 4 baoh sang laik trun mala kraong. Labik glut jaleih nan atah 40m, mbang dalam tame gah labaih 10m. Dahlau di tuk glut jaleih jaik 10 ngày, dom baoh sang njauk glut jaleih jeng mboh ra-ai, talah nan ye mikva hu rami ramik pandap panda nao daok di labik karei, tok hu dom sang pablei salih daok veik. Bruk glut jaleih nan tui kuhria khat lahik jaik 1 tỷ đồng. Hadei di tuk glut jaleih rah tabiak, UBND phường Châu Văn Liêm, quận Ô Môn hu brei menuac trun daong bhap bini njuk mek drap ar, ba nao tal labik daok salamat. Gam haong nan, brei pacang paga veik, tacei jalan nao mai, oh caik ka rahra nao tal labik glut jaleih.

Jit  Covid-19 tamuh tabiak dalam tuk vak atah, ngak kan kandah tal dom boh sang  ngak mbang gah khách sạn, sang  trọ di angaok jalan  Châu Thị Tế song jalan vah tame  Núi Sam, di phường Núi Sam, ban  Châu Đốc, tỉnh An Giang kayua brei padeih ngak. Min, tuk Khu Du lịch pakat negar  Núi Sam peih pambah mbang taduan tuai veik , dom boh sang ini jeng gaok kan kandah  kayua sa adat di karja pak ni : “Oh brei radaih pakjeng tuai  labaih  16 labik  song radaih tải labaih  3,5 tấn peih nduac di  2 jalan ni”. Bruk njauk biai nan lac, ni jeng lac dom jalan jiak di abih, mbuan lagaih di abih piah tuai nao  tal  miếu Bà chúa xứ Núi Sam.

TTK Liên hợp quốc (LHQ) Antonio Guterres harei 28/3 hu ba tabiak bruk padeih cuh ngak pahla di Ukraine. Urang dang akaok LHQ ndom lac dom gah pambuak tal njauk duah tabiak jalan chính trị, oh caik ka bruk yau urak ini daok rah tabiak. Tok hadei di 1 bilan rah tabiak bruk mesruh gauk, hu rilo menuac metai, labaih 10 triệu menuac lahik labik daok saong rilo cơ sở hạ tầng praong njauk jaleih, tayah, palai pajoa, yaom pandap mbang huak saong năng lượng tagok biak glaong kuhria meng dahlau mai.

Tổng thống Joe Biden harei  28/03 hu panuac caong brei buh tabiak  813 tỷ 300 triệu đô-la pandar cai quốc phòng song  an ninh negar. Ni lac sa dalam binah kadung jien di rajaei  Mỹ brei ka thun  2023 . Bruk cong kadung jien quốc phòng ka thun bahrau , hu batabiak dalam tuk  Mỹ dok duah jalan pacang veik  dom bruk  đe dọa dunya dalam nan hu Trung Quốc, Nga, Iran, Triều Tiên song dom kapul nyaom cực đoan bạo lực.

Harei 28/3, dua urang kumei akaok mintri di Indonesia haong Qatar hu mbang taom gaok haong urang lambaok karja Taliban di Afghanistan piah ieu brei adat ka dom anek saih kumei hu nao bac veik, dalam tuk daok hu rilo duh hatai ka bruk srau kadau gah ngak pahla di taneh ia ini tagok glaong. Dahlau di nan, Mỹ haong rilo taneh ia phương Tây hu panuac lên án bruk daok brei kreik pabah mbang dom sang bac trung học ka anek saih kumei di Afghanistan./.

Urang lang: Hanipha- Mousaphuong -29/3