Quoc hoi hu batabiak rilo jalan ngak piah palagaih ka urang 

Patui mbang nyaom ka 3, Quốc hội mbang 15, dah page ini (14/06), Quốc hội ginum biai di hội trường ka danak dak Hukum Peih ngak dân chủ di cơ sở. Dahlau di mbang ginum biai, rilo panuac njauk hatai ka bruk njauk patabiak hukum, kayua dân chủ lac jalan piah ka bhap bini patagok hu quyen ngak po, brei mboh hatai caong, kein laba saong quyen di drei, hu mbaok tame dom bruk ngak di Kanja saong rahra. Min caong lac brei tacei tabiak cambaih laih dom jalan khau tin, bruk ngak di urang dang akaok dalam peih ngak hukum Dân chủ di cơ sở. Bier harei, Quốc hội ginum biai di hội trường ka danak dak Hukum pacang caga taong paok gauk dalam sang (pasiam veik).

Bier harei  13/06,  di jabat rajaei, Bí thư Trung ương Đảng, Phó Thủ tướng Lê Minh Khái, Akaok mban tacei ba yaom kaom hu pal akaok nyaom biai song dom mintri, dom gah  ka bruk rami ramik yaom kaom dom pandap panda pandar yaok harei (xăng menyek, pandap padang ngak, jien pajeng ba, pandap tamo di gah ngak nong, yaom dom janih vật tư, y tế, pato pakai,…). Ngan song bruk khik ramik yaom dom pandap pambuak pagam haong rai duik bhap bini, Phó Thủ tướng hu panuac ieu dom mintri, dom gah meng ni tal puac thun, brei tui iek bruk drak pasa, patagok bruk kuhira mboh dahlau, “brei kuhria mboh avar jang” piah hu jalan ramik sami samar , khik kajap bruk pabak pandap ka sản xuất, blei pandar, mek hu tanut batabiak. 

Sở LĐTB-XH tỉnh Đồng Nai  brei thau, yaom lac hu mbaoh tangin brei daong jien pah sang ka labaih 6.000 urang daok dalam 2 nyaom hu mbang tui Sarak 08 ngan haong paok jien labaih 9 tỷ đồng min ka oh peih bruk biyar ka urang ngak. Makna lac kayua harak gar taduan biak rilo, doanh nghiệp njauk pasang iek, yaok pataom saong tuk payua tal Sở LĐTB-XH njauk tapa pasang iek nan ye biak lahik rilo tukvak. Hadei di tuk harak gar hu taduan, daok brei tapa rilo bruk yau ye Sở Jien padai mboah tangin, Kho bạc Kanja payua jien tal dom doanh nghiệp, meng nan meng hu tal tangin urang ngak.

Meng akaok thun tal ni, dalam taneh ia hu  43.628 urang ruak pandiak tabiak drah. Pandiak tabiak drah rilo meng lac di gah merong, meblah  80% dom urang njom dalam taneh ia song hu 36 urang metai. Dom urang metai di 10 tỉnh, ban,rilo di abih lac ban raya.HCM, Bình Dương, Tây Ninh. Bruk njauk caik hatai, dom urang ruak, metai tagok biak samar dalam  4 adit jiak di ni. Tui dom uramg ilamu, thun ni, urang ruak pandiak  tabiak drah trak , tagok samar, glong jang rilo dut song 2 thun dahlau, min jit ruak oh ka tagok tal tabung glong.

Kadung jien bac Vừ A Dính saong VinaCapital Foundation (VCF) bahrau peih bruk “Harei pataom hatai caong” brei ka dom anek saih kumei bangsa takik. Tui nan, dom anek saih hu brei jien bac luac 7 thun bac (3 thun THPT saong 4 thun Đại học). Kadung jien bac hu peih tabiak jalan paglaong ilamo, piah padang harei hadei hadah hadai ka dom adei, jeng prein khang rik daong patagok puk paga, palei negar – labik dom bangsa takik daok.

Tổng cục Du lịch Thái Lan song dom hiệp hội du lịch Thái Lan mek hu  thỏa thuận ka bruk oh mek jien ngak visa ka tuia dunya  song dui atah tuk vak  tame negar Thái Lan meng 30 tagok 45 harei ngan song dom tuai mai meng dom taneh ia oh ieu ngak visa dalam 6 bilan puac thun  2022. Tuia damuai tal negar ni  tok yar tabiak harak  klauk vaccine Covid-19 song bảo hiểm y tế.

Thủ tướng Lào Phankham Viphavanh brei thau, 6 bilan akaok thun 2022,  bruk patagok GDP di Lào mek hu 4,3%, samu 49,6% bruk ba tabiak. Dalam tuk nan, kadung jien kanja dalam taneh ia mek hu labaih 10.500 tỷ Kíp (labaih 15.000 tỷ đồng), samu 33,6% bruk ba tabiak di thun. Piah ngak hu bruk patagok GDP lac 4,5% dalam thun 2022,  tukvak 6 bilan puac thun, Rajaei meda pataom tame langyah dom bruk: kinh tế vĩ mô, tỉ giá hối đoái, yaom pandap panda, labik pabak xang manjek piah langyah dom kan kandah ka raidiuk di bhap bini.

Urak ni, kayua bruk kurang biak rilo urang ngak meng negar karei mai ngak, dom công ty Malaysia meng đồn điền dầu cọ tal labik ngak chất bán dẫn jeng oh taduan harak  pambuak bruk yaom  yaok  tỷ USD. Tapa nan nyu ngak brei kan kandah tal bruk pasiam veik kinh tế di taneh ia hadei di jit prong Covid-19./.

Urang lang: Thu Thảo -Hanipha- 14/6