Patui veik mbang nyaom biai asal kadha Hukum bilan 8 di Ủy ban Thường vụ Quốc hội (TVQH). Harei ini, Ủy ban TVQH brei panuac ka danak dak Hukum pacang caga dân sự. Ini lac danak dak Hukum biak kan, hu asal praong, meda hu pok tagok Quốc hội brei panuac mbang camriep di mbang Nyaom ka 4, Quốc hội mbang 15. Dom thun tapa, bruk pacang caga dân sự dak harei dak hu siam meng sarak tal bruk peih ngak, pabak hu bruk pacang caga, pasiam veik tuk hu bala rah tabiak. Min, bruk pacang caga dân sự dalam tukvak tapa jeng daok hu dom tavak tavaiy, njauk padang sa hukum ka gah ini, ngak jeng jalan adat hukum ginup ka bruk ngak.

Kuhria tal beir harei  15/8, peih ngak sarak dong jien pah sang ka urang ngak, hu  60/63 tỉnh, ban hu  doanh nghiệp, urang ngak nộp hồ sơ (02 tỉnh oh hu  doanh nghiệp likau dong lac  Lai Châu song  Điện Biên). Dom hồ sơ Ủy ban bhap bini pakat  huyện hu taduan lac jiak  73 ribau  doanh nghiệp song labaih  3 triệu 420 ribau urang ngak, pok jien likau dong labaih 2.367 tỷ đồng (samu  36,5% pok jien tui kuhria di pak ni).

Kuhria tal harei 15/8, Bình Dương hu 20 urang njauk Covid-19 biến thể phụ di Omicron dalam rahra. Jeng dalam harei 15/8, Bình Dương hu veik 16 urang njauk ruak Covid-19 biến thể Delta. Tui pathau khan di gah Y tế tỉnh Bình Dương, dom harei jaik di ini dom urang njauk ruak Covid-19 di tỉnh daok tagok, abih di nyu nan lac njom biến thể phụ BA.5. Biến thể ini daok hu rilo di dalam rahra di Bình Dương saong dom tinh, ban di gah maraong. Meng dom biến thể di Omicron, bruk njom mbak meda daok tagok rilo jang di kapul uranaih ka oh hu klauk vaccine Covid-19.

Pambuak tal bruk mehit lac  rilo sang iek ruak mbuan si padeih blac boh hatai kayua abih jru gar  drah, melam 15-8, PGS-TS Tăng Chí Thượng, Yam ndoc Sở Y tế TPHCM, brei thau, dom sang iek ruak  đa khoa song  chuyên khoa di ban raya  hu peih bruk blac  boh hatai  hở, ndom lac oh hu bruk ni, dom mbang blai boh hatai dok rah tabiak yau dahlau.

  Bhum Valencia di Tây Ban Nha dok dang anak 3 bruk khuah glai prong. Dom mbang khuah ni nyu mbang ralai abih labaih 7 ribau hecta taneh dalam oh ka tal  24 tuk, gam song nan ngak brei takik di abih 1.200 urang panduan ba tabia ktruh labik ni piah khik siam mekre. Urakni, dom urang pandam pui di  Valencia, Tây Ban Nha dok biak glaih glar piah pasang iek  dom bruk khuah glai di grauk labik.

Harei 15/8, Tòa án bhap bini (TAND) ban ine Hà Nội hu peih mbang langyah sơ thẩm dom bị cáo Trần Văn Nam - bí thư Tỉnh ủy Bình Dương dahlau deih, Trần Thanh Liêm – akaok UBND tỉnh dahlau deih, Phạm Văn Cành - phó bí thư thường trực Tỉnh ủy dahlau deih, gam haong 25 urang karei dalam bruk ngak suan di 43ha taneh ameh di tinh ini. Dalam dom urang ini, langiu di dom ong Trần Văn Nam, Phạm Văn Cành saong Trần Thanh Liêm, bí thư dahlau deih, phó bí thư thường trực dahlau deih saong akaok tỉnh Bình Dương dahlau deih, hu 10 bị cáo  urang par akaok rilo sở gah di tỉnh. Tui pathau khan, bruk pablei lap taneh ameh ngak khat lahik biak praong, tagok tal labaih 5.000 tỉ đồng.

Bol bala France harei kabroi hu ngak salah bruk ba dom binh sĩ puac abih tabiak truh Mali hadei di labaih 9 thun daong bruk pagui mek dom kol thánh chiến cực đoan di taneh ia Bắc Phi ini. Rajaei Tổng thống Pháp dalam harei nan hu tabiak harak brei thau yaom lac tabiak truh Mali, France saong dom taneh ia đồng minh jeng daok sanya khik tani tanat an ninh di gah Sahel, vịnh Guinée saong bhum binek Tchad. 

Khaw tin  Thái Lan brei thau sa Tòa án di  Myanmar harei  15/8 hu khan lac urang dahlau deih ngak Cố vấn karja Myanmar Aung San Suu Kyi njauk  6 thun guk kreh kayua  tham nhũng.Urang dahkau deih ngak  Cố vấn karja  Myanmar Aung San Suu Kyi njauk   4 duas tham nhũng, pagam tal bruk muk mek quyền hạn di drei piah pah taneh  công yaom beir  jang ngan song yaom drah pasa song padang ngak sa dinh thự meng jien rik pataom  meng bruk ngak pahla. Dom bruk ngak ni ngak khat lahik  labaih 13 triệu USD kadung jien karja.  Muk  Aung San Suu Kyi oh taduan tong abih  cáo buộc song  khan lac meda kháng cáo./.

Urang lang: Thu Thảo & H.Pha - 16/8/2022