
Rajaei tabiak Sarak ka Mbang nyaom Rajaei yaok bilan, bian 4 thun 2025. Dalam nan, Rajaei caong khin Mentri Quoc phong, Mentri Cong an pambuak dom Mentri, jabat kuhria caga peih bruk dieu binh, duyet binh pahadar 80 thun Cach mang Bilan 8 saong Harei Negar harei 2 bilan 9. Tui nan, dom bhum palei ramik caga tani tanat parang iek bruk ngak hu jakjeng gah kinh te- xa hoi piah pahadar 80 thun Cach mang Bilan 8 saong Harei Negar harei 2 bilan 9.
UBND TPHCM caong khin dom so, dom gah, ban Thu Duc saong dom quan, huyen samar jhul pakhang bruk padang ngak dom danak dak, padang ngak pacang ia dauk piah khik brei salamat ka manuac jeng yau drap ar bhap bini dalam bilan ribuk hajan thun 2025. So Padang ngak jhul pasamar dom danak dak, abih di nyu dom danak dak abih atau takik ia dauk tui bruk ba tabiak meng thun 2021 -2025, piah lang talaih dom jalan bhian ia dauk.
Tinh Binh Phuoc daok kham merat peih ngak tabung glong “ 90 harei, melam” piah “pambak praong”, daong bhap bini ba dom khaw tin hu makna tame yau the BHYT, BHXH, harak adat peih radaih saong harak dang angan radaih tame ung dung VneID. Dalam nan gah kong an hu ngak bruk blaoh haong dom kapol nyaom di khik iek labik daok di bhap bini nao tal sang pathau khan ka bhap bini hu thau kein lagaih di bruk ba khaw tin dom harak gal tame ung dung VneID, daong urang ngak hu lagaiih tuk nao mai, ngak bruk haong gilang pariak, tame iek ruak.
Hadei ngak hu jak jeng di Harei pataom arieng Ca Mau mbang 1 thun 2022, tinh Ca Mau kuhria peih ngak harei pataom arieng mbang 2 di puac thun ini, pachreih labaih 10.000 mbang tuai damuai. Harei pataom hu 6 bruk praong: danak dak peih pakak, tamat; parang iek bruk pablei salih ariang, pandap birau ngak tabiak, salih birau hadah krah saong pandap OCOP, labik ngak kaya mbang meng ariang Ca Mau. Cà Mau lac tinh dang akaok negar hu danao raong ariang praong labaih 250.000 ha, mek ariang labaih 25.000 tấn yaok thun.
Yaom hadang sú, hadang takai mbong patih di tinh Tra Vinh tagok veik meng 3.000 - 5.000 dong sa kilo. Bruk bui sambai ngan haong urang ngak nong bhian raong hadang di dom la bik tapen tasik daok tame bilan mek hadang pablei mbang akok meti di thun ini. Gah ngak nong tinh Tra Vinh tuk halei pachreih urang ngak raong dua mbang dalam sa thun, tukvak daok veik dalam thun brei salih tapa raong dom janih kaya ia karei yau ariang tasik, dom janih ikan diuk hu dalam ia mbak, ia meteh mbak metah taba pablei hu rilo jien yau ikan chẽm, ikan đối, ikan chốt…piah parilo jien mek tame.
Danak dak “ salih radaih klak mek radaih birau” di Trung Quốc hu peih ngak meng thun 2024 mbiah tal ini mboh hu rilo jak jeng siam mekre tuk kuhria abih tih harak payua mai likau daong dalam negar labaih 10 trieu. Sarak ini hu taong yaom lac patagok siam mekre dalam bruk jhul pakhang cai pandar, daong bruk diukrai hacih sa-at saong jhul patagok bruk salih pandar drap ar.
Ban ine Phnôm Pênh di Campuchia bhian dalam dom ban raya jien cai pandar chiat glong dang akok di bhum Dong Nam A. Birau ini, tui angan dang di blah mbao Numbeo, Phnôm Pênh lac ban jien cai pandar chiat dang dhi ka 4 dalam dom taneh ia ASEAN. Tui Numbeo, ban ine di Campuchia daok patagok ka ha tang saong bruk ngak, min bhap bini pak ini jeng gaok rilo kan kandah jang ka jien blei sang, pah sang daok, mbang huak.
Yaok ribau urang agama Kito pataom mai Kalan Po Amaik Fatima di Bồ Đào Nha piah lang kan likau ka Giáo hoàng birau Leo XIV jeng yau brei ka dunya salamat sron mbon. Kalan Po Amaik Fatima lac sa dalam dom pasak piah urang agam Kito mai ngak apadat sampahyang praong abih saong danei ngan di dunya; hu pambuak saoing ndung bak makna haong dom rai Giao hoang. Dlama kadha bac di harei Adit Ngak apadat akaok meti meng blaoh, Đức Giáo hoàng Leo XIV hu iew da-a dom taneh ia khang kaya meda di dunya “ juai mesruh metak mbang halei veik juai”./.
Viết bình luận