Di Nyaom biai pathau khan, brei thau sarak hukum ka dom urang Akok puk palei naih gheih di dua gah taphia negar Việt Nam- Lào peih ngak di harei 6/12 di Nghệ An, Phó Thủ tướng Lê Minh Khái ndom lac, hadei di jaik 50 thun padang ngak jalan taphia negar haong gauk sron mbon, pambuak talei rohim saong cak rok patagok, meda ndom lac, bruk khik caga  bhum taphia negar  lac bruk ngak haong gauk di dom gah, dom pakat meng T.Ư tal bhum palei pala di dua taneh ia Viet Nam-Lào. Dalam nan, bruk di bhap bini daok di  bhum tapen negar lac hu makna biak praong. Dom bhum palei hu jalan tapen negar jhul khang bruk khik ramik eng jalan tapen negar, got jamang, jak ba bhap bini kham hu mbaok tame, pakhang bruk pambuak talei rohim dom puk palei di dua negar haong gauk.

Peih bruk khik kajap salamat pandap mbang di tuk Tết Nguyên đán thun sak tapai saong dom harei bui sambai Xuân 2023, mBan pato tacei jalan ka bruk  salamat pandap mbang pakat negar brei padang 6 kapul pasang iek gah salamat pandap mbang di 12 tỉnh, ban praong. Dalam nan di gah maraong negar hu TP.HCM, Bến Tre, Tiền Giang, Vĩnh Long, Đồng Nai saong Long An. Mintri Y tế jeng hu panuac ieu kakei dom tinh, ban patagok bruk pasang iek gah salamat pandap mbang tal dom xã, phường, pataom tame dom nyaom pandap hu pablei rilo dalam tuk tết, lac pandap mbuan ngak brei njauk jru mek.

Cục Khik iek bruk buh jien tame padang ngak ( Mentri Jalan mbak) brei thau, bruk peih ngak dom paok thầu di danak dak padang ngak jalan peih drah samar Mỹ Thuận - Cần Thơ vaktu ka 1 daok suai damaui, oh sumu bruk ngak brei salah dom  baoh tatua saong jalan akok tatua dalam bilan 11/2022 yau tacei ba di Mentri Jalan mbak pajeng ba. Cục Khik iek bruk buh jien tame padang ngak brei panuac ka Mban Khik iek danak dak brei padang iek, ramik veik taong abih bruk ngak di labik padang ngak. Ngan haong dom po thầu peih ngak suai damuai oh pasiam hu, njuak brei hu jalan langyah catang.  

Labaih 100 urang roh duah bahrau hu mbaok tame Mbang ginum biai ilamo Champa di bhum taneh Thừa Thiên Huế. Urak ini, jaik abih inem krung ilamo Champa di Thừa Thiên Huế rah tapa yaok rabau thun, gaok rilo kan kandah di langik tasik saong mesuh metak palai pajoa, urak ini daok mbaih mbaoh, khut, tayah. Bruk samar drah lac njauk pataom dom prein yava, jien padai piah khik ramik dom hagait daok veik. Tapa yaok pataom, di dalam ban Thừa Thiên Huế hu 44 inem mek danak dak hu pambuak tal ilamo Champa, dalam nan hu tal 17 bimon; kalan, 3 thành lũy saong rilo danak dak yau ye kubo, patau bingun meng kan… 

Pandar ilamu ky thuat saong cong nghe birau tame bruk taong chap ikan labik tasik atah lac asar kadha  kayua Pasak Pacheih  nong tỉnh Bình Thuận peih ngak di harei 6 bilan 12. Hu mbaok dom urang jakar ngak praong domn sở, dom gah pambuak saong 40 D.N, HTX, urang taong chap ikan tasik naih joi di Tuy Phong, Phú Quý, Phan Thiết saong La Gi. Di  nyaom biai, dom gah roh duah hu yaih khan palih ruah dom kadha salih birau ilamu ky thuat dalam bruk taong chap ikan labik tasik atah meda mbuan jao brei; hu ralo di Bình Thuận yau; ứng dụng gom led gam haong ia harei; ilamu khik piah hadei di tuk chap mek ikan hadang tasik…

Jabat Khik ramik y tế Anh hu brei tapa vaccine pacang Covid-19 ka anek kamar meng umo 6 bilan piah pacang caga metai lahik kayua Covid-19 di uranaih. Bruk brei klauk vaccine ka nyaom umo thun ini meda hu peih tabiak hadei di tuk hu Ủy ban Hỗn hợp ka bruk klauk jru di negar Anh (JCVI) brei tapa, tui kuhria dalam adit ini. Meng bilan 6, Pasak pasang iek saong pacang caga jit ruak Mỹ jeng hu ieu klauk vaccine ka uranaih umo meng 6 bilan. Dua jalan vaccine hu brei klauk ka uranaih lac Moderna saong Pfizer.

Tòa án Argentina ba tabiak panuac tamat bruk langyah ngan haong Phaok Tổng thống taneh ia ini Cristina Fernandez de Kirchner 6 thun guk saong oh brei ngak urang jakar kayua duis tham nhũng. Kayua daok hu mbang tui “quyền miễn trừ” tuk ngak Phó Tổng thống yau nan ye  muk Kirchner oh ka tame guk chip. Muk Kirchner hu ngak tổng thống Argentina dalam dua vaktu meng thun 2007 tal thun 2015. Tòa án brei thau muk njauk duis tham nhũng dalam bruk alin dom danak dak công cộng tuk daok ngak tổng thống dahlau diah.

Hu Takik di nyu 20 sruh gilai pajeng manjek daok gar di langiu tasik Thổ Nhĩ Kỳ hadei di tuk tabiak meng dom pabah lamnge tasik Biển Đen di Nga nao tal Địa Trung Hải, kayua daok gaok dom adat pasang iek bảo hiểm bahrau di Thổ Nhĩ Kỳ hu pabak tame hadei di tuk bruk ba tabiak yaom manjek Nga di tanut 60 USD hu brei pandar. Jabat pajeng ba GAC di Thổ Nhĩ Kỳ brei thau lac, hu 13 sruh gilai daok cang pasang iek harak adat piah hu brei tapa, abih tih jeng lac dom sruh gilai pajeng manjek saong 10 sruh gilai hu tabiak meng Nga./.