Di Nyaom biai brei thau Quyet dinh saong jalan pasang  iek ngan haong Mban TVTU Vĩnh Long peih tabiak page ini 14/7, ong Lê Minh Khái, Bí thư Trung ương đảng, Pho Thu tuong Rajaei lac, dalam tuk pasang iek, Kapol nyaom dom đơn vị brei pasang iek bruk peih ngak njauk tui dom bruk ba tabiak, dalam bruk pasang iek; khik brei njauk tui jalan nguyen tac tap trung dan chu, njauk bruk, cambaic laic, brei mboh bruk ngak njauk, pakat angaok pakat ala njauk sa hatung hatai hoang gauk kayua bruk ngak. Tui nan, Kapok ngak bruk brei taduan dom bruk ba tabiak meng bruk ngak ka dom jalan peih ngak, sarak, jalan langyah piah patui veik ngak siam bruk dak padang Đảng, padang ngak he thong chính trị khang kajap dalam vaktu anak tal.

Mesup ini (14/7), UBND ban sit Hà Tiên, tỉnh Kiên Giang peih harei pataom meng kan pahadar 288 thun harei lahik ong Mạc Cửu (1735 – 2023). Ini lac tuk piah hadar dhar phor ong Mạc Cửu – urang buh rilo prein yava ka bruk ieu pataom menauc sia, peih taneh bilau bhum Hà Tiên. Harei pataom daok brei mboh bruk thau dhar phor praong dalam di dom rairah tal ong akaok ong kei, dom rai dahlau hu buh prein peih taneh, padang jeng trấn Hà Tiên. Tapa nan piah patui jalan pathau khan, pato pakai dom rairah ka ilamu anit ranam taneh ia, rik daong dak padang palei Hà Tiên dak harei dak kaya meda, gheih mekre.

Mban Bangsa tỉnh Trà Vinh birau peih tal bac paglong ilamu ka 100 urang lac Urang hu angan je, lambaok Kapol urang kumei, dam dara bhap bini saong urang jakar piah peih ngak Danak dak pakat negar di huyen Châu Thành. Di tal bac, dom urang bac hu roh duah Taong abih  ka Danak dak  pakat negar ka bruk cak rok patagok KT -XH bhum urang bangsa takik sang bhum ceik vaktu 2021 -2023; bruk peih ngak brei sumu gauk saong patagok bruk ngak di urang kumei dalam bruk cak rok patagok kinh te baoh sang saong nyaom baoh sang patruh iek patrun kathaot; bruk khik iek jien padai saong pandar, bayar phun jien padang ngak danak dak, phun jien sự  nghiệp…

UBND tỉnh Ninh Thuận bahrau tabiak harak brei thau ka bruk klaak dom harak khan ka bruk mek veik taneh piah bayar, peih mbaok taneh piah padang ngak sang mac Điện hạt nhân Ninh Thuận 1 saong 2. Tui UBND tỉnh Ninh Thuận, makna ba tal klaak dom harak khan brei thau nan, kayua Quốc hội hu Sarak brei padeih ngak danak dak điện hạt nhân Ninh Thuận. UBND tỉnh Ninh Thuận jao ka UBND huyện Ninh Hải saong Thuận Nam tacei pato xã Vĩnh Hải saong Phước Dinh khan brei dom sang, dom menuac urang hu taneh, thau ka bruk ini.

Dom thun tapa, bruk pato saong bac akhar huroh Cam  hu peih tabiak, karja tỉnh An Giang biak sangka. Di sang megik Nia’mah, puk Phũm Soài, xã Châu Phong, ban sit Tân Châu, harei halei jeng yau nan tal mong 6 biar harei sup, gom truac hadah tagok taduan raok uranaih tame bac. Ini lac tal bac oh abih jien, kayua ong Sô Rô Lés pato. Ong  Sô Rô Lés khan lac, bruk pato bac saong bac akhan Cam hu dom hakim, na-ep, toul toul dalam palei jeng yau amaik ame uranaih pachreih tui. 

Dalam harak “Thông cáo chung” ba tabiak hadei di 2 harei nyaom lac 11-12/07 di Nyaom biai akaok Mintri Ngoại giao ASEAN mbang ka 56 di Jakarta (Indonesia) ASEAN hu ndom veik yaom glaong di bruk khik ramik saong jhul patagok sron mbon, siam mekre, tani tanat, salamat, saong bebat bruk pajeng ba jalan tasik saong jalan langik di Biển Đông, brei mboh dom kein laba di bruk maong iek Biển Đông lac bhum tasik sron mbon, tani taat saong siam mekre, ginup meda. ASEAN ndom tal yaom glaong di bruk peih ngak ginup abih saong siam lagaih taong abih panuac patabiak ka jalan ndom puac daok dang di dom gah angaok Biển Đông (DOC), pok meyaom bruk siam mekre mek hu mbiah tal harei ini dalam dom mbang ginum biai daok rah tabiak ka Bộ quy tắc ndom puac daok dang di Biển Đông (COC).

  Hội đồng bảo an LHQ birau hu mbang ginum biai hadei di tuk Trieu Tien birau cuh 1 ten lua dan dao tapa dom bhum taneh. Đại sứ Trieu Tien di Liên hợp quốc Kim Song khan lac bruk nan di Trieu Tien piah peih ngak tui quyền khik caga di drei, tui nan pato padar  dom bruk quan su mbon rah tabiak sraw kadau di dom gah jhak hatai gauk jeng yau piah khik caga bruk salamat di taneh ia ini. Dalam tuk nan,  ngoại trưởng dom taneh ia di nyaom G7 brei thau lac dom mbang cuh iek tên lửa di Trieu Tien lac suan nghi quyet di HĐBA.

Anak bruk srau kadau tamuh tabiak, Prang brei labaih 45 rabau cảnh sát saong hiến binh gam haong rilo jalan ngak piah khik kajap sron mbon ka harei Lễ Quốc khánh di harei ini 14/7. Akaok Mintri Tư pháp Prang brei thau lac, meda kaoh duas khang dom urang ngak srau kadau. Karja Prang jeng brei padeih taong abih dom radaih pajeng ba công cộng dalam 2 harei 13/7 saong 14/7. Daok ban ine Paris, taong abih dom mblang tàu điện ngầm nduac rah tui jalan roya Champs Elysée, atau dom mblang ba tal tháp Eiffel brei kreik pabah mbang abih dalam harei Quốc khánh./.