Nyaom biai mbang ka 10 Mban Chấp hành Trung ương Đảng mbang XIII hu peih tabiak dalam praong prang tuk mesup ini di jabat Trung ương Đảng. Dalam harak ndom puac peih mbaok nyaom biai, Tổng Bí thư, Akaok negar Tô Lâm biak caik hatai tal bruk menuac urang di nyaom roya XIV lac bruk biak praong, hu makna ba tal jayah dom sarak, jalan ngak di Đảng piah ba taneh ia yam tame tukvak bahrau. Tổng Bí thư, akaok negar Tô Lâm hu panuac ieu saong brei mboh hatai jia lac, Trung ương brei paglaong trách nhiệm anak Đảng, anak bhap bini, anak sajarah hadah hadai di Đảng saong ilamu meng kan di muk kei piah ngak biak siam bruk ini dalam tantu, cambaih laih, hu ilamu, sangka tani tanat, ba tagok dang akaok kein laba di taneh ia, di bangsa saong raidiuk trei sir, haniem phul di bhap bini. 

Tỉnh Cà Mau daok pataom tame bruk patrun kathaot khang klajap, kham merat patrun baoh sang kathaot dalam bhap bini bangsa takik dalam tỉnh meng 2% tagok dalam sa thun. Bruk ba tabiak lac tal thun 2029, jien mek tame di urang bangsa takik daok di Cà Mau tagok jang 2 mbang duk haong thun 2024. Dalam nan, sang kathaot urang bansa takik di dom xã bhum 3 saong palei biak kan kandah bhum urang bangsa takik trun meng 2,5% tagok sa thun. Tỉnh Cà Mau urak ini hu 21 bangsa takik haong labaih 50.650 menuac, dalam nan rilo di abih lac bhap bini bangsa Khmer saong bangsa Low. 

UBND tỉnh Bà Rịa – Vũng Tàu bahrau tacei pato dom puk palei, dom jabat pambuak tal, pataom tame ngak pasiam dom tavak tavaiy daok kandaong veik, peih ngak dom jalan ngak samar drah meng ini tal bilan 10 piah taoh talaih “thẻ vàng” di Ủy ban châu Âu (EC). Dalam nan, dom puk palei tui iek jalan nao di gilai ikan luac harei malam, samar langyah bruk lahik pambuak talei phone atau yam tapa labik oh brei lih tame taong cap. Ngan saong dom gilai lahik jalan pambuak talei phone, tỉnh tacei brei taong phạt catang. Sở Ngak nong saong patagok palei pala tỉnh Bà Rịa – Vũng Tàu hu brei padang kapul duah thau, pasang iek saong langyah taong abih dom bruk gilai lahik pambuak talei phone meng tuk 6 tagok. 

Anak bruk mboh lac áp thấp nhiệt đới mbuan khang jeng rabuk ka 4 saong ia ndik gam haong hajan praong di kreh bilan 9 tui mbang ia tagok glaong di tuk ia bulan bak baoh bilan 8 (saka ia bulan), mBan Chỉ huy Pacang caga dân sự - Pacang caga bala meng langik tasik saong daong duah urang njauk bala TP.HCM hu panuac ieu dom puk palei peih bruk pasang iek dom ar pacang, dom cống, labik van pacang ia ndik saong caga pandap piah ngak pasiam  ar pacang vil val meng di tuk ini tui jalan “4 di labik”, oh caik rah tabiak bruk pacah, talah, ia nduac tame ba tal dauk ia ngak kan kandah tal bhap bini. 

Di rilo tinh ban dalam bhum ĐBSCL daok hu hajan praong, mbuan hu ia tagaok glaong pambuak haong hajan ia sua meng gah angaok tuh mai saong tagok tal tabung glaong di harei 19 saong 21-9. Nan ye mbuan hu ia dauk ia ndik gam haong hajan angaok dom labik dhaong dalam bhum ĐBSCL meng harei 18 tal harei 22-9. Dom puk palei mbuan dauk kayua ia ndik gam haong hajan ia sua brei pasang iek ar pacang, dom labik bahrau pok saong padang dom jalan caga. Abih di nyu lac, dom tỉnh Cà Mau, Bạc Liêu, Hậu Giang saong Kiên Giang, njauk tui iek catang bruk ia ndik piah hu jalan ngak brei ia tathuak samar drah. 

Dom menuac ngak bruk daong samar drah daok kham merat rami ramik phun jaleih saong dom candaih pacah angaok jalan praong di Thượng Hải – Trung Quốc hadei di rabuk Bebinca nao tapa. Rabuk Bebinca khang abih kuhria meng thun 1949 tuh tame pasak jien padai di Trung Quốc harei 16/9 ngak brei khat lahik praong dalam ban Thượng Hải, jaleih labaih 1.800 phun hijao saong ngak brei 30.000 baoh sang lahik điện. Jaik 414.000 rahra hu ba nao labik karei. Labaih 577 kapal gilai saong 1.461 mbang par brei klaak. Dom tỉnh jaik taphia yau ye Giang Tô saong Chiết Giang jeng khut tayah khang, kreik pabah mbang yaok rabau labik padang ngak saong labik yu lit, ieu 21.000 kapal gilai tame gilac veik pabah lamnge. 

Pasak pasang iek bala meng langik tasik negar Brazil brei thau, taneh ia ini daok hu mbang pandiak bhang khang abih kuhria meng kan mai haong labaih 3 triệu km2 gaok kan kandah, samu 30% mbaok taneh di negar. Urak  ni rilo baoh kraong di bhum Amazon thu lagu ngak ka dom jalan kraong oh nao mai hu. Dom labik ia biar jang 4,25 mét duk haong tanut kuhria rah tapa. Pandiak bhang dui atah ngak kan kandah trak tal bruk ngak di dom sang mac thủy điện, ngak brei rilo labik angaok taneh ia praong ini brei takik pandar điện. 

Rilo mac nhắn tin hu gah Hezbollah di Liban pandar, nyu patuh di grauk labik dalam taneh ia Trung Đông ini di harei kabroi ngak brei 8 urang matai saong jaik 2.800 menuac njauk rambuas. Tapa nan brei mboh bruk catang tagok khang di bhum Trung Đông ngak ka menuac sia oh plaih di duh hatai. Ngoại trưởng Iran hu panuac lên án khang dom bruk patuh mac nhắn tin ngak brei metai menuac di Liban, saong brei thau lac, Tehran halan hatian daong taong ruak ka dom menuac njauk rambus./.