UBND tỉnh An Giang pambuak haong Tòa Hành chính tỉnh Kandal (negar Campuchia) bahrau peih bruk brei thau pabah mbang negar pakat dunya Vĩnh Xương saong pagam haong pabah mbang negar pakat dunya jalan radaih haong jalan kraong Vĩnh Xương - Kaorm Samnor. Bruk peih pabah mbang negar pakat dunya ini hu peih tabiak jalan praong piah ka Việt Nam - Campuchia peih bruk quy hoạch, dui pachreih urang buh jien tame, patagok cơ sở hạ tầng, palagaih ka bruk pablei salih kaya pandap tame tabiak negar, jhul patagok bruk pambuak gauk, cak rok patagok abih bruk di dom gah yau ye: đầu tư, kinh tế biên mậu, jalan mbak pajeng ba, du lịch...tapa nan rik daong jhuk samar bruk cak rok patagok kinh tế - xã hội di tỉnh An Giang saong tỉnh Kandal.

Urak ini, Ban raya HCM hu labaih 49.000 anek saih oh ka hu mã định danh. Gah Pato megru daok pambuak bruk haong công an piah samar langyah. Tui ong Hồ Tấn Minh, Chánh văn phòng Sở Pato megru Ban raya HCM, piah caga ka bruk palih ruah anek saih akaok pakat tui jalan online, Sở Pato megru hu pambuak bruk haong Sở Tư pháp saong dom gah pambuak tal, ngak salah dom bruk xác thực mã định danh ka anek saih meng 3-18 thun. Tui nan, amaik ame anek saih, sang bac meda pandar piah tut angan atau brei thau bruk tame bac di anek saih. Ban raya HCM brei thau lac tal harei 15/3 brei ngak salah mã định danh ka taong abih anek saih.

Di dom tỉnh Tây Nguyên saong ĐBSCL daok hu bruk tagok samar ka taneh pala durain, abih di nyu nan lac di dom labik hu langik tasik, taneh riya oh lagaih. Di rilo puk palei, rahra kaoh klaak phun café, phun maraik kalu piah pala durain. Kayua yau nan ye, Cục Pala drak, di Mintri ngak nong saong patagok palei pala hu ieu kakei dom tinh pathau khan rahra, mayah ba gauk pala durain biak rilo tui hatai, oh tui panuac ieu kakei di jabat chuyên môn meda ba tal dom kan kandah biak trak, kan thau dahlau, baoh durian rilo pablei oh abih atau oh hu labik pablei.

Dalam kham merat pacang caga bruk chap mek kaya ikan dalam ia suan hukum, oh khan  brei thau saong oh tui bruk ba tabiak IUU, ong  Lê Quốc Anh, Phaok Akok UB bhap bini tỉnh Kiên Giang, Pho mban tacei jalan pacang caga IUU tỉnh  brei thau, Kiên Giang meda lac tỉnh nao dahlau dalam bruk langyah catang dom bruk ngak suan IUU, meyah tok pathau khan bo oh langyah catang ye oh hu siam. Gam haong nan, tỉnh meda hu harak  pok tagok Mban tacei jalan pacang caga  IUU pakat negar hu jalan brei kadun tukvak bayar sre, pagol sre ngan haong dom po gilai gaok kan kandah; likau Tổng cục thủy sản langyah dom kan kandah tavak tavaiy dalam bruk tui iek tuk tabiak tasik.

UBND tỉnh Cà Mau, Cục Hàng không Việt Nam saong Công ty Bamboo Airways hu njauk gauk lac harei 20/4 anak tal meda peih jalan par iek Cà Mau - Hà Nội, tal 30/4 brei peih pajeng tuai 3 mbang sa adit. Bruk peih jalan par Cà Mau - Hà Nội, hu makna biak praong ngan haong tỉnh Cà Mau dalam cak rok patagok kinh tế - xã hội, abih di nyu nan lac pachreih hu bruk buh jien tame ngak mbang. Urak ini mblang kapar haoh Cà Mau daok peih bruk par yaok harei sa mbang par nao saong mai Cà Mau - ban raya Hồ Chí Minh, meng sruh kapar haoh mbaih, prrein pajeng 35-40 ribau tuai sa thun, dalam tuk nan mblang kapar haoh hu prein pabak tagok tal labaih 200 ribau tuai sa thun.

Bak 1 thun Nga peih bruk mesruh di  Ukraine. Bruk mesruh di Ukraine daok jeng bruk mesruh khang ngak brei tayah tayac saong metai lahik rilo abih di châu Âu kuhria meng tuk hadei di “chien tranh Lạnh”, ngan hoang jaik 19.000 bhap bini metai saong njauk rambuac. Jaik 13 trieu urang, nan lac 1/3 bhap bini Ukraine nduac klaak sang danaok. Ukraine jeng lahik bruk ngak po di sa takai taskik atah, dalam tuk kinh tế daok dang veik. Gilang pariak dunya kuhria mboh dahlau lac, bruk mesruh di Nga nyu palai pajoa kinh te di Ukraine, ba tal bruk ngak tabiak pandap dalam negar takik veik 1/3, khat lahik tal 350 tỷ USD.

Ủy ban châu Âu hu pakauk urang ngak di jabat ini pandar Tiktok di dom jamriak di drei kayua huac bruk bảo mật dữ liệu. Gam tui di nan jeng ieu kakei dom urang ngak njauk taoh klak ứng dụng dahlau di harei 15/3 anak tal. Thun 2022 Mỹ jeng taoh klak ứng dụng ini tabiak truh dom jamriak di rajaei, saong dom nghị sĩ daok jhul samar hukum pakauk TikTok di dalam taneh ia. Hà Lan hu kakei dom urang jakar plaih atah ứng dụng ini. TikTok, hu cty amaik di Trung Quốc, daok gaok bruk pasiam iek dak harei dak catang di phương Tây kayua huac kanda bruk pataom mek dữ liệu di urang pandar.

Gah  Khí tượng Dunya (WMO) birau ini brei thau, bruk biak jhak di tua riya pandiak bhang dui atah rilo thun meda  rah tabiak dalam thun ini di bhum Sừng châu Phi. Tui sa kuhria mboh dahlau bahrau abih, hajan takik meda dui atah di bhum Sừng châu Phi dalam 3 bilan anak. Meyah bruk nan rah tabiak, ini lac bilan iek lapa ka 6 gam gam oh ka bhian mboh ngan hoang dom taneh ia di labik ini, abih di nyu nan lac Ethiopia, Kenya saong Somalia. Bruk lanagik La Nina nan lac bruk ba tal bhum taneh kurang hajan meng bilan 10 thun 2020./.