Di nyaom biai taom gaok Akok UB bhap bini TPHCM saong Akok UB bhap bini dom phường, xã, ban sit thun 2023, ngan haong kadha: “Paglong siam lagaih bruk ngak cong vụ, jhul khang bruk salih so” peih tabiak di biar harei 27/4, Akok UB bhap bini TPHCM Phan Văn Mãi hu panuac lac, anak tal dom palei  brei pasang iek bruk peih ngak dom bruk KT-XH thun, bruk ngak di thun. Bruk ngak dalam 3 bilan akaok thun ini hu dom bruk daok biar min oh njuak lac yau nan bo haduh hatai saong dom bruk njauk ngak  brei ngak chip, ngak khang piah ngak brei salih birau. Langiu di nan, njauk pasang iek veik qui che ngak bruk, parabha bruk ka yaok pakat ngak piah njuak bruk njauk urang, oh kurang bruk ngak, pakhang bruk ngak tui hukum piah ngak ka paha hu bruk ba tabiak dalam thun; pan kajap địa bàn, khik kajap talei rohim pambuak bruk haong bhap bini.

Ủy ban Bhap bini ban Cần Thơ, Liên đoàn Lao động ban hu pambuak haong Mbao urang ngak peih pakah danak dak “jalan hala dok taneh ia” di huyện Phong Điền. Jalan nan atah 8km, lac sa dalam dom jalan hala dok atah abih di dalam taneh ia, hu labaih 600 gheng dok, hu padang ngak haong yaom jien abih tih labaih 1 tỷ đồng. danak dak hu makna chính trị praong dalam, ndung mbak dom hatai saong bruk hadah mbaok mata di bangsa; hu caong lac meda pachreih ba, pathau khan, dui pachreih bhap bini Phong Điền saong abih di nyu nan lac ban Cần Thơ patagok bruk jumptaom gauk, padang ngak puk palei dak harei dak siam makre jang.

Lien minh HTX Viet Nam saong UB bhap bini tỉnh An Giang birau mbaoh tangin tame harak sanya pambuak bruk patagok kinh te kapol nyaom, HTX di tỉnh An Giang vaktu 2023 -2025. Tui sanya, bruk ba tabiak tal thun 2025, An Giang meda brei padang bahrau meng 28 -33 HTX yaok thun, padang sa Liên hiep HTX padai brah bhum Taneran kraong Cuu Long di tỉnh An Giang. Yaok thun, An Giang brei padang meng 1-2 danak dak  daong cak rok patagok kinh te kapol nyaom, HTX; padang 6 cửa hàng tiện ích.

Mintri Y tế brei thau lac, dalam harei 27/4, dalam taneh ia hu veik 2.958 urang ruak COVID-19 saong 1.062 urang thit ruak. Anak bruk dom urang ruak COVID-19 daok  tagok glaong, GS-TS Phan Trọng Lân, akaok Cục Y tế caga dahlau (Mintri Y tế) hu ieu kakei bhum palei njauk paglaong bruk pasang iek jit ruak dalam tuk padeih lễ dui atah, abih di nyu nan lac hadei di hadom thun jit praong COVID-19, bruk nao mai di rahra, jang yau tuai damuai negar langiu mai tal negar drei dak harei dak tagok, ngak brei mbuan tamuh jit ruak. Hadei di mbang padeih lễ, tuk rahra mai ngak bruk gilac, bruk pacang caga jit ruak njauk pasang iek biak catang jang. Gam haong nan, hadei di mbang padeih lễ dom sang bac tame mbang pakacah, kayua yau nan ye, gah y tế dom tinh, ban njauk patui veik paglaong bruk pambuak haong gah pato magru piah tani tanat bruk pacang caga jit ruak dalam sang bac.

Mong 3 meteh biar harei 27/4, di glai glam praong 2,5 ha di puk  Long Hoà B, xã Long Định, huyện Châu Thành (tỉnh Tiền Giang) njauk apui khuah. Apui khuah gaok hangin khang mbang pambak tabiak labih 2000 met vuong. Taduan hu panuac khan ka bruk nan, Jabat Cảnh sát pacang khuah, padam khuah saong daong duah urang gaok bala - Kong an tỉnh Tiền Giang  hu ba 3 sruh radaih padam apui khuah haong yaok pluh urang jakar, urang lin samar hu mbaok piah padam apui. Tui bhap bini pak nan, apui khuah meda kayua dom urang tame glai mek hani danko ngak apui khuah glai. Bruk Apui khuah daok hu dom jabat chuc nang pasang, ngak brei cambaic laic.

Mintri Y tế Lào bahrau ba tabiak panuac ieu kakei rahra negar ini njauk caik hatai anak dom janih ruak kik pambuak tal pandiak bhang saong bruk tachrauk nerak alam. Panuac ieu kakei nan hu ba tabiak dalam tuk Lào daok tame tukvak pandiak biak catang jang saong tachrauk nerak alam kayua bruk khuah glai saong rahra cuh hamu, puh. Dahlau di nan, di puac bilan 3, langik pandiak bhang saong bruk rahra cuh hamu puh  ba tal dom mbang khuah glai di rilo labik dalam negar Lào, ngak ka dom kapul chức năng biak kan kandah glah glar piah pacang caga haong apui khuah, dalam nan rilo mbang pui khuah mbuan ba tal tapa prein pasang iek.

Gah Y te dunya hu ba pabak bien the phu birau daok njom mbak samar di Omicron XBB.1.16 tame angan bien the birau njauk caik hatai. Bruk njom mbak di XBB.1.16 samar jang meng 1,17 - 1,27 mbang dut saong bien the Omicron.  Bien the COVID-19 birau XBB.1.16,  ba tal dom ruak bhian mboh di  COVID-19 lac pandiak saong patuk, gam haong nan lac dom ruak meta yau viem ket mac, pandik meta, katan meta. Bien the XBB.1.16 hu mboh di 32 taneh ia, dalam nan hu Viet Nam.

Hội đồng Bảo an Liên Hợp Quốc hu brei tapa Sarak lên án adat pakauk di kanja Taliban ngan haong urang kumei Afghanistan ngak bruk ka Liên Hợp Quốc di Afghanistan saong ieu dom urang pan akaok Taliban “samar drah salih karei veik” bruk kateik greik quyen di urang kumei saong uranaih kumei. Sarak brei thau lac,adat pakauk ini ka oh bhian mboh dalam sajarah di Liên hợp quốc saong ngak patrun quyen di anek manuac saong dom jalan ngak pahla. Gam tui di nan sarak jeng brei thau ka bruk oh kurang hu di urang kumei dalam kanja Afghanistan.