Page ini 17/10, di Ha Noi, Nyaom  roya Mat tran Negar Viet Nam mbang X, vaktu 2024 - 2029 peih ngak dalam praong prang. Dalam harei ngak bruk camereip di  nyaom roya, dom urang lambaok vakil hu pang Harak iek veik bruk ngak di UBTƯ, Đoàn Chủ tịch saong Ban Thuong truc Ủy ban T.Ư MTTQ Việt Nam mbang IX, vaktu 2019 - 2024. Nyaom roya hu pang harak pasiam veik, pabak asar kadha di sarak  Mat tran Negar Viet Nam mbang IX.

Di var taom gaok cử tri dahlau Mbang nyaom ka 8, QH mbang XV, di Ban Cần Thơ, peih ngak di biar harei kabroi, Thủ tướng Phạm Minh Chính caong khin ban Cần Thơ pambuak haong dom urang jakar, gah ngak bruk brei samar lagaih tui danak dak, gam danak dak ngak brei oh daok baoh sang taik tahak piah hu salamat, tani tanat raidiuk rahra. Thu tuong njauk hatai haong panuac caong khin di cử tri ka bruk samar padang ngak Pasak pambuak, ngak tabiak pandap pandar, che bien saong pablei pandap kaya nong di Bhum taneran kraong Cuu Long do Ban Cần Thơ piah ngak ka bhum taneh ini cak rok patagok.

Phó Thủ tướng Trần Hồng Hà birau ba mbaoh tangin bruk peih ngak Danak dak peih praong, pasiam tagok Mblang kapal haok Cà Mau. Bruk pamong tal di danak dak padang ngak peih praong, pasiam patagok  Mblang kapal haok Cà Mau khik brei kapal haok A320, A321saong dom kapal haok karei par tagok atau trun hu lagaih; pabak prein khang patagok kinh te, ilamo xa hoi, tui nan khik  brei an ninh quoc phong tỉnh Cà Mau saong bhum taneh. Phun jien  di danak dak  labaih 2.400 tỷ đồng, pandar 100% phun jien di Tổng công ty Mblang kapal haok Việt Nam.

Rilo HTX di Bà Rịa – Vũng Tàu mboh lac, Sarak 21/2020 di HĐ bhap bini tỉnh ini ka sarak pachreih bruk cakrok patagok, pambuak gauk dalam bruk ngak mbnag saong pablei kaya nong hu daong dom HTX peih praong darak pasar, hu mesre phun jien laba lap, pamong tal bruk cak rok patagok tani tanat, khang kajap. Tỉnh Bà Rịa – Vũng Tàu urak ini hu 490 to hop tac saong 195 HTX ngan haong 12.500 urang, dalam nan hu 18 HTX ngak nong hu pambuak haong doanh nghiep dalam bruk ngak tabiak pandap pandar, che bien saong pabei kaya nong. Dom HTX duah bruk ngak  tani tanat ka labaih 4.800 urang di bhum palei pala.

Peih ngak Bruk paglong chuoi kein laba di la-u suai lavik saong patagok bruk pala la-u brei baoh siam, hadei 3 thun urang pala la-u di tỉnh Trà Vinh hu pala birau 4.000 ha bein la-u, paglong taneh pala la-u urak ini di tỉnh labaih 27.800ha, dang dhi 2 dalam negar, hadei tỉnh Bến Tre. Urak ini, tỉnh hu quy hoạch  labik pala la-u saong caong khin tal thun 2030 patagok taneh bein la-u labaih 30.000ha. Bruk patagok taneh pala la-u hu gah ngak ning Trà Vinh daong pachreih urang nong brei pala la-u tui jalan birau hữu cơ hacih sa-at.

Hoi dong Bhap bini pakat glong, lac Quoc hoi Triều Tiên hu ramik veik Hukum negar, dalam nan tacei ba di Han Quoc  lac “ taneh ia jhak haong gauk”. Bruk ngak lagaih haong panuac ba tabiak di Chủ tịch Kim Jong Un atah klak bruk brei yasa kaoh pulao Triều Tiên dalam tuk dak harei dak catang tagok haong Hàn Quốc. Tui KCNA, Triều Tiên brei cakak klaok  abih dom jalan tabak saong jalan pasei pambuak haong Hàn Quốc hadei tuk patuh  mìn pambak praong ralo labik. Karja taneh ia ini mboh lac, ini lac bruk ngak njuak hukum pacang caga veik sa taneh ia oh njauk gauk tui asar kadha di Hukum.

Ấn Độ brei mboh veik jalan sahaneng oh njauk hatai Sáng kiến Vành đai, Jalan BRI di Trung Quốc. Ấn Độ lac taneh ia hasa dalam Gah Hợp tác Thượng Hải oh njauk hatai danak dak pambuak jalan mbak hu rilo caong khin nan. Ấn Độ ndem puac catang ka bruk paneh tabiak nan, kayua danak dak nan hu Jalan kinh te Trung Quốc- Pakistan nao tapa bhum taneh Kashmir kayua Pakistan pasang khik, di bhum taneh bo Ấn Độ hu khan brei thau bruk ngak po di drei.

Anh saong Prang iew  Hoi dong Bảo an Liên hợp quốc da-a mai  pataom ginum chip piah ndem biai ka bruk ngak pahala di Gaza. Tui nan, Anh daok kuhria brei taong phạt 2 akok mentri Israel. Thủ tướng Anh Starmer mboh lac bruk daong pahala di Gaza daok biak trak damak, Israel brei peih ngak rilo jalan meda plaik njiak metai bhap bini, tui nan brei adat daong pahala tame Gaza hu ralo jang./.