Ngan haong kadha “Bhap bini dom bangsa tỉnh Dak Lak jum pataom, salih birau, patagok kein laba, lagaih, tame saong patagok khang kajap”, page ini, Nyaom roya dom bangsa takik tỉnh Dak Lak mbang IV, thun 2024 peih ngak  hu mbaok tame 250 urang lambaok ka labaih 715.000 urang bangsa takik di 49 bangsa adei sa-ai  dalam tỉnh. Tukvak tapa, bruk bangsa saong peih ngak sarak bangsa di tỉnh hu pakhang, salih birau saong mek hu rilo siam mekre. Ralo bruk ba tabiak saong ngak labaih di nan. Nyaom roya kham merat tal thun 2030 Dak Lak oh daok huyen kathaot, xã biak kan kandah.

UB Bhap bini tinh tay ninh bahrau ba tabiak sarak daong taneh riya ngan haong urang bangsa takik lac hu baoh sang kathoat, baoh sang jaik kathaot. Tui nan, mikva bangsa takik hu mbang tui sarak lac hu daong taneh daok, taneh ngak mbang pala drak, brei papah taneh oh brei ngak nong, oh mek jien, patrun jien pah taneh piah khik kajap tani tanat raidiuk. Sarak ini hu brei ka urang bangsa takik baoh sang kathaot, baoh sang jaik kathaot daok di bhum bangsa takik di Tay Ninh oh ka hu taneh daok, oh daok taneh atau kurang taneh daok dut haong tanut brei taneh tui adat sarak di tinh. Ngan haong mikva bangsa takik daok gah langiu bhum bangsa takik kan kathaot, jaik kathaot min oh ka hu taneh daok, taneh ngak mbang jeng hu pasang iek piah brei taneh sa mbang.

Bruk pato bruk ngak pambuak haong duah bruk ngak tukvak tapa hu tỉnh Sóc Trăng biak sangka. Ngan haong baoh sang urang bangsa Khmer, bruk pato bruk ngak ka urang ngak nong hu ba mai jak jeng siam mekre. Meng thun 2021 mbiah tal ini, tỉnh Sóc Trăng hu daong brei salih bruk ngak ka labaih 4.500 baoh sang, kuhria hu jaik 46 tỷ đồng. Daok dom baoh sang tok hu takik taneh pala drak, pato bruk ngak gam duah bruk ngak hu caik hatai kuhria. Dalam tinh Sóc Trăng urak ini hu 19 labik tut angan pato bruk ngak, palih ruah labaih 20.000 urang yaok thun, rik tame ngak  bruk tani tanat, patagok jien mek tame ka mikva.

Tinh Kon Tum hu caik jaik 200 ty dong kadung jien Trung uong saong puk palei gam haong phun jien mesraiy tin dung sarak ngak siam lagaih Danak dak 1 ka bruk langyah bruk kurang ia pandar di bhum mikva bangsa takik saong bhum ceik. Meng bruk daong ini, rilo baoh sang hu ia hacih sa-at piah pandar, daong paglaong siam raidiuk ka mikva. Tui Mban Bangsa tinh Kon Tum, thun dahlau, baoh sang mikva bangsa takik pandar ia hacih sa-at hu labaih 88%. Gah chức năng saong dom bhum palei dalam tinh hu daong ia pandar ka labaih 5.500 baoh sang, buh jien tame padang 29 danak dak ia pandar pataom tame ka dom labik daok di bhap bini.

Biar harei  kabroi, Sở kong thương tỉnh Tiền Giang pambuak haong Kong ty co phan FADOIexport peih bruk  Pajeng 3 container la-u that akaok meti hu papaok pablei tabiak  darak pasar Trung Quoc tui jalan radaih. La-u that  lac janih pablei tabiak negar langiu  brei khik tani tanat  dalam tuk pajeng. Baoh la-u brei khik piah la-ar  tani tanat meng 2 tal 3 độ C, tathak 30% piah pajeng tame dalam dom tỉnh negar Trung Quốc. Tiền Giang hu taneh pala la-u praong di bhum taneh bhum taneran kraong Cuu Long hu labaih 21.000 ha. Tỉnh hu rilo sarak daong, jhul pakhang bruk  pala saong ngak tabiak pandap meng la-u, rik tame ba phun la-u Viet Nam anak tal jeng phun duah jien tỷ ndo negar langiu tame. 

Karja Ban ine New Delhi Ấn Độ daok srap gap peih ngak bruk mek jien radaih tame ban dalam tukvaktabung glaong. Bruk mek jien ngak tui hatai caong takre lac langyah hu bruk gar jalan mbak saong njaom nerak di ban hu labaih 30 trieu rahra ini. Bruk sahaneng tabiak nan oh cang padeih saong ilamo cong nghe tavah so radaih tu dong hu pandar jamraik mek jien di dom radaih tame ban dalam tukvak hu makna, meng mon 8 tuk page tal mon 10 tuk page saong meng mon 5h30 bỉa harei tal 7h30 mesup yaok harei.

Rajaei Anh birau khan brei thau pakauk pakao hala điện tử pandar sa mbang meng bilan 6 thun 2025, piah takik jhak tal alam moi truong saong trun takik uranaih pandar  dak harei dak rilo. Tui dom harak pathau khan, pakao hala dien tu pambak praong samar di Anh dalam 10 thun tapa tui kuhria yaok 10 urang hu 1 urang blei saong pandar pandap nan. Ngan haong bruk pandar menyek pahe di baoh kayau saong rilo sambo mau, pakao hala dien tu pacheih nyaom urang uranaih. Tui bruk pasang iek birau ini, yaok 5 uranaih  ye hu 1 uranaih hu njuk pakao dien tu.

Kuhria meng di thun 2025, Rajaei Canada brei takik urang di negar langiu hu brei mai daok di taneh ia ini. Tui nan, Canada brei mai daok rilo abih lac 395.000 urang dalam thun 2025 tui sarak di taneh ia ini, 380.000 urang dalam thun 2026 saong 365.000 urang dalam thun 2027, trun khang dut haong 485.000 urang dalam thun ini. Ini lac mbang camereip hadei di rilo thun Rajaei Canada brei patakik urang di langiu negar mai daok. Urang mai daok biak rilo jeng ngak ka urang menuac dalam taneh ia Canada tagok biak rilo, ngak tagok hatai caong blei pandap panda saong sang daok./.