Ngak bruk di huyen Xuan Loc, tinh Dong Nai page 24/3, Pho Akok negar Võ Thị Ánh Xuân mai rivang, lain pandap ka dom amaik VNAH Đỗ Thị Miên, Nguyễn Thị Bê, Trần Thị Kim Vệ; tui nan, rivang, jak ba saong alin pandap ka 30 baoh sang dalam huyen Xuan Loc. Pho Akok negar mboh lac, taphia di bruk patagok kinh te, huyen Xuan Loc saong tinh Dong Nai brei caik hatai tal bruk bayar dhar phol dom urang dalam sarak karja. Tinh Dong Nai urak ini hu labaih 16.000 urang daok mbang tui jien daong yaok bilan di karja.

Ban ndoan TPHCM birau taduan Huan chuong Lao dong dhi 3 kayua Akok negar meyaom alin brei ka bruk peih ngak hu siam dom bruk praong di bilan hè halan hatian di dam dara TPHCM, rik tame bruk dak padang CNXH saong khik Taneh ia. Mbang ini, Ban ndoan TPHCM meyaom 13 bruk, jalan peih ngak mek hu yai thuong Hồ Hảo Hớn 2025 piah brei mboh bruk ngak hadah krah hu rik daong tame bruk ngak Đoàn saong bruk dam dara uranaih ban raya.

Tinh ndoan Dong Thap birau peih harei pataom, kong nghem salih birau hadah krah saong salih pandar taka so Dong Thap thun 2025 pachreih labaih 300 urang ndoan, dam dara hu mbaok tame. Dalam tuk ba drei yam tame dunya saong salih pandar taka so taong abih gah, uranaih Dong Thap brei oh padeih sahaneng hadah krah, brei samar bac megru ilamo kong nghe birau, paglong ilamo pandar taka so, sahaneng khang kajap saong caong khin yam tagok, rik tame  bruk cakrok patagok khang kajap di bhum palei. Harei pataom nan hu pagap yau tatua pambuak dom kapol nyaom, doanh nghiep saong dam dara, pamong tal bruk patagok kinh te so, manuac sia diukrai pandar taka so.

Page ini 24/3, Pasak Jitvu ngak bruk di Ban Can Tho peih Mbang meyao meyit  ngak bruk online hu mbaok tame di labaih 950 urang ngak bruk di bhum taneran kraong Cuu Long, Đông Nam Bộ. Hu mbaok tame duah bruk ngak online, urang ngak mbuan duah thau, thau cambaic laic ka bruk ngak, bruk ngak dalam negar saong langiu; hu mbaok tame tangi sua tapak atau ilamo duah bruk ngak, brei ka urang palih ruah, tangi sua hu thau tal; tacei pato saong yaih khan ka bruk ngak.

Tinh Ca Mau birau khan ka bruk rah tabiak  di glai glo thun 2024. Tui nan, taneh glai di Cà Mau, dalam nan hu glai pala oh ka praong labaih 92 ribau hecta. Dalam nan, taneh glai njom ia mbak labaih 60.000 hecta, ralo abih dalam negar. Daok dalam angan glai njom ia mbak di dunya, glai njom ia mbak tinh Ca Mau dang hadei glai Amazon di Nam Mỹ. Ralo taneh glai njom ia mbak di labik ini jeng daok dalam Labik glai khik caga alam langik dunya Mũi Cà Mau.

Jabat Canh sat taneh ia Hàn Quốc khan brei thau peih ngak praong dalam negar bruk pagui chap mek dom kapol nyaom urang negar ngak suan hukum, dui atah tal harei 30 bilan 6. Urak ini, kol duis hu urang negar langiu  di Han Quoc dak harei dak rilo, abih di nyu nan lac bruk blei saong pablei  matuy saong co klaik radaih oto. Langiu di nan, canh sat jeng hu daong pakhang dalam bruk ngak jeng yau  khik brei salamat ka urang njauk kol negar karei pagat  oh hu harak gal njauk tui bruk ba tabiak. Dalam thun 2024, hu labaih 397.000 mbang urang oh hu harak gal tui hukum.

Mbang akok meti hadei labaih 5 adit tame sang iek ruak, Giáo hoàng Francis hu mbaok anak bhap bini. Mboh tapa pambang tho sang megik kito, Giáo hoàng daok di radaih galung, yer tangin cambuai khim klao saong payua panuac dhar phol tadhau ayuh taong abih gauk dahlau tuk ba ong tame dalam sang. Ini lac mbang akaok meti Giao haong anak rahra meng harei 14/2 tuk ong tame sang iek ruak kayua ruak jalan suan yawa trak.

Jabat y te Campuchia brei thau hu urang birau njom ruak manuk ada H5N1 tapa manuk di taneh ia ini, kuhria abih tih dom urang njom ruak meng akok thun tal ini tagok 3 mbang urang. Nan lac sa kumuan likei umo 3 thun daok di tinh Kratie. Kamuan  nan hu ba tame sang iek ruak dalam rup pandiak biak glong, patuk saong kan suak yawa. Urak ini, dom urang bac si daong iek ruak biak sami samar. Kuhria meng thun 2023 mbiah tal ini, Campuchia hu 45 mbang  urang metai kayua  njom virus kum manuk ada.