Tapa phim nan, urang mong iek duah tabiak  panuac javap ka dom panuac tangi sua yau: Wa Ho tabiak meng Prang nao tal Liên Xô yau halei? Kayua habar Wa Ho meda tapa hu mật tham negar Prang? Wa Ho ngak hagait camereip dalam tukvak daok di Liên Xô? Abih di nyu, bộ phim  nao duah panuac calei ka tukvak Nguyễn Aí Quốc mbang camereip nao tal Saint Petersburg ngan haong dom harak tài liệu daok khik veik biak takik.

Piah pabak hu hatai caong nao mai di tuai dalam tukvak Harei negar 2/9, Công ty Cổ phần phà An Giang jak ba hu 37 sruh phà trak meng 30-150 tấn nduac gam gam dalam 4 harei tukvak tabung glaong padeih lễ di 9 pabah lamnge di dalam tỉnh An Giang. Piah tani tanat dalam bruk nao mai hu siam makre, salamat, nduac thuan dalam tuk padeih lễ, Công ty Cổ phần Phà An Giang hu caik hatai tal bruk rami ramik jalan mbak tagok lamnge saong trun phà; oh caik ka tuai daok di mangaok radaih tapa phà; hu jalan ngak cambaih laih piah rami ramik jalan mbak, patakik bruk gar jalan di dalam bhum Bến phà; pambuak gauk langyah dom urang ngak lahik an ninh trật tự dalam labik ngak bruk.

Tui Mentri Ngak nong saong Patagok palei pala, “Festival Dunya gah padai brah  Việt Nam- Hậu Giang 2023” tui kuhria mboh dahlau peih tabiak di bilan 12 thun 2023. Festival hu labaih 700 đơn vị hu mbaok, parang pandap OCOP yaih khan, pandap mbang hu dom kaya bingi ngak mang brah, yaih khan dom janih mac, jamraih par piah duh ka bruk ngak hamu padai…Bruk gheih mekre di Festival Dunya  gah padai barah  Việt Nam mbang ini lac padang Jalan padai brah Viet Nam tapen karaong Xáng Xà No piah ba tuai damuai rivang iek duah thau dom kadha birau, caik dalam hatai tuk yam nao di jalan ndung bak bruk meng dahlau diah, urak ini saong anak tal di gah ngak tabiak padai brah Viet Nam.

Tatua Cần Giuộc bahrau brei nduac radaih, pambuak dua ar jalan di xã Phước Lại saong ban sit Cần Giuộc, tỉnh Long An. Tatua atah abih tih 417m, tatua praong 8m, trak 10 tấn, abih tih phun jien buh tame 150 tỉ đồng. Danak dak hu ba tame ngak oh lac langyah dom kan kandah di bruk nao mai ka mikva dalam bhum palei bo daok peih tabiak rilo kein lagaih piah cak rok patagok kinh te, paglaong bruk pambuak gauk di bhum ini tapa bhum deih di bhum gah maraong Sài Gòn pak TP.HCM haong ban Cần Giuộc, Long An. Meng nan, ngak kein lagaih piah dui pachreih rilo urang buh jien tame mai tal huyện Cần Giuộc jang yau tỉnh Long An.

Tỉnh Tiền Giang urak ini hu 1.286 sruh kapal gilai ikan hu prein khang  labaih 402.000 kW. Gah chức năng daok khik lac 938 sruh gilai ikan, taong abih dom sruh gilai  nan hu pagam  jamraih tui iek. Urak ini, bruk pacang caga taong chap kaya ikan suan hukum, oh khan brei thau saong oh ngak tui bruk ba tabiak di IUU hu urang nao tasik ngak tui catang. Dom gilai ikan dahlau tabiak tasik njauk brei pasang iek, brei ginup dom bruk njauk hu, abih di nyu nan lac jamraih tui iek daok  peih hu, dom pandap brei salamat…Hu yau nan, meng kaok thun mbiah tal ini, tỉnh Tiền Giang oh hu kapal gilai ikan halei ngak suan bruk ba tabiak di IUU.    

Javap jaloi haong gah papar ka bruk ba harak kamlah gauk tagok Gah pablei salih dunya (WTO) hadei di tuk Trung Quốc ba tabiak harak pakauk bruk blei tame ngan haong dom pandap panda kaya tasik di Nhật Bản, Chánh văn phòng Nội các Nhật Bản Matsuno brei thau, Nhật Bản meda caik hatai tal rilo jalan ngak dalam nan hu dom jalan ngak njauk ngak. Dalam sa bruk pambuak, Uỷ ban Đối ngoại di Đảng Dân chủ Tự do pan akaok hu peih mbang nyaom piah ginum biai ka jalan pacang caga anak bruk cagar veik di Bắc Kinh ka bruk Nhật Bản tathuak ia hu tapa langyah tabiak tasik.

Bilan 8 thu lagu oh bhian mboh ngak khat lahik asar ngũ cốc saong dom janih asar hu menyek di châu Á. Di Australia, taneh ia pablei tabiak lúa mì  praong ka dua  di dunya, kuhria mboh dahlau lúa mì trun. Dom urang khí tương học saong dom urang langyah mboh lac hajan takik abih meda ngak trun bruk brei baoh di phun pala di ralo taneh ia châu Á karei, dalam nan  hu lúa mì di Ấn Độ lac taneh ia pablei tabiak negar langiu ngũ cốc ralo abih di dunya. Dalam tuk nan, bruk kurang  ia hajan di ĐNA meda ngak brei trun bruk pabak menyek cọ. Ini lac janih phun menyek hu pandar ralo abih di dunya.

Di Toronto, Canada, 1 rahra nduac radaih juak hu angan lac siuk ma-aom akaok saong tamo bảo hiểm daok halain hatain pato tacei saong ba kein lagaih ka dom urang pasram nduac radaih juak. Meng di tuk dom urang bahrau mai tal daok di ban, abih di nyu nan lac dom urang kumei tui agama Islam jeng hu nduac radaih juak. Rilo adei saai hu mbaok tame nduac radaih brei thau lac danak dak ini biak caong hu kayua oh iek praong urang halei, sambo mau halei, agama hagait. Danak dak ini biak siam makre kayua oh lac duah ka dom urang ka oh thau ndih radaih bo daok duah ka dom urang pakacah hu rilo ilamo./.