Pho Akok negar sua rivang prein yawa saong tadhau ayuh amaik  prein yawa kajap karo, diukrai bui sambai haong baoh sang, anek taco. Harei ini, Pho Akok negar hu mai rivang Inem krung kalan kubo Nguyễn Đình Chiểu di xã An Đức, huyện Ba Tri. Pho Akok negar  cuh gilau  kakuh hadar tal ong Nguyễn Đình Chiểu lac sa urang cuah ariya anit ranam taneh, urang dane angan ilamu dunya. 

Akaok UB bhap bini tỉnh Bình Thuận bahrau brei harak meyaom ka ong Lê Phước Dũng kayua hu bruk alin hadiah labaih 3.500 m2 taneh daong ka huyện Tánh Linh padang ngak Nghĩa trang liệt sỹ. Tui UBND huyện Tánh Linh, nghĩa trang liệt sĩ huyện labik klak padang meng labaih 30 thun dahlau, urak ini mbaih mbaoh khang nan ye hu gah chức năng brei adat padang ngak bahrau di labik glaong jang. Min labik bahrau nyu gam tal taneh di sang ong Lê Phước Dũng. Tapa jak ba di karja palei, sang ong Dũng jao brei 3.504 m2 taneh piah padang ngak nghĩa trang. Langiu di nan, ong Dũng daok alin pabak brei 846 m2 piah ngak jalan tame Nghĩa trang liệt sĩ.

Mentri  Lao động - Thương binh saong Xã hội birau hu panuac caong tagok yaom jien daong trợ cấp, phụ cấp saong dom che do daong urang hu buh prein ka taneh ia meng harei 1/7. Dalam nan Mentri hu ba tabiak 2 jalan ngak piah patagok tanut chuan daong trợ cấp ưu đãi ngan haong urang hu buh prein  ka taneh ia tagok 2,055 triệu đồng/urang/bilan, atau  2,111 triệu đồng/urang/bilan. Tanut chuẩn daong trợ cấp  nan lac piah kuhria jien daong trợ cấp, phụ cấp saong dom bruk ưu đãi ngan haong urang hu buh prein ka taneh ia saong gauk gar di urang.

Ndom veik ka bruk uranaih likei umo 2 thun daok di Hóc Môn-TPHCM njauk taong paoh. Sang iek ruak Nhi Đồng 2 brei thau, prein yava di uranaih ini daok jhak trak, daok hu tui iek, pasiam veik saong pambuak bruk taong ruak meng rilo chuyên khoa. Uranaih likei nan tame sang iek ruak haong rilo labik njauk taong, paoh, jaoh talang tangin, saluh, pandung kalik pakat I-II, barah di kaok, suy hô hấp saong rilo labik pandung, barah karei di mangaok rup. Urak ini, Công an huyện Hóc Môn hu da-a amaik ame pajeng di uranaih likei nan tagok ngak bruk. Abih 2 urang nan hu pasang iek ma túy mboh lac âm tính. Tuk camereip, urang amaik taduan bruk taong anek. Bruk nan daok hu công an duah thau, ngak brei cambaih laih.

Pandiak bhang di tỉnh Cà Mau daok rah tabiak catang. Taneh glai patagok pakat apui khuah tabung glong tagok samar. Urak ini dalam tỉnh hu labaih 15.700 ha glai di pakat apui khuah pakat IV, V. Meng akok thu 2022, Bein pakat negar U Minh Hạ hu pagam camera piah iek apui khuah, hu 2 camera praong meda pasang iek hu abih labaih 2.500 ha glai. Meng hu bruk caga dahlau brei caik brong ia, binek padang ia nan ye ia dalam Bein daok ralo. Urak ini birau hu labaih 2.600 ha dalam abih tih  labaih 8.500 ha taneh di Bein hu tanut apui khuah pakat III, taneh daok veik hu tanut apui khuah pakat I.

Tui sa pathau khan yaok bilan di gah Y tế dunya (WHO), dalam 1 bilan tapa dom menuac njaom virus SARS-CoV-2 tagok jaik 481% di Đông Nam Á saong 144% di bhum timur Địa Trung Hải. Anak bruk tagok rilo urang njauk ruak bahrau COVID-19, Tổng thống Indonesia Joko Widodo kakei bhap bini samar nao klauk veik vaccine caga ruak ini. Saong daok hu panuac lac, bruk klauk veik vaccine pacang COVID-19 lac jalan ngak praong dang akaok piah pacang cakak bruk njaom mbak di jit ruak.

Han Quoc meda brei daong jien padar yaok bilan ka dom likei kumei daok kadauk mbaok umo meng 9 tal 24 thun  piah pachreih urang tabiak truh sang saong ba drei tame haong bhap bini. Dalam nan daong brei jien yaok bilan 650.000 won (490 USD). Paok jien nan hu gam jien brei ka uranaih piah rivang iek ilamu. Bruk likei kumei daok ranaih  daok kadauk mbaok dalam sang saong oh tabiak taom gaok urang gah langiu dalam sa tukvak hu iew lac “hikikomori” dalam sap Nhật Bản. Nan ye rajaei Hàn Quốc daok kham merat piah dom urang yau nan meda tabiak truh sang saong nao bac, nao ngak bruk.

Karja bang meraong Australia di Australia brei thau lac meda tabiak bruk pakauk njuk pakao saong pandar pakao điện tử di dom labik hu rilo menuac nao mai, yau ye sang bac, pasak pablei salih, dom mblang tasik, dom sang glaong rilo tal saong dom mblang me-in thể thao. Gam haong nan, jeng pakauk, oh brei pablei pakao di dom labik jamriak pablei pandap automatic saong tagok yaom taong phat glaong jang 2 mbang dom labik atau dom menuac urang pablei saong pabak pakao hala saong pakao điện tử ka uranaih. Taphia nan, karja pachreih bhap bini klaak njuk pakao saong oh pandar pakao điện tử tapa danak dak hu angan ieu lac "Pachreih klaak"./.