Pho Akok negar daok alin brei 200 paok jien bac ka uranaih hu raidiuk biak kan kandah, kathaot saong jao brei 10 baoh sang anit ranam ka dom urang dalam sarak karja kan kandah ka sang daok di huyen Mỏ Cày. Pho akok negar  jia lac patagok bruk ngak cách mạng, jalan sahaneng “Đồng khởi birau", Đảng bộ, bhap bini tỉnh hatung hatian haong gauk, ngak hu rilo bruk praong dalam tukvak anak tal, dak padang saong patagok Bến Tre hu jeng bhum palei ngak mbang patagok kinh te samar, khang kajap, jeng tỉnh kaya meda dalam bhum.

Di mbang nyaom ka 3 peih tabiak di harei 13/4, mBan tacei jalan pacang caga tham nhũng, tiêu cực TP.HCM njauk gauk brei ba bruk “Ngak suan adat gah đấu thầu ba tal khat lahik trak”, “Yar hối lộ”, “Taduan hối lộ” rah tabiak di Cty Việt Á, Sang iek ruak ban Thủ Đức saong Cty Nam Phong tame ka mBan tacei jalan tui iek, tacei pato. Gam hapong nan, brei bruk ka mban Thường trực mBan tacei jalan pasang iek, samar daong ka mBan tacei jalan pabak dom bruk, dom vụ án tame gah tui iek, tacei jalan tui njauk adat. 

Bui sambai kayua hu laba rilo meng padai Đông xuân yau nan ye mikva urang nong tỉnh Hậu Giang daok trun pajaih padai Hè thu. Piah bilan padai hu siam, gah ngak nong tỉnh kakei urang ngak nong brei ngak njauk dom quy trình ilamu pala drak meng akok bilan, jeng yau tui iek tuk phun padai tamuh praong tagok. Mbiah tal tukvak ini, urang ngak nong Hậu Giang  yuak blaoh padai Đông xuân 2022-2023. Ngan haong padai yuak hu labaih 7,8 tấn sa hecta saong yaom padai  hu urang blei glong yau nan ye mikva laba labaih di bilan Đông xuân 20-40 trieu dong sa hecta hadei tuk  pablei padai.  

Harei pataom pa-ok Đồng Tháp thun 2023 ngan haong kadha Pa-ok Đồng Tháp – Paglaong labik dang hu peih tabiak meng harei 28-4 tal harei 1-5 di mblang bein Văn Miếu (TP Cao Lãnh). Pa-ok lac 1 dalam 5 janih pandap praong di tỉnh. Urak ini, dalam tỉnh hu labaih 14.000ha pala pa-ok, yaok thun paik hu jaik 137.000 tấn baoh. Bruk peih ngak Harei pataom pa-ok Đồng Tháp piah pachreih ba, jhul khang bruk ieu urang buh jien tame ngak mbang, pablei dsalih, pambuak pagam doanh nghiệp, dui pachreih bruk sangka di urang ngak mbang gah chế biến, pablei tapa negar langiu piah patagok pandap praong di tỉnh Đồng Tháp.

Dalam quý 1 thun 2023, gah kong nan Bình Phước mboh hu jaik 10.000 mbang ngak suan Hukum Jalan mbak, dalam nan hu jaik 3.200 mbang urang nyum alak peih radaih. Dom radaih peih suan ralo lac: peih drah samar, ngak suan nong độ cồn, matúy, pajeng tapa prein, pajeng praong jang radaih, pagam brei ka radaih lanieng. Tui Kong an tỉnh Bình Phước, quý I/2023 dom mbang ngak suan  Hukum jalan mbak  tagok labaih 2.399 mbang dut saong tukvak ini thun 2022. Gah cảnh sát jalan mbak dom bhum palei tabiak ngak bruk pasang iek, langyah  gam gam. Meng nan, rik tame paglong jalan sahaneng ngak njauk tui dom bruk ba tabiak ka salamat jalan mbak di bhap bini tui tabiak jalan.

Hadei di 3 thun brei klaak atau peih ngak sit kayua jit Covid-19, Harei roya Songkran – lac harei roya meng kan di Thái Lan thun ini hu peih ngak veik. Jalan Khao Sản, labik ravang me-in dane angan di tuai negar langiu tuk mai tal ban ine Bangkok, Thái Lan, kreik pabah mbang meng mon 12 jala pandiak tal mon 8 melam dalam dom harei meng 13- 15/4 piah peih ngak dom bruk thaik ia dalam roya Songkran.  Tui kuhria dalam dom harei roya, hu meng 30.000 tal 40.000 tuai tuh mai jalan Khao San yaok harei. Rajaei Thái Lan caong lac roya Songkran lac tuk dui pachreih yaok triệu mbang tuai dunya mai ravang iek, me-in bui sambai, ba jien tame ka Thái Lan tal 18,5 tỷ baht (jaik 550 triệu USD).

 Cục pasang iek lien bang Mỹ ( FBI)chap mek sa urang ngak brei mblo khaw tin tình báo dalam tukvak tapa saong ini lac bruk ngak brei blo tabiak dom bruk kandauk trak abih di Mỹ dalam dom thun jaik ini. Urang likei njauk chap mek nan lac Jack Teixeira, 21 thun, lac urang peih kapal haok. Urang nan njauk chap khik kayua lac khik piah saong brei tabiak dom khaw tin kadauk di Mỹ pambuak tal bruk quôc phòng. Dom jabat an ninh  daok taong yaom bruk khat lahgik cambaic laic, tuk dom tai lieu pambuak tal bruk mesruh metak di Ukraine saong dom taneh ia karei njuak ba tabiak mbuan ngak jhak tal bruk pambuak talei rohim Washington saong dom taneh ia ayut sahabat.   

Tanzania haong Guinea Xích đạo hu tabiak panuac brei thau ka sa mbang tamuh virus Marburg. Bruk di Guinea Xích đạo urak ini mboh lac njauk duh hatai di abih. Gah Y tế Dunya (WHO) hu ba tabiak panuac khan di harei 25/2 hadei di tuk hu dom urang metai medil kayua Marburg di 2 palei daok di gah brak taneh ia ini di akaok bilan 1. Tal urak ini hu 15 urang njauk ruak Marburg di Guinea Xích đạo. Tui pathau khan di Mintri Y tế taneh ia ini, 11 urang ruak dalam ini metai dom harei hadei meng hu dom triệu chứng di ruak, lac taglaoh ta-ok, aih craoh, pandiak glaong./.