Phaok Thủ tướng Lê Minh Khái birau hu panuac tacei pato dom mentri, karja tinh ban brei tui iek tani tanat bruk pabak saong blei pandap, yaom kaom darak pasar dalam tuk Tet Nguyen dan 2023. Abih di nyu lac dom janih pablei khik yaom, dom pandap panda, dịch vụ pandar yaok harei meda tagok glong di puac thun  piah brei ba tabiak dahlau jalan ngak atau pok panuac tagok pakat ngaok dom jalan ngak brei sumu bruk pabak saong pablei, khik tani tanat darak pasar. Phaok thu tuong kakei lac oh brei rah tabiak bruk kurang pandap, klaik klaoh pandap ngak brei tagok yaom.

UBTWMT negar Viet Nam saong Tổng LĐLĐ Việt Nam bahrau alin hadiah 300 paok pandap (dalam nan hu 1 triệu đồng jien mbaok saong 1 pok pandap mbang Tết) brei ka dom urang ngak gaok kan kandah daok di dom labik ngak kong saong bhap bini kan kathaot di tỉnh Tây Ninh. Langiu di nan, dom pakat công đoàn tỉnh Tây Ninh jeng hu caga jaik 50 tỷ đồng piah daong Tết ka jaik 200.000 đoàn viên, urang ngak.

 Dom harei puac bilan 12, urang pala bingu kiểng di Ban Cần Thơ daok thuvi thuvar piah iek glang phun brei bingu njauk tuk tet. Yau nan min, thun ini langik oh lagaih, hajan rilo gam ia ndik ba tal po bein abih rilo jien buh tame  pala saong ngak jhak tal bingu Tet. Tui urang pala bingu ye yaom bingu thun ini biar jang thun dahlau. Dalam nan bingu “cúc takai atah” thun dahlau hu yaom pablei 300.000 – 500.000 đồng/yot, thun ini yaok yot bingu meng 300.000 đồng. Daok cúc Đài Loan yaom meng 150.000 – 200.000 đồng sa yot.

Pambuak tal dom bruk oh siam rah tabiak di dom pasak đăng kiểm radaih jamriak, dalam harei 28/12, Gah cảnh sát điều tra Công an TP.HCM hu pasang iek Jabat Kiểm định radaih jamriak, Cục Đăng kiểm Việt Nam saong khởi tố dom urang. Tal urak ini, abih tih 43 urang gam tal bruk nan njauk khởi tố piah duah thau ka dom duas "Ba jalan hối lộ", "Yar hối lộ", "Mek hối lộ", "Ngak ja dalam bruk ngak". Công an TPHCM jeng hu pambuak bruk haong Công an ban Hà Nội peih bruk pasang iek chip Jabat kiểm định radaih jamriak, Cục Đăng kiểm Việt Nam daok di Mỹ Đình, quận Nam Từ Liêm, Hà Nội.

Đội Cảnh sát điều tra, Công an huyện U Minh Thượng, tỉnh Kiên Giang pambuak saong Công an xã An Minh Bắc pasang iek, duah mboh baoh sang ong Nguyễn Văn Phúc, umo 61 thun, daok di puk An Thạnh, xã An Minh Bắc pala jaik 1.200 phun cần sa di labik dalam apuh, vin taom dar phun sậy me-om bak. Ông Nguyễn Văn Phúc lac hu likau pajaih cần sa di urang randap mai pala ka manuk mbang, pachreih manuk praong. Jabat Cảnh sát điều tra, Công an huyện U Minh Thượng daok ngak brei cambaic laic, pabak harak gal piah ba tabiak langyah tui hukum karja. 

Labaih 300.000 menuac di ban ine Kiev – negar Ucraina jeng daok oh hu điện, hu labik, daok kurang ia pandar. Dahlau di nan, Tổng thống Ucraina ndom lac, bruk brei takik pandar năng lượng di taneh ia ini meda hu ba tabiak ngak gam dalam bilan brak kayua jaik abih dom labik sưởi ấm saong labik thủy điện, jeng yau 40% jalan điện cao thế nyu klaoh, khut takik atau rilo.

Bhap bini di  Singapore daok ba gauk nao blei piah, dahlau di tuk yaom je blei pandap tagok 1% meng harei 1/1/2023. Meng thun 2023, yaom je blei pandap di taong abih janih pandap di Singapore meda tagok meng 7% yau urak ini tagok 8%. Yaom kak je tui kuhria meda tagok 9% dalam thun 2024 meyah oh rah tabiak bruk suy thoái kinh te dunya trak di thun anak. Gah pasang iek, langyah mboh lac, tagok yaom kak je lac jalan palih ruah oh ngak karei hu di Rajaei Singapore dalam tuk bhap bini taneh ia daok dak harei daka taha nao rilo.

Mintri Y tế Uzbekistan brei thau, takik di nyu 18 uranaih metai hadei di tuk menyum sa janih jru siro di Cty Marion Biotech Pvt Ltd kayua Ấn Độ ngak.  Janih jru ini hu pablei angaok blah web di Cty yau sa jalan taong ruak cảm la-an saong cúm.  Daok di Gambia hu takik di abih 70 uranaih metai kayua menyum jru siro patuk saong cảm la-an di Cong ty Jru hu jabat daok di New Delhi. Urak ini, rajaei Ấn Độ saong dom Cong ty ini jeng oh taduan lac bruk nan mai meng jru./.