Nyaom biai online di Rajaei haong 63 tỉnh, ban di T.Ư hu peih tabiak tuk page ini (3/1), piah pataom iek veik bruk ngak dalam thun 2022 saong peih ngak Ket luan di TW, Sarak  di QH mbang XV ka Jalan patagok kinh te -xa hoi thun 2023. Hu mbaok saong brei panuac tacei pato di nyaom biai  Tong bi thu Nguyen Phu Trong ndem cambaic laic, Rajaei saong dom Mentri, dom tinh ban brei caik hatai ngak ka nyu siam bruk buh jien tame ngak mbang pablei salih, jak ba saong pandar hu siam dom prein khang, sami samar pambak tame dom bruk lagaih piah pasiam veik, patagok kinh te - xa hoi samar saong khang kajap  jang. Samar thau saong hu jalan tacei ba ngak lagaih piah yam tapa dom kan kandah, dom bruk kan daman, bruk birau.

Phó Thủ tướng Lê Minh Khái bahrau mbaoh tangin tame harak brei bruk buh tabiak labaih 5.753 tấn brah meng gilang khik piah di taneh ia brei ka 3 tỉnh: Cao  Bằng, Ninh Thuận, Sóc Trăng dalam tuk Tết Nguyên đán thun sak tapai 2023. Phó Thủ tướng hu tacei Mintri Jien padai, Mintri LĐTBXH langyah cambaih laih tui njauk adat, taduan bruk brei thau saong số liệu pathau khan. UB bhap bini dom tỉnh ini taduan trách nhiệm ka bruk tantu, cambaih laih di số liệu pathau khan saong peih bruk daong samar drah, njauk menuac, njuak urang tui adat ba tabiak.

Meng harei 1/1/2023, Mentri Công an saong jabat lambaok Viet Nam di negar langiu brei peih ngak passport pabak khaw tin “ labik menek” tui Thong tu ka 68/2022. Passport phổ thông hu ngak dahlau di harei 1/1/2023 tui dom mau hu patabiak dahlau daih jeng daok hu pandar tal abih tukvak hu vak dalam passport. Langiu di nan, sa salih karei tra lac passport hu neh tabiak karei “họ”; “chữ đệm saong angan” di 2 dòng karei di gauk piah ba mbuan lagaih ka urang Viet Nam tuk ngak harak tame tabiak , daok veik negar langiu.

Dalam thun ini, TP Cần Thơ hu caik tabiak labaih 306 tỉ đồng piah padang ngak jalan mbak palei pala. Dalam nan, ngak bahrau saong peih praong, ngak pasiam labaih 202km jalan palei, padang ngak bharau saong ngak pakhang, pasiam 144 mbaik tatua atah abih tih labaih 5km. Tal urak ini, jaik abih jalan palei dalam ban hu buh jien tame padang ngak, daong ka bhap bini hu mbuan lagaih dalam bruk nao mai, pajeng ba pandap panda pablei salih, jeng yau mek hu tanut palei pala bahrau paglaong, palei pala bahrau kiểu mẫu…

Thun 2022, tỉnh Bến Tre ba pandap pablei tabiak negar langiu mek jien tame hu labaih 1.500 trieu USD, tagok jaik 20% dut saong thun 2021. Di tỉnh Bến Tre hu labaih 150 D.N hu pandap pablei tabiak negar langiu  dak harei dak hu pambak praong di darak pasar, hu labaih 130 negar saong bhum taneh di dunya. Abih di nyu lac thun 2022, Bến Tre hu pablei lô baoh kruac bung akaok meti tapa darak  Hoa Kỳ. Urak ini, dom gah chức năng  tỉnh Bến Tre hu dom jalan tacei ba cambaic laic  piah ka po bein peih praong bruk pala kruac bung tui jalan dalam, pamong tal bruk pablei pandap tapa darak pasar bak prein khang blei pandap ini.

Ukraine haong Liên minh châu Âu (EU) meda peih bruk taom gaok pakat glaong abih di Kiev harei 3/2 tal piah ginum biai ka bruk daong di Brussels brei ka taneh ia Đông Âu ini, dalam nan hu gah jien padai saong quân sự. Tui panuac khan, dalam mbang ndom biai tapa phone camereip abih dalam thun 2023 haong Chủ tịch Ủy ban châu Âu (EC) saong Tổng thống Ukraine hu ginum biai cambaih laih ka bruk di anak tal. Bilan dahlau, dom taneh ia EU njauk gauk ka bruk peih pok jien daong 18 tỷ euro brei ka Ukraine saong jalan kak je doanh nghiệp takik di abih lac 15%.

Ấn Độ hu iew tuai mai meng 6 negar châu Á lac Trung Quốc, Singapore, Hồng Công (Trung Quốc), Hàn Quốc, Thái Lan saong Nhật Bản brei hu harak dut iek âm tính haong SARS-CoV-2 tuk ngak harak tagok kapal haok piah tame taneh ia ini. Dut iek COVID-19 hu ngak dalam 72 tuk dahlau di tuk tagok kapal haok. Langiu di nan, Ấn Độ jeng brei ngak veik bruk mek mau dut iek COVID-19 ngau nhien ngan haong 2% tuai damuai tame negar. Ấn Độ  daok paglaong bruk pacang caga anak jit dalam tuk dom menuac njom SARS-CoV-2 di dom taneh ia daok tagok gilac veik.

Doanh nghiệp xì gà Cuba Habanos S.A hu janeh bruk pathau gauk dui atah 25 thun di Mỹ ka bản quyền pablei salih di nhãn hiệu xì gà Cohiba. Bruk pathau gauk nan dui atah labaih 25 thun, hu rilo adat cambat biak kan kandah tavak tavaiy di dom tòa án liên bang. Bruk janeh ini hu daong ka doanh nghiệp ini khik hu jak jeng Cohiba, angan xì gà hadah di abih dalam 27 angan daok hu doanh nghiệp ini pablei di labaih 100 taneh ia. Hu padang tabiak di thun 1966, Cohiba hu caik angan tui jalan di “thổ dân da đỏ”. Ini lac angan xì gà hu urang dang akaok cách mạng Cuba lac Fidel Castro pandar mbiah tal tuk ong klaak bruk njuk pakao di thun 1985./.