Urang ngak hu taduan jien dong tui sarak 08/2022

Phó Thủ tướng Lê Minh Khái bahrau mbaoh tangin tame sarak  08/2022 harei 28/3/2022 tacei tabiak bruk peih ngak sarak dong jien pah sang ka urang nga. Tui nan, 2 kapul urang hu taduan jien daong lac urang ngak daok ngak bruk dalam doanh nghiệp song urang ngak mai ngak bruk veik, ngan song yaom jien 500.000 đồng sa urang dalam sa bilan song  1.000.000 đồngka sa urang dalam sa bilan.

110 pok jien bac, yaok pok yaom 1 triệu đồng meng kadung jien bac  Vừ A Dính saong Kalup kapul Kayua Hoàng Sa-Trường Sa anit ranam, tuk biar harei kabroi hu jao brei 20 adei anek saih lac anek bhik di urang jakar Bộ đội Biên phòng  tỉnh Sóc Trăng saong 90 adei anek saih lac anek kamuan urang bangsa takik, kham merat yam tapa kan kandah bac da-a naih joi di dom pakat bac.

Tui  Sở Y tế ban raya .HCM, urak ni, yaom lac dom urang njom  COVID-19 caong hu dong suak yava dok glong min, urang metai dok takik di abih. Tui nan, urak ni jeng dok  654 urang caong hu dong suak yava,  84 urang suak yava meng jariak xâm lấn...; dom urang metai tok hu  2 – 3 urang sa harei, dalam nan hu dom urang mai meng dom tỉnh ba mai taong ruak. Tapa nan brei mboh, bruk khik iek urang mbuan njauk ruak tgrak daok hu jak jeng siam mekre. Ban raya jeng dok kurhia caga piah klauk vaccine ka uranaih meng  5 – 12 thun.

Harei 28-3, di phường Vĩnh Mỹ (TP Châu Đốc), UBND tỉnh An Giang peih bruk padang ngak tatua Châu Đốc. Hu thau, tatua Châu Đốc tapa kraong Hậu atah abih tih 667m, praong 14m, pambuak ban sit Tân Châu haong ban Châu Đốc, yau nan, Tân Châu oh daok lac pulao kaoh yau urak ini tra. Ini lac sa bruk dalam danak dak pambuak bhum atah jaik 21km, pambuak pagam Kiên Giang, An Giang, Đồng Tháp. Abih tih yaom jien buh tame ngak danak dak ini, lac  2.130 tỷ.

Thượng tá Lê Mạnh Hà, Phaok phòng tham mưu Công an ban raya Hồ Chí Minh brei thau, dom  mạng xã hội dok hu pandar  rilo lac  jalan taom gaok siam lagaih  di bol bhap rahra. Min, ni jeng lac labik piah ka dom kol kanyah jhak  peih ngak dom bruk suan hukum yau  pasot, ba tin oh njauk, pablei pandap ja, ngak melau mbaok meta urang karei… Hu dom bruk mai meng kamlah gauk, ndom puac nao mai angaok mạng xã hội, sanya gauk taom gaok piah langyah ba tal bruk pametai menuac, khin ngak ka urang karei njauk rambuac, srau kadau puk palei. Công an ban  Hồ Chí Minh hu tacei pato dom jabat  nghiệp vụ pasang iek, duah thau, langyah catang dom bruk pagam tal srau kadau.

Sa bruk ginuh gauk di rilo radaih rah tabiak tuk biar harei 28/03 (tui mon pak nan) angaok jalan radaih nduac samar pambuak dom bang di labik jalan ka 81 dalam bang Pennsylvania, gah Đông Bắc taneh ia Mỹ, ngak brei takik di nyu 3 urang metai saong labaih 20 urang karei njauk rambus. Tui kuhria hu meng 40 tal 60 radaih ginuh gauk dalam bala ini, dalam nan hu rilo radaih đầu kéo saong tui kuhria, dom menuac metai haong njauk rambus meda hu rilo jang. Urang jakar pak ini mboh lac, meda kayua tuyết laik trun pacang kaveik meta maong, lac makna ba tal bala nan.

Harei ni 29/03, mbang ginum biai patui veik di  Nga song Ucraina hu rah tabiak di ban Istanbul -Thổ Nhĩ Kỳ. Javap jalei panuac tangi sua di dom gah ba khau tin di  Serbia, Ngoại trưởng Nga Sergei Lavrov brei panuac cong tame jak jeng di mbang ginum biai ni. 

Meng adit ini, bruk bầu cử Tổng thống di Prang yam tame tukvak chính thức, pamoang tal mbang buh phiếu camereip abih di harei 10/4 tal. Bruk pakacah gauk daok pandiak tagok haong dom mbang jak ba tranh cử di dom ứng cử viên dang akaok. Tapa duah thau hatai sahneng di rahra bahrau abih saong praong abih hu peih ngak di Prang hu khan brei thau dalam harei 28/03, urak ini Tổng thống Prang daok ngak, lac Emmanuel Macron daok dang akaok dalam bruk pakacah tame ngak menuac dang akaok taneh ia Prang./.

Urang lang: Mousaphuong- Hanipha- 29/3