Trái phieu D.N hu dom bruk ngak suan hukum saong to yaom bruk pandar taneh daok rilo cuang kandah

Pho Thủ tướng Lê Minh Khái mbaoh tangin tabiak harak công điện số 304/CĐ-TTg di Thủ tướng Rajaei ka bruk ramik pasiam bruk darak trái phiếu D.N saong to yaom quyen pandar taneh. Công điện ndem cambiac laic, darak pasar trái phieu doanh nghiep lac jalan jak ba urang rik phun jien mbiah saong suai lavik hu makna praong di D.N tui jalan tacei ba di Rajaei ka bruk cak rok patagok sumu gauk di darak phun jien saong darak jien ndo, jien mesre. Yau nan min, tukvak tapa, bruk patabiak trái phieu D.N hu dom bruk ngak suan hukum saong to yaom bruk pandar taneh daok rilo cuang kandah, tavak tavaiy, mbuan ba tal rilo khat lahik.

Bruk caong blei harak vé kapan haoh dalam tuk padeih lễ 30-4, 1-5 dok tagok khang, yaom harak tagok tui harei, abih di nyu nan lac dom jalan par hu menuac nao du lịch glong yau meng Hà Nội, TPHCM nao Phú Quốc, Đà Nẵng, Đà Lạt, Côn Đảo… Dut song 2-3 harei dahlau di tuk tabung glong , yaom harak vé kapan haoh tagok jang 2 mbang, hu labik tagok jang 5 mbang. Dom đại lý brei thau, urak ni, bahrau hu Vietnam Airlines, Pacific Airlines, Vasco brei thau lac par rilo jang 10% dom mbang par dalam tuk padeih lễ 30-4, 1-5, dom hãng karei oh ka khan brei thau.

Tuk vak tapa, Sang iek ruak Chợ Rẫy, bhian taduan dom urang ruak hu pandap dalam phổi, bhian gaok abih lac asar sapôchê. Ths.BS Phạm Thị Vân Thanh – iek gah Bilik Nội soi phế quản (khoa Nội soi- Sang iek ruak Chợ Rẫy kakei lac, dalam tuk mbang menyum, urang juai ndem klao saong jua gauk. Abih di nyu nan lac, tuk mbang dom janih baoh kayau hu asar, njauk brei mek asar tabiak dahlau meng mbang. Meyah glak pandap mbang saong mboh yau hu asar hagait gam tame, njuak tame chip dom labik iek ruak. Kayua meyah caik lavik harei, pandap laik tame ba tal gar jalan suak yawa, ngak barah, ndung laneh atau patuh tabiak darah, mbuan ba tal metai.

Uranaih oh ka yam tame mbang padeih he, min dom bruk mblung ia biak pandik harao gam gam rah tabiak. Taeng di tỉnh Tiền Giang, meng thun 2021 tal puac bilan 3/2022 rah tabiak 13 mbang mblung ia di uranaih. Danak dak caluai ia pacang caga mblung ia ka uranaih tuk vak 2021 - 2030 dok hu tỉnh Tiền Giang peih ngak piah ka taong abih dom labik peih bruk caluai ia, nyuk ia, main sambai mala ia hu huấn luyện viên, tacei pato caluai ia, urang dong sraong menuac mblung ia. Taphia di nan, yaok boh sang brei sangka jang, gam song nan hu dom jalan pacang caga mblung ia ka uranaih.

Page ini 8/4, Jabat Pato megru thị xã Buôn Hồ, tỉnh Đắk Lắk brei thau, labik ini birau hu sa anek saih bac tal 8 tual takoi pametai rup eng. Anek saih nan angan B.Đ.K bac tal 8A2, Sang bac THCS Ngô Mây. Baoh sang hu mboh 1 blah thư kayua adei K vak caik veik hu asar kadha lac radiuk gaok trak damak. Tui taong yaom di Sang bac THCS Ngô Mây, K lac anek saih thau sahaneng iek praong bruk bac da-a saong pasram patia, tari tarieng, salut mbut.

Tukvak 7 tuk 36 minite mesup ni, sa mbang megei boh taneh khang 5,7 rah tabiak di jiak ban Hằng Thôn, Đài Loan (Trung Quốc). Mbang megei boh taneh rah tabiak dalam labaih 10 minite ngak ka rilo urang di ban Hằng Thôn huac kanda nduac tabiak truh sang. Urak ni, oh ka hu panuac khan ka bruk metai lahik, khut tayah. Gah padam pui Đài Loan (Trung Quốc) brei thau, dok duah thau ka bruk di sang mac điện hạt nhân ka 3 dok di ban Hằng Xuân. Đài Loan dok jiak labik taom gaok di 2 mảng kiến tạo song biak mbuan rah tabiak megei boh taneh

Daok dua harei tra, jaik 50 trieu cử tri Prang hu tame palih ruah tổng tổng di taneh ini. Hội đồng Hiến pháp di negar Pháp brei thau hu 12 urang hu tabiak mbaok piah pilih ruah, dalam nan hu Tổng thống daok ngak lac Emmanuel Macron; lambaok Đảng cực hữu “Tập hợp Taneh ia”, muk Marine Le Pen. Meyah oh hu urang halei mek hu phiếu palih ruah glaong abih dalam mbang palih ruah akaok meti di harei 10/4 anak tal, dua urang hu phieu glong abih meda hu tame mbang palih ruah ka dua peih tabiak di harei 24/4.

Harei 7-4, Đại hội đồng Liên hợp quốc hu brei tapa sarak brei padeih ngak thành viên di Liên bang Nga dalam Hội đồng Nhân quyền Liên hợp quốc hu trụ sở di Geneva, Thụy Sĩ. Jeng dalam harei 7-4, Mintri Ngoại giao Nga brei thau Nga khang hatai padeih dahlau jang bruk ngak thành viên Hội đồng Nhân quyền Liên hợp quốc tuk vak 2021 – 2023 song yaom lac padeih ngak dahlau jang tukvak di drei, min Moskva daok patui rik dong tame bruk khik caga dom quyền anek menuac./.

Urang lang: Hani Pha - Bhumi - 08/04