Pho Thu tuong Trần Hồng Hà birau pasang iek  danak dak jalan peih drah samar Cần Thơ – Cà Mau pambuak jalan cao toc Bắc - Nam gah Timun. Tapa pasang iek danak dak di labik canah jalan IC2  xã Tân Phú, quận Cái Răng, Ban Cần Thơ, Phó Thu tuong caong khin dom bhum palei brei langyah samar bruk tái định cư ka bhap bini. Bruk pandar cuah piah tuh sumu, baok taneh, Pho Thu tuong mboh lac, oh lac kuac mek cuah dalam kraong miat hu, kuac tagok hadom ye glut jaleih rah tabiak yau nan, lac bruk rah tabiak tui njauk di nyu. Tui nan, iew Mentri Jalan mbak  pajeng ba njauk brei kuhria caga  veik dom bruk praong catang, bruk tathuak ia, kayua kuhria  suan meda hu jeng dom jalan ar pacang ia, ngak jhak tal taong abih he sinh thai.

Mbang camereip abih, TP Hồ Chí Minh peih bruk pablei lap pandap hàng hiệu - Flash sale dalam bilan khuyến mãi. Bruk nan hu peih tabiak dalam 3 harei, meng harei 8 tal harei 10/9 di hotel Tân Sơn Nhất Pavilion. Flash Sale Holiday pataom hu labaih 120 angan praong di dom gah pandap thời trang, mỹ phẩm, đồng hồ  dane angan haong yaom trun meng 50-90%. Danak dak piah ngak jeng bruk pambuak gauk, pataom gauk di rilo angan pandap dane angan, ba mai ka urang blei, tuai du lịch hu blei pandap hu angan haong chất lượng glaong, yaom trun biar. Gam haong nan, jhul khang bruk pablei pandap, pachreih urang blei pandap, daong padang TP Hồ Chí Minh jeng pasak blei pandap bahrau.

Hadei di mbang padeih Le Harei negar 2/9, yaom padai brah di bhum Taneran kraong Cuu Long mboh tagok veik. Urak ini urang blei padai brah di hamu yaom glong, daong urang ngak nong mek hu yaom glong. Yaom padai brah di An Giang tani tanat  meng 8.000 - 8.400 đồng sa kilo. Di Long An, bilan He thu 2023, urang ngak nong ralo meng pala dom pajaih  padai asar siam saong padai pahe yau ST24, ST25, OM5451, OM4900. Urang blei tal hamu caik jien takai dahlau yaom 7.200 -8.400 đồng sa kilo.

Jabat Thường trực Mban tacei jalan pacang caga bala meng langik tasik saong daong duah urang gaok bala tỉnh Hậu Giang brei thau, hajan praong gam haong ngin rabuk dalam harei 5/9 ngak khut rilo sang di ban Ngã Bảy. Hadei di tuk taduan hu panuac khan, gah chuc nang hu nao tal xã Tân Thành daong ka bhap bini pasiam dom khut khat meng bala, saong pasang iek, taong yaom dom khat lahik piah daong ka bhap bini. Meng akaok thun tal ini, di tỉnh Hậu Giang, dom mbang hajan ribuk ngak khat lahik jaik 1 tỷ 800 triệu đồng.

Hadei di tuk ruak viêm kết mạc cấp - pandik meta bhong tamuh saong njom mbak di Hà Nội ye dom harei tapa, di TPHCM saong dom tỉnh, ban gah Meraong jeng brei mboh rilo urang njom ruak ini, mbuan njom mbak ruak jeng jit. Di Sang iek ruak Nhi đồng 2, bhian taduan tame iek iak rilo urang naih pandik meta bhong, dalam nan hu dom urang ranaih sre darah. Ralo uranaih pandik meta samar dhit hadei tuk ngak tui tacei pato di bac si, min meyah oh taong ruak atau suai taong ruak ye meda  ba tal ruak trak saluak giac mạc, ngak jhak sup meta. Oh lac uranaih, rilo urang umo praong jeng ruak pandik meta. Di Sang iek ruak Đại học  Y dược  saong Sang iek ruak  meta TP yaok urang bac si iek ruak yaok pluh urang ruak, rilo urang ba tame taong ruak chip kayua bien chung.

Bier harei 5/9, rajaei vaktu bahrau di Thái Lan hu tabiak mbaok taduan bruk anak patao Thái Lan. Brei panuac taduan bruk, Thủ tướng Thái Lan Srettha Thavisin sanya lac, rajaei bahrau lac rajaei di bhap bini, ngak bruk oh padeih piah pabak hatai caong di bhap bini, ngak njauk tui jalan quân chủ lập hiến saong patao lac urang dang akaok taneh ia. Rajaei bahrau jeng sangka dahlau tal bruk tantu cambaih laih, pachreih bruk hu mbaok di bhap bini dalam tuk padang ngak sarak, klaak abih bruk oh samu gauk dalam xã hội piah padang Thái Lan jeng sa taneh ia tani tanat, ginup mada saong khang kajap.

Hajan ia sua biak trak rahtabiak di gah maraong negar Braxin ngak takik di nyu 22 urang metai. Bang Rio Grande Sul lac bhum palei njauk kan kandah biak trak abih, lac 21 urang matai. Hajan khang jeng ngak ka bruk ia dauk saong ia tuh tagok ar, ngak tayah rilo baoh sang, rilo urang njauk pacang cakak kayua hajan ia sua. Rajaei Braxin hu pathau khan dom jalan ngak samar drah piah pacang caga haong hajan ia sua, ribuk. Tổng thống negar ini sanya meda ngak abih tih dom bruk hagait piah daong ka rahra bhum njauk bala. Meng bilan 2 meng blaoh, hajan khang jeng ngak tabiak  ia sua saong bruk glut jaleih taneh, ngak metai takik di nyu 36 urang.

Tổng thư ký Liên Hợp Quốc António Guterres hu panuac ieu dom taneh ia brei padeih abih bruk pandar nhiên liệu hóa thạch piah samar mek hu dom bruk daok pamaong ngak gah khí hậu. Brei panuac di nyaom mayai pakat glaong abih ka khí hậu châu Phi daok rahtabiak di Kenya, Tổng thư ký Liên Hợp Quốc ndem lac, dom taneh ia cak rok njauk taduan bruk ngak di drei dalam bruk ngak patagok nhiet do baoh taneh ba tal sarau kadau khí hậu. langiu di nan, ong jeng hu panuac ieu brei padeih abih bruk pandar nhiên liệu hóa thạch – lac jalan ba tal baoh taneh pandiak tagok./.