Ban Hà Tiên dok kham jeng sa đô thị loại II dalam thun 2025

Phó Thủ tướng Phạm Bình Minh bahrau mbaoh tangin tame harak pok brei huyện Vĩnh Thuận song ban Hà Tiên di tỉnh Kiên Giang mek hu angan palei pala bahrau 2020. Tapa 10 thun peih ngak danak dak padang ngak palei pala bahrau, huyện Vĩnh Thuận ba tabiak jalan patagok kinh tế pambuak song pablei salih pandap panda, rai duik di bhap bini hu siam tagok, jien mek tame kuhria rah tapa lac 51,5 triệu đồng/sa urang sa thun. Hu thau, ban Hà Tiên dok kham jeng sa đô thị loại II dalam thun 2025 song patagok jeng pasak kinh tế, pablei salih, du lịch ilamu – inem krung bhum taneran krong Cửu Long.

Mban khik ramik danak dak padang ngak dom jalan mbak ban raya HCM brei thau, jalan vành đai 3 ban raya HCM meda hu 10 labik canah jalan pambuak haong dom jalan karei saong dom labik tame - tabiak jalan cao tốc. Bruk padang dom labik canah jalan pambuak haong dom jalan karei saong dom labik tame - tabiak jalan cao tốc brei khik hu mbuan lagaih, siam mekre, salamat, patagok hu kein laba di bruk padang ngak jalan vành đai vành đai 3….. 6 labik canah jalan pambuak haong dom jalan karei lac: labik pambuak haong jalan Bến Lức - Long Thành; labik pambuak haong cao tốc ban raya HCM - Long Thành - Dầu Giây; labik canah pambuak Tân Vạn; canah pambuak Bình Chuẩn; canah pambuak Tỉnh lộ 10; canah pambuak haong jalan cao tốc ban raya HCM - Trung Lương.

Hội Liên hiệp urang kamei (LHPN) tỉnh Bình Thuận pambuak hong xã Thuận Hòa, huyện Hàm Thuận Bắc tabiak mbaok bruk lac “Kapul urang kamei pathau khan pacang caga bruk ngak brei uranaih njauk pandik harao ”. Piah kapul urang kamei ngak bruk hu siam lagaih, Hội LH urang kumei hu peih tal pato pasram, dong ka dom urang dalam kapul paglong ilamu pacang caga kol rapeik rapai uranaih, ngak brei uraniah njauk pandik harao. Tapa bruk ngak ni piah pato pakai, pathau khan tal bhap bini bruk khik caga quyền lợi njauk adat hukum di urang kamei song uranaih, patrun patakik dom bruk tong paoh, rapeik rapai urang kamei song uranaih.

Urang pala durian di bhum taneran kraong CL daok dang anak bruk mbuan khat lahik kayua durian trun yaom. Yaom durian di Tiền Giang – labik hu taneh pala durian praong abih saong bingi abih di bhum taneran kraong CL urak ini daok meng 40.000 - 45.000 đồng sa kg. Kayua jit COVID-19 nan ye bruk pajeng ba, pablei tabiak negar langiu gaok rilo kan kandah, lac makna ngak brei yaom durian trun. Urak ini di Việt Nam, durian bahrau hu pablei tabiak negar langiu tui jalan tiểu ngạch saong đông lạnh tapa dom taneh ia.

Dom bilan jiak di ni, yaom pabe rilaow di ĐBSCL gam gam tagok. Di ban Cần Thơ, Vĩnh Long, Bến Tre, Trà Vinh, Tiền Giang… yaom pabe rilaow janih 1, hu pablei yaom meng 120.000-125.000 đồng/sa kg, tagok labaih 10.000 đồng/sa kg dut song sa bilan dahlau. Tui yaom yau urak ni, dom drei pabe hadei di 4-5 bilan rong, urang rong laba meng 1-1,5 triệu đồng. Kayua rong pabe hu laba glong song hu phun kayau, hareik tamuh eng ngak pandap mbang, patak pataom hu jien ndua, nan ye, urak ni, rilo sang buh jien tabiak rong pabe .

Thủ tướng Hàn Quốc khan lac taneh ia ini brei klaak bruk dut iek jit ngan haong tuai negar langiu oh klauk pacang Covid-19 meng harei 8/6 saong daok brei klaak dom adat ba tabiak ka gah kapal haoh par jalan dunya. Min jeng daok khik bruk ieu tuai negar langiu dut iek PCR âm tính dahlau di tuk tame saong dut iek PCR dalam 72 mon hadei di tuk tame negar Hàn Quốc.

Gilang pariak Đầu tư Châu Âu (EIB) bahrau hu panuac sinya brei 75 triệu Euro piah dong ka bruk padang sa labik bahrau di Senegan piah ngak vắc-xin pacang COVID-19 song dom janih vắc-xin karei pabak ka châu Phi. Bruk padang labik ngak văc-xin di labik ni meda langyah hu bruk oh samu gauk dalam bruk bất bình đẳng klauk jru di Châu Phi song puac di abih lac dak padang sa dunya siam mekre song khang kadang jang .

Rajaei Indonesia bahrau ini hu tabiak adat lac angan angaok harak gar di yaok rahra brei hu takik di abih lac meng 2 sap saong oh tapa 60 akhar haroh, piah plaih dom tavak tavaiy pambuak tal adat hukum. Di Indonesia, dom urang taha praong thun bhian hu caik angan meng sa sap. Adat cambat ini meda ba tal dom cuang kandah tavak tavaiy khang pambuak tal adat hukum dom harak gar yau ye tut angan nao bac, atau ngak harak likau passport./. 

Urang lang: Hani Pha & M. Phuong – 04/06