Rilo jalan ngak hu ba tabiak peih ngak ka tinh Ninh Thuan 

Phó Thủ tướng Rajaei Lê Minh Khái bahrau mbaoh tangin tame sarak ka 345 brei buh tabiak asar pajaih phun pala meng gilang khik piah di taneh ia daong ka tỉnh Ninh Thuận. Tui nan, Mintri ngak nong saong patagok palei pala buh tabiak oh mek jien 258 tấn asar pajaih padai, 5 tấn asal pajaih tangei meng gilang  khik piah di taneh ia brei ka tỉnh Ninh Thuận piah daong ka bhap bini pasiam dom khut khat meng bala di langik tasik thun 2021. Ủy ban bhap bini tỉnh Ninh Thuận taduan bruk suan njauk di pathau khan saong peih bruk daong samar drah, njauk manuac urang, njauk adat hukum.

Ngan saong kadha "Ba gauk dak padang harei hadei", bruk praong di Mon Baoh taneh thun 2022 rah tabiak meng mon 8 meteh tal mon 9 meteh melam 26/3. Di xã Lê Trì, huyện Tri Tôn, Tỉnh đoàn An Giang pambuak bruk haong Cty Điện lực An Giang bahrau peih bruk pachreih tui bruk Mon Baoh taneh thun 2022. Tui nan, ieu rahra tỉnh An Giang ba gauk padam taong abih dom pandap truac hadah piah pachreih tui Mon baoh taneh; gam haong nan , peih pakak jalan truac hadah puk palei ngan saong 40 baoh gom pandar điện ia harei hu caik di dom jalan palei, labik hu rilo urang bangsa Khmer daok.

Tỉnh Sóc Trăng peih bruk jak ba buh jien tame 39 danak dak di rilo gah. Dalam nan, rilo di abih lac đô thị, sang danaok, pablei salih, dịch vụ tal 13 danak dak; kết cấu hạ tầng labik, bhum ngak kong 9 danak dak; ngak nong saong năng lượng điện hangin yaok gah 5 danak dak… bruk njauk caik hatai nan lac, tukvak ini, tỉnh Sóc Trăng meda peih bruk jak ba buh jien tame ngak Pabah lamnge ia dalam Trần Đề, praong 4.550ha. Dalam nan hu gam bruk buh jien tame padang ngak pabah lamnge tasik, labik ar, tatua saong mblang, dịch vụ logistics pabak ka pabah lamnge tasik… ini jeng lac danak dak taduan hu bruk sangka di bhap bini saong gah doanh nghiệp, ngan haong hatai caong lac rik daong langyah labik kandah kandaiy ka bruk pablei pandap panda tabiak negar langiu di bhum ĐBSCL.

Lambaok urang pan akaok Sở Y tế Bình Dương brei thau, tỉnh oh ka hu harak ka bruk tacei pato brei F0 nao ngak. Min tỉnh daok hu jalan ngak, brei ka F0 oh mboh hagait lac ruak, atau mboh ruak hanjul hu nao ngak dalam bilik karei. Daok dom F1, kayua hu biak rilo, nan ye meng akaok thun tal ini, rilo menuac lac F1 daok nao ngak bruk. Rilo doanh nghiệp brei thau, hadei di Tết Nguyên Đán blaoh, hu biak rilo F0 langiu bhap bini, meyah neh rabha F1, F2 ye sang xưởng oh hu menuac piah ngak bruk. Kayua yau nan ye, dom doanh nghiệp jeng daok brei urang ngak taom gaok jaik  F0 nao ngak, min brei ngak njauk tui dom jalan pacang caga jit saong brei tui iek prein yava.

Yaok rituh sang uranf pala liya di huyện U Minh Thượng, tỉnh Kiên Giang daok laik tame kan kandah tuk yaom laya trun khang, meng 30.000 đồng/1kg urak ini trun daok 3.000 - 4.000 đồng/kg. Tui kuhria yaok baoh sang pala khat labaih 20 triệu đồng sa công. Tui dom urang pablei salih, laya bhian hu pataom pablei tapa Trung Quốc min kayua jit ruak COVID-19 nan ye bruk pablei tabiak negar langiu gaok kan kandah ngak ka laya laik yaom biak khang.

Mỹ haong rilo taneh ia phương Tây hu ba tabiak panuac haong gauk oh jauk hatai bruk karja Taliban daok brei kreik pabah mbang dom sang bac trung học di anek saih kumei dalam taneh ia Afghanistan.  Bruk ngak nan di Taliban nyu karei jang panuac sanya haong rahra Afghanistan saong menuac sia dunya. Dom taneh ia mboh lac, yaok rahra Afghanistan, lac likei atau kumei, jeng hu quyền samu gauk dalam bac da-a di grauk dom tỉnh ban dalam taneh ia. Kayua yau nan ye, urang hu panuac ieu Taliban "samar salih veik bruk nan piah plaih kan kandah tal uraniah kumei". Dahlau di nan, harei 22/3, Taliban brei mek veik harak khan lac peih pabah mbang sang bac trung học ka anek saih kumei saong tabiak panuac lac, dom sang bac ini brei kreik pabah mbang mbiah tal tuk sa jalan ngak hu ba tabiak tui hukum islam brei adat peih pabah mbang veik.

Tui pathau khan di Mintri Lao động Mỹ, dom harak likau daong jien lahik bruk mbang camriep di taneh ia ini hu trun, meng 28.000 harak trun daok 187.000 harak dalam adit tamat di harei 19/3. Dom harak likau daong lahik bruk ngak mbang camriep di My hu trun tal tanat bier di abih dalam 52 thun mateh, dalam tuk dom urang lahik bruk daok mboh trun. Bruk ini brei mboh bruk oh siam di darak pasa bruk ngak meda samar abih saong jhul lạm phát jien bilan tagok. Dom urang pasang iek hu tacei tabiak lac, urak ini ka oh mboh bruk maraik gauk di Nga saong Ukraine hu ngak kan kandah tal darak pasa bruk ngak di Mỹ, yaom lac bruk ini daok ngak ka yaom xang, manyek di taneh ia ini tagok tal tanut glaong di abih saong tui kuhria lac ngak kan kandah, trak damak jang ngan haong dom bruk pabak pandap di dunya.

Covid-19 ngak brei kan kandah rilo tal raidiuk di anek menuac, min bruk yau oh njauk haong janih aring di ban Matanzas, Cuba. Tuk bilan xuân mai, yaok triệu drei ring haluk bhong ba gauk nao meng glai tapa dom jalan nhựa di ban Matanzas piah trun vịnh mebaoh. Yaom lac dom urang ilamu oh ka peih bruk duah thau ka kandah di Covid-19 ngan saong tapon aring di labik ini, min tapa pasang mboh lac tapon aring meboah khang dalam jit praong. Langiu Cuba ye di dom labik hu hệ sinh thái biak siam yau Pulao Giáng sinh di Nam Thái Bình Dương, yaok thun jeng hu dom bruk nao yau nan  di aring bhong./.

Urang lang: Mousaphuong- Thu Thảo -26/3