Tui danak Mbang nyaom ka 5, QH mbang XV, harei 7/6 QH patui bruk tangi sua saong javap calei bruk bangsa saong ilamu cong nghe. Dalam mbang tangi sua gah bangsa, Akok mentri, Chu nhiem UB bangsa Hầu A Lềnh patui bruk ngak brei cambaic laic dom bruk hu urang QH sangka nan lac: Bruk ngak di UB bangsa saong bruk pambuak gauk saong dom Mentri, dom gah dalam bruk peih ngak dom Danak dak pakat negar ( padang ngak palei pala birau vaktu 2021-2025; trun kathaot khang kajap vaktu 2021 - 2025; patagok kinh te - xa hoi bhum urang bangsa takik saong bhum ceik vaktu 2021 - 2030). Sarak pachreih prein khang daong bruk buh jien patagok bhum urang bangsa takik saong bhum  ceik, bhum kinh te -xa hoi kan kandah saong biak kan kandah.  

Phó Thủ tướng Trần Lưu Quang bahrau hu dom harak lac huyện Duyên Hải saong huyện Cầu Ngang, tỉnh Trà Vinh mek hu tanut chuan palei pala bahrau thun 2022. Phó Thủ tướng jao ka UBND tỉnh Trà Vinh khan brei thau saong pok mayaom tui njauk adat; pato tacei huyện Duyên Hải saong huyện Cầu Ngang khik ramik saong paglaong chất lượng dom asal kadha, paglaong dom asal kadha ka quy hoạch saong alam môi trường piah khik kajap dalam bruk padang ngak palei pala bahrau.

Melam  6/6, di KCN Xuân Tô, ban sit Tịnh Biên, UB bhap bini tỉnh An Giang pambuak saong Mentri Cong thuong peih  Nyaom darak pasar Công Thương di bhum Taneran kraong Cuu Long - An Giang thun 2023. Nyaom darak pasar meng ini tal harei 12/6, dui pachreih hu labaih 400 gian hang di labaih 200 đơn vị, D.N mai meng 17 tỉnh, ban di Bhum taneran kraong Cuu Long saong Campuchia. Bruk nan ba mbuan lagaih ka dom doanh nghiep, HTX hu yaih khan dom pandap panda siam karei, prein khang di cong nghiep, ngak nong, kaya ikan dalam ia, thủ công mỹ nghệ…  

Anak bruk dom urang njauk ruak takai tangin cambuai daok rahtabiak sarau kadau saong hu 1 urang metai, UBND TP.HCM hu harak samar drah ieu kakei dom quận, huyện saong ban Thủ Đức paglaong bruk pacang caga ruak tangin takai cambuai. Dalam nan, biak caik hatai tal dom bhum mbuan njom mbak glaong yau ye labik khik iek uranaih, sang bac mầm non, tiểu học, labik rahra daok, labik sang tro hu rilo uranaih. Dom labik brei bhian pasang iek, tui iek dom bruk pacang caga jit ruak, gam tui di nan jeng langyah samar drah, patakik bruk njom mbak ruak; tuk uranaih njauk ruak tangin takai cambuai brei tui iek, samar mboh dom kadha ba tal ruak trak.

Di tỉnh Hậu Giang glut jaleih gam gam rah tabiak, harei 6/6, rah tabiak 4 mbang glut jaleih taneh ngak kan kandah tal bruk nao mai dalam palei saong raidiuk di rilo baoh sang bhap bini. Gah chức năng palei haong bhap bini ba gauk ramik ngak pasiam veik, ramik labik glut jaleih. Bruk ba tal dom labik glut jaleih nan hu mboh kayua ia nduac. Meng akaok thun tal ini, Hậu Giang rah tabiak 35 labik glut jaleih, atah labaih 773m, taneh lahik  labaih 4 ribau met vuomng, tui kuhria mboh, khat lahik jaik 2 tỷ 200 trieu dong.

Dom sang iek ruak di Thái Lan daok gaok bruk kurang biak rilo menuac ngak, ba tal bruk rilo y bác sĩ, urang ngak gah y te ngak bruk tapa prein, dom bac si njauk ngak bruk labaih 64 maong sa adit. Kapul Y khoa brei thau lac Thái Lan urak ini hu labaih 60.000 bác sĩ min bahrau hu 24.600 bác sĩ ngak bruk di dom sang iek ruak kanja saong brei iek glang prein yava ka 45 triệu urang Thái Lan samu 70% rahra Thái Lan. Mintri Y tế Thái Lan kham marat ngak trun manieng dom bruk ngak di dom bác sĩ saong urang ngak gah y te di dom sang iek ruak kanja min oh hu hadom kayua bruk kurang urang ngak, abih di nyu nan lac di dalam tukvak bo dom urang njauk ruak Covid-19 tagok glaong.

Oh huac dom adat taong phạt di dom taneh ia phuong Tây, menyek di Nga jeng daok pablei ka châu Âu tapa Ấn Độ. Ấn Độ hu blei menyek di Nga, ngak veik saong pablei tapa châu Âu. Bruk nan brei mboh Ấn Độ daok iek praong kein laba kinh te di drei salih ka bruk ginum biai ka an ninh nang luong saong mesruh gauk di Ukraine. Pasak Roh duah Nang luong Phần Lan  mboh lac dalam 12 bilan tapa, dom taneh ia phuong Tay hu blei menyek di Nga tapa Ân Độ  yaom labaih 42 tỷ euro.

Iran hu khan brei thau tên lửa đạn đạo siêu thanh camriep abih kayua taneh ia ini ngak tabiak. Tên lửa siêu thanh meda par samar jang takik di nyu lac 5 mbang dut saong “tốc độ âm thanh” saong par tui quỹ đạo biak sarau kadau, ngak ka nyu kan njauk pacang cakak. Meng thun blaoh, Iran bhian brei thau lac, taneh ia ini hu ngak tabiak sa baoh tên lửa đạn đạo  meda par tame saong tabiak truh khí quyển. Dom urang pasang iek taong yaom bruk ngak ini meda ngak patagok bruk haduh hatai di gah phương Tây ka prein tên lửa di Tehran.