Di var pasang iek, Phó thủ tướng Trần Lưu Quang brei thau, bruk peih jien brei dom Danak dak  pakat negar  di ban sit Giá Rai daok biar. Yau nan ye, ban sit Giá Rai brei ramik brei ngak dahlau dalam bruk peih phun jien dom Danak dak, juai peih jien brei biai rai yau tukvak tapa; tui nan, roh duah dom sarak  tacei pato birau  di Trung uong patui bruk peih  ngak siam dom Danak dak meng ini tal thun 2025.

UBND TP.HCM bahrau peih “harei roya kraong ia TP.HCM mbang ka 1 thun 2023”. Tapa nan hu dom bruk ngak ilamo – ma-in - thể thao biak gheih makre, gam haong rilo bruk ba drei tame, dom danak dak dui pachreih pablei salih, du lịch siam gheih. Ong Phan Văn Mãi – akaok UBND TP.HCM brei thau lac, harei roya ini piah khik ramik dom yaom glaong ilamo – sajarah, padang ngak pandap panda, dom bruk praong, karei di ban raya; jhuk khang bruk peih ngak dom yaom glaong kinh tế, du lịch meng dom kraong tasik di dalam ban. Tapa nan, pamaong tal bruk padang labik dang, angan je di sa đô thị kraong ia kaya mada ilamo.

Tui Mentri Ngak nong saong patagok palei pala, tui kuhria mboh dahlau dalam thun ini negar brei trun pajaih hu 7 trieu 1 rituh ribau ha padai dom janih, padai yuak hu labaih   6,07 tấn  sa ha. Padai yuak tui kuhria labaih 43,1 trieu tan. Dom bhum palei di Bhum taneran kraong Cuu Long daok jhul pasamar drak padai vụ mùa saong bilan thu đông ngan haong taneh praong kuhria mboh dahlau tagok 50.000 ha. Ong Trần Duy Đông, Cục trưởng Cục xuất nhập khẩu (Bộ Công Thương) brei thau, meng ini tal puac thun, meyah langik oh rah tabiak kan kandah, padai yuak  pabak  ginup padai brah  dalam negar  saong pabak bruk pablei tabiak.

Kayua njauk tame vụ paik baoh nan ye yaom baoh kayau di dom tinh, ban di gah maraong negar tui kuhria trun biak bier. Pagap yau baoh thanh long ralaow mbong 16.600 đồng/kg; chôm chôm, darang 13.800 đồng/kg; panat Thái 11.800 đồng/kg; kruac aik oh hu asal 10.800 đồng/kg. Di tỉnh Đồng Tháp, hu jaik 42 ribau ha phun mbang baoh, ong Trần Thanh Tâm – Akaok Chi cục Pala drak saong khik caga phun pala tỉnh Đồng Tháp brei thau lac, langiu di dom phun mbang baoh pala rilo yau ye pa-aok, darang, baoh hu múi hu ngak tabiak tui quy hoạch ye rilo janih phun, urang nong jeng pala oh tui quy hoạch, ba tal bruk oh pablei hu di tukvak paik baoh.

Mban Chi huy pacang caga bala meng langik  tasik saong Duah daong urang gaok bala tỉnh Đồng Nai khan brei thau chip ribuk di dom kraong ia dalam tỉnh. Balai  ia Tà Lài (kraong  Đồng Nai), ia tagok biak samar, urak ini yam tapa tanut pakat 3 lac 113m. Di balai Phú Hiệp (kraong La Ngà), ia tagok suai, jaik tanut 3 lac 106,50m. Piah caga ribuk ia dauk, jabat chuc nang  iew dom bhum palei, caga manuac uranhg, pandap panda jamraih  piah pasang iek,  panduan manuac, drap ar di dom baoh sang tapen kraong tabiak truh labik dhaong, biar meda dauk dalam, panduan ba long be raong kaya ikan tal labik salamat, pacang caga khat lahik kayua  ia dauk, ia nduac khang...

Gilang paraik negar Cuba hu patabiak dom adat patakik bruk giao dịch jien mbaok di dom doanh nghiệp dalam taneh ia. Tui nan dom jao jit di tanut 5000 peso (samu haong labaih 210 đô la Mỹ) tagok njauk peih ngak meng jalan chuyển khoản. ini lac bruk ngak bahrau abih hu rajaei Cuba ba tabiak piah pasang iek bruk lahik yaom di jien peso meng jalan dui pachreih pandar bruk biyar jien tui jalan online. Cuba daok gaok bruk lạm phát glaong dui atah ngan haong tỷ lệ lạm phát tagok tal jaik 45%, glaong jaik dua mbang dut saong tukvak ini thun blaoh.

Tui roh duah pathau khan harei 2/8, hu labaih 6,5 tỷ urang, lac 81 % bhap bini di dunya daok dalam langik pandiak catang. Pandiak glong dalam bilan 7, bilan pandiak abih  bhian mboh di baoh taneh. Harak pathau khan  di nyaom kapol pathau khan  ilamu di Mỹ, brei mboh pandiak nan lac kayua BĐKH, taong yaom di 4.700 ban saong 200 taneh ia. Pandiak di grauk Bắc Mỹ,  châu Á saong châu Âu, ngak dom mbang apui khuah glai ralai gah meraong châu Âu saong Canada. Pandiak nan ngak kan kandah tal prein yawa manuac urang, alam saong dom bruk kinh te.

“Daok gilac di labik chung cư khut yaom pah lap, lagaih ka bruk nao ngak atau tabiak daok gah langiu ban”? Nan lac bruk cuang kandah ngan haong rilo baoh sang di Mum-bai (Ấn Độ), lac labiik hu yaom sang danaok, taneh riya pablei saong brei pah tagok samar drah abih di dunya. Di rilo labik chung cư khut di Mum-bai, rahra rilo meng lac công chức saong baoh sang di urang nan jeng daok dalam nan. Uranaih ma-in di mangaok jalan hành lang haong lan can caraih saong tabung sang bhian laik trun veik, xi măng. Mumbai, pasak di bang Maharashtra, lac ban hu rilo rahra di abih di Ấn Độ. Yaom sang danaok, taneh riya pakat glaong di Mumbai hu maong mboh bruk patagok yaok thun samar dang ka 6 di dalam taneh ia dalam quý 1 di thun ini, glaong jang Thượng Hải di Trung Quốc./.