Di tỉnh Đồng Tháp, Kapul dam dara Cộng sản Hồ Chí Minh pakat negar birau peih danak dak pok meyaom “ Gru pato ranaih umo naih gheih” pakat negar mbang ka III, thun 2022. Giaỉ thưởng “Gru pato ranaih umo naih gheih” lac giải thưởng kayua Ban Bí thư Trung ương Đoàn Dam dara CSHCM  alin brei yaok thun ka dom gru pato ranaih umo naih gheih mek hu tanut glong dalam bruk pato bac, roh duah ilamu, ba abih prein yawa daong ka xa hoi, daok dang gheih saong lac urang siam piah ka anek saih, sinh viên pasang ngak tui.

UBND tỉnh Bình Dương brei pabak labaih 3.500 tỉ đồng ka 2 danak dak sit daok dalam danak dak praong padang ngak jalan vành đai 3. Dahlau di nan, UBND tỉnh Bình Dương hu tabiak bruk jao pabak đầu tư công tukvak mbiah phun jien di kadung jien karja pakat negar, tukvak 2021 - 2025 lac 4.266 tỉ đồng ka 2 danak dak sit daok dalam Danak dak praong padang ngak jalan vành đai 3. Yau nan, hadei di tuk hu pabak tame, urak ini abih tih pok jien brei ka dua danak dak lac 7.807 tỉ đồng.

Mban Tacei pato Tết bol lin – bhap bini tỉnh Sóc Trăng birau peih bruk ramik caga peih ngak Tết bol lin – bhap bini thun 2023. Tui kuhria Tết bol lin – bhap bini hu dom bruk ngak yau ye: padang ngak Sang anit ranam, Sang ranam sahabat bol lin, Baoh sang jum pataom, iek ruak, brei jru ka baoh sang dalam sarak, baoh sang kathaot; alin paok jien bac, radaih juah ka anek saih  kathaot; peih bruk ba pandap Viet nao palei pala; padang ngak, pasiam veik dom danak dak phúc lợi xa hoi…Ini lac sa bruk gheih jak ba rik tame peih ngak siam dom sarak an sinh xa hoi di Đảng, Karja, Bol lin, patagok jaln diukrai siam gheih “ Urang lin Wa Ho” dalam hatai bhap bini.  

Kuhria meng harei ini, di TP Hồ Chí Minh hu peih danak dak  khuyến mại praong abih dalam thun: "Shopping Season 2022" haong yaom trun tal 100%. Danak dak dui atah meng ini tal harei 31/12, TP Hồ Chí Minh kuhria mboh lac hu 7.500 danak dak khuyến mãi, rilo jang meng 20 - 30% duk haong tukvak “kích cầu” di kreh thun. Abih di nyu lac dom pandap pandar yaok harei hu biak rilo, yaom tani tanat saong rilo khuyến mãi tal tangin urang blei pandar.

Thun ini, yaom lac langik oh lagaih, jien buh tame pala drak tagok min urang nong  daok di  Bà Rịa - Vũng Tàu jeng daok peih praong taneh pala phun mbang baoh, abih di nyu lac dom janih yau kruac bung kalik jao, durien, bơ, darang, panat…Tui nan mbuan ba tal bruk kaya nong lac dom janih mbang baoh hu rilo pablei oh abih dalam tukvak anak tal. Anak bruk nan, gah ngak nong tỉnh kakei bhap bini brei pataom tame paglong siam mekre bein phun, tut angan brei pala tui dom tanut chuẩn VietGAP, GlobalGAP piah pablei tabiak negar langiu tui jalan pambuak bruk blei saong peih praong tabiak dom darak pasar birau hu prein blei khang di dunya. 

Urang dang akaok Hội đồng châu Âu brei thau, châu Âu meda pambuak bruk haong Trung Quốc, oh caik hatai tal dom bruk karei gauk di dua gah, kayua “kadha praong lac brei caik hatai tui pang gauk, piah patagok bruk thau gauk jang”. Min akaok Hội đồng châu Âu jeng ndom lac, châu Âu brei "pasamu veik" talei pambuak bruk piah plaih pagam pambak rilo tame Trung Quốc dalam dom gah yau công nghệ.

Mentri Ngoại giao Mỹ brei thau tagok yaom jien thưởng tal 10 trieu USD ka thei brei thau khaw tin ka dom urang pan kaok Kol Al-Shabaab di Somalia. Bruk nan hu ba tabial hadei di tuk nyaom phiến quân taong tame ngak takik di nyu 121 urang metai saong 333 urang njauk rambuac di ban ine Mogadishu di Somalia harei 29/10 meng blaoh. Cục Pasang iek Liên bang (Mỹ) taong yaom Mostafa lac urang khủng bố hu quoc tich Mỹ pakat glong abih ngak bruk di negar langiu.

Harei 15/11, dunya hu taduan raok menuac ka 8 tỷ lac sa anek kamar kumei urang Philippines tabiak rai di tukvak 1 tuk 29 minit tui mon di labik sang iek ruak Pahadar Bác sĩ Jose Fabella. Quỹ Dân số Liên hợp quốc kuhria mboh lac, menuac sia dunya meda hu 9 tỷ di thun 2037. Bruk patagok ini, lac kayua umo thun taha di anek menuac hu tagok meng dom siam mekre di bruk iek glang prein yava bhap bini, bruk mbang menyum siam, khik hacih sa-at rup pabhap saong jru tavao. Ini jeng lac bruk mai meng tanut ndih tapui glaong, khang kajap di rilo taneh ia./.

Urang lang: Bhumi & M. Phương