Taom mbaok kapol urang hu pok meyaom di bruk jak ba gauk pakacah “ Tham mưu gheih, ngak bruk joi” vaktu 2019-2024, page 4/9, di Labik ngak bruk di Akok negar, Tong Bi thu, Akok negar Tô Lâm khang panuac lac, tapa bruk peih ngak pambak praong bruk jak ba gauk “Tham mưu gheih, ngak bruk joi” dalam negar, hu mboh yaok ribau urang naih gheih, bo dalam nan lac 150 urang hu meyom di harei ini lac dom kareih camin naih gheih di bruk jak ba. Tong Bi thu, Akok negar mboh lac, Ndang saong Karja  sangka veik brei ngak siam sarak, roh duah salih birau sarak daong brei, ba mbuan lagaih piah urang jakar, kong chuc, vien chuc, urang ngak bruk, ba drei ngak bruk daong taneh ia, palei negar.

Hadei di labaih 13 thun peih ngak Danak dak bruk ngak negar padang ngak palei pala bahrau, tal harei ini, mbaok mata huyện taphia negar Lộc Ninh, tỉnh Bình Phước hu rilo salih karei. Urak ini, huyện ngak hu jaik 1.000km jalan nao mai pambuak dom xã saong jalan bê tông xi măng biak khang kajap. Jaik abih dom sang bhap bini hu pandar điện negar. Taong abih 15 xã jeng hu labik ginum biai saong 123 ấp hu sang ilamu, lac labik pataom mbaok, ngak bui, me-in sambai. Huyện hu 32 kaya pandap mek hu angan  OCOP 3, 4 patuh, meng nan, hu ba bruk ngak tani tanat, patagok jien mek tame ka urang ngak. Jien mek tame kuhria tui akaok menuac hu 66 triệu đồng sa thun.

Tui Mentri Ngak nong saong Patagok palei pala, tabung glong ia ndik thun ini di bhum taneran kraong Cuu Long meda rah tabiak di meteh bilan 10. Di Tân Châu, An Giang, ia ndik glaong abih lac meng 3,2 - 3.5 m, biar jang dom thun meng 4 tal 7 tấc. Dalam bilan 9 ini kayua ia ndik kuhria mboh dahlau lac biak glong gam haong  hajan yau nan ye ngak ka ia dauk. Abih di nyu lac, bhum kreh 2 kraong Tiền, kraong Hậu di ban Cần Thơ saong dom tỉnh Đồng Tháp, Vĩnh Long, Hậu Giang saong Sóc Trăng njauk brei caik hatai tal bruk ia dauk, ia ndik tagok glong.

Hội Chữ thập đỏ tỉnh Bình Thuận pambuak bruk haong Công ty Cổ phần Hoàng Ngọc bahrau alin brei 300 pok pandap ka mikva urang bangsa Cam daok di xã Phan Hòa, huyện Bắc Bình. Yaok paok hu kaya pandap piah mbang yaok harei yau ye brah, mì tôm, ahar, kẹo. Gam haong nan, hu jao 2 pok jien bac brei ka 2 adei anek saih matui, sang kan kandah, yaom 5 triệu đồng. Dom pok pandap yaom lac sit min ndung bak hatai anit saong bruk sangka, caong daong ka mikva Cam yam tapa kan kandah dalam raidiuk yaok harei.

Pambuak tal bruk taong paoh uranaih di Mái ấm Hoa Hồng daok di labik  52 Tô Ký, phường Trung Mỹ Tây, Quận 12, TP.HCM, page ini 4/9, Kong an phường Trung Mỹ Tây pambuak haong UB bhap  bini phường hu pasang iek labik mái ấm. Tapa pasang iek camereip, jabat chức năng hu mboh Mái ấm Hoa Hồng hu labaih 80 uranaih, rilo jang dut saong harak gal brei peih ngak 39 uranaih. UB bhap bini Quận 12 caong khin brei ba taong abih 86 uranaih tame labik bảo trợ xa hoi di karja blaoh duah thau baoh sang gauk gar di dom uranaih nan hadei.  

Kadung jien Uranaih Liên hợp quốc (UNICEF) daok daong sa bruk klauk jru vaccne ka Cộng hòa Dân chủ bhap bini Triều Tiên. Bruk ini piah daong labaih 800 rabau uranaih saong 120 rabau urang kumei matian klaak bruk klauk vaccine meng di tuk jit praong COVID-19 tamuh tabiak. UNICEF jeng hu pabak tu la-an saong dom janih pandap karei piah khik ramik siam lagaih di vaccine yaom lac daok di dom bhum atah bayah abih di Triều Tiên. Langiu di nan, labaih 7 rabau 200 urang y tế taneh ia ini hu pato pakai piah khik ramik dom bruk klauk jru saong langyah yaok kan kandah meda rah tabiak haong vaccine.

Sa mbang pandiak dui atah haong langik pandiak tagok glong biak glong daok rah tabiak di dom bang Tây Nam taneh ia Mỹ, dalam nan Phoenix yam tapa 100 harei  pandiak 38 độ C. Jabat tui iek bruk langik tasik taneh ia Mỹ hu panuac brei thau dahlau ka pandiak  di dom bang Tây Nam, abih di nyu lac dom urang oh hu sang danaok daok, urang umo taha, uranaih saong dom urang  takik prein yawa. Langik pandiak dui atah oh ka mboh padeih.

Rajaei Anh brei pakauk chất xylazine, sa janih jru “an thần thú y” daok hu urang njil jru phiel pandar piah patagok bruk chreih chrai dalam tukvak tal gam haong 21 janih nguy hiểm karei. Bruk pandar rilo xylazine meda ngak brei klik laka kan siam, suai lavik meda ba tal “bruk ralow”, gam haong nan, urang pandar meda rah tapa dom mbang pandik khang biak khang. Anh lac taneh ia camereip abih angaok dunya pakauk janih ini piah patrun patakik dom menuac matai pambuak tal jru phiel saong cap mek kol pablei salih janih pakauk ngak brei njil./.