Mintri Lao động, Thương binh saong Xã hội bahrau hu harak payua tagok Thủ tướng Rajaei ka bruk pathau khan Akaok negar alin hadaih pandap ka urang hu buh prein yava ka cách mạng di tuk pahadar 75 thun Harei Thương binh - Liệt sĩ (27/7/1947 - 27/7/2022).  Abih tih yaom jien alin hadaih lac labaih 400 tỷ đồng, brei ka labaih 1,3 triệu urang. Paok jien ini hu rami ramik dalam kadung jien kanja thun 2022.

Tui bruk batabiak, meng ni tal thun  2025 song dom thun patui di nan, TPHCM meda ngak salah bruk bayar jien, panduan ba 6.500 boh sang ngan song yaom phun jien tui kuhria abih tih lac  19.280 tỷ đồng. Ban raya kuhria ngak dahlau 3 danak dak , dalam nan hu danak dak  kuac raok, ngak pasiam  môi trường, padang hạ tầng ribaong Xuyên Tâm (meng kraong Nhiêu Lộc tal krong  Vàm Thuật). Danak dak ni nao tapa  quận Bình Thạnh, Gò Vấp, hu 4 ribaong sit lac  Rạch Cầu Bông, Rạch Cầu Sơn, Rạch Long Vân Tự song  Rạch Lăng, ngan song yaom phun jien buh tabiak ngak tui kuhria abih tih lac 9.350 tỷ đồng, dalam nan jien bayar mek veik taneh lac 4.860 tỷ đồng, saong panduan ba nao jiak 2.200 boh sang.

  Lac labik hu bruk công nghiệp hóa biak samar, ngan haong labaih 13.700 doanh nghiệp hu phun jien dalam taneh ia saong jaik 1.130 danak dak hu phun jien negar langiu (FDI), 2 thun tapa,  tỉnh Long An gaok rilo kan kandah kayua jit praong COVID-19, abih di nyu nan lac bruk urang ngak, bruk ngak, jien mek tame di urang ngak. Ong Nguyễn Đại Tánh, Phó Yam ndoc Sở Lao động- Thương binh saong Xã hội tỉnh Long An brei thau: meng ini tal puac thun 2022, tỉnh caong hu labaih 30.000 urang ngak. Piah pachreih hu manuac ngak, tui kuhria tal puac bilan 8, Long An meda ba tabiak dom sarak, paok jien daong ka urang ngak. 

Tal urak ni, Bình Thuận hu  680 urang ruak pandiak tabiak drah  (SXH). Dom huyện hu urang njom glong lac Tánh Linh, Đức Linh, Hàm Thuận Bắc, Bắc Bình. Pasak pasang iek ruak kik  tỉnh hu panuac kakei bhap bini jhui iek lap ruak pandiak tabiak drah, bhian pametai  lăng quăng, jamuk, puh ramik hacih saat labik dok. Tuk hu dom  bruk medhi njauk  ruak pandiak tabiak darah yau pandiak glong chip, gam tui pandik akaok, taglaoh ta-ok, tagok sanam darah…urang ruak brei ba chip tal labik y tế piah hu iek ruak samar drah.

          Công an tỉnh Bình Phước daok samar pasang iek, ngak brei cambaih makna ba tal metai di ong Từ Khắc Duy (umo 45 thun, daok di ban sit Thanh Bình, huyện Bù Đốp) ngan haong rilo vết thương mangaok rup. Dahlau di nan, Công an huyện Bù Đốp taduan hu panuac khan lac, mon 10 melam 13/6, ong Từ Khắc Duy di mangaok rup hu rilo vết thương sre darah, nduac radaih mac tame sa sang bhap bini daok di khu phố Thanh Xuân, ban sit Thanh Bình. Tuk bahrau tal labik, ong Duy  xỉu chip di langiu mblang sang urang ini. Bhap bini samar ba ong Duy nao cấp cứu di Sang iek ruak Đa khoa tỉnh Bình Phước. Kayua njauk rambuac biak trak, ong hu pajeng tagok sang iek ruak praong di ban raya Hồ Chí Minh. Hadei di labaih 1 harei taong ruak, tal dah page harei ini 15/6, ong Duy metai di sang iek ruak.

          Mintri jien padai  Mỹ brei thau, Washington daok brei adat bayar jien blei năng lượng di  Nga mbiah tal abih harei 5/12  tal. Tapa nan, dom taneh ia châu Âu hu tuk vak caga ka sa bruk pakauh abih xăng menyek ngan song  Moscow pagam tal bruk Ukraine. Pathau khan nan hu batabiak dalam tuk dom bruk miễn trừ dom bruk tong  phạt jien padai biak catang di Mỹ, tui nan ba  Nga tabiak truh jiak abih bruk jien padai di dunya, hu abih tuk vak dalam harei 24/6.

Tui Gah Y tế dunya, hu  1 ribau 600 rituh urang ruak saong 1 ribau 500 urang medil lac njauk ruak đậu mùa khỉ dalam thun ini saong 72 urang metai di 39 taneh ia, dalam nan hu gam taneh ia daok hu vi-rút tamuh tabiak. Taong yam ndoc gah Y tế dunya (Tedros Adhanom Ghebreyesus) brei thau lac  tal tuk pasang iek jhul samar bruk pacang caga kayua vi-rút daok tamuh tabiak sarau kadhau, ngan haong rilo taneh ia njauk kan kandah jang saong daok caong hu bruk pambuak gauk di dunya. Bruk daok pamaong ngak di Gah Y tế dunya lac daong ka dom taneh ia pacang cakak bruk njom mbak saong tamuh tabiak meng dom pandap y tế công cộng.

Piah padang kadung jien pacang veik ruak  bại liệt, saai Kunle Adeyanju bahrau peih bruk nao angaok jalan atah 7500 dặm meng mô tô, tabiak meng ban ine London di Anh nao tal ban ine Lagos di  Nigeria. Jalan nao dui atah tal  41 harei. Tong abih pok jien piah padang kadung jien tapa jalan nao hu payua ka  gah Rotary International.  Bại liệt lac janih ruak njom mbak rah tabiak kayua vi rút bại liệt. Uranaih mala  5 thun lac urang mbuan njauk  ruak abih di janih ruak ni. Min, ruak meda pacang caga meng bruk klauk ginup vắc xin./.

Urang lang: Thu Thảo & H.Pha - 15/6/2022