
Kayua jien bayar, padang veik labik daok saong jien padang ngak tagok yau nan ye Rajaei pok tagok Quoc hoi brei pasiam veik sarak buh jien danak dak jalan peih drah samar Bien Hoa – Vung Tau meng 17.837 ti dong tagok tal 21.551 ti dong. Tui langyah di Rajaei, danak dak peih drah samar Bien Hoa- Vung Tau brei pasiam ramik kayua dalam tuk ngak danak dak mblo tabiak dom bruk karei ba tal jien tagok di dom danak dak hu mbaoh tangin blaoh. Yau nan ye, ba tal jien buh tame ngak abih danak dak kuhria tagok hu pok tagok Quoc hoi brei tapa.
Meng harei 20 bilan 5 anak tal, Pasak Padhih the thao dalam ia Ban raya HCM brei peih dom tal pato caluai ia oh mek jien ka bhap bini saong anek saih. Danak dak ini piah pachreih bruk jak ba “ Taong abih bhap bini pasram rup pabhap tui panuac pakei di Wa Ho praong uranam”. Tui nan, danak dak hu parabha jeng klau mbang, dalam mbang 1 brei ka urang jakar, kong chuc, vien chuc, urang ngak bruk gah ilamo saong padhih the thao. Dua mbang daok veik hu peih praong ka bhap bini umo meng 10 thun tagok, hu harak gal daok di Ban raya HCM.
Meng hatai caong khin pandik akaok ka bruk bac da-a, hu rilo tukvak padeih padei saong bruk ma-in sambai ka anek saih, Sở Pato megru tỉnh Gia Lai peih bruk ngak iek dahlau pato 5 harei dalam sa adit di dom sang bac hu ginup ndap ndap lagaih pato saong bac. Bruk pato bac meng harei som tal harei suk caong khin brei rik tame paglong bruk pato pakai taong abih gah, ngak brei pasumu gauk dalam bruk bac da-a saong padeih padei ka anek saih. Bruk ngak ini camereip hu njauk hatai di dom sang bac, amaik ame anek saih saong saih bac.
Meng kreh bilan 5, di bhum Meraong negar saong Tay Nguyen tame bilan hajan. Tui Pasak kuhria iek dahlau langik tasik pakat negar, tui kuhria ia hajan meng bilan 5 meng tal bilan 7 thun ini di dom bhum palei ini dang dhi tanut glong atau glong jang rilo thun tapa, meng 90 tal 112 mm. Ta-eng hajan di gah Meraong negar meda glong jang meng 10-20% dut saong yaok thun. Dom labik hu hajan labaih 20mm dalam tukvak katut, mbuan ba ia dauk ralo labik, abih di nyu lac di dom ban raya yau TPHCM, Cần Thơ, Biên Hòa...
Tukvak jaik ini, di tinh Ca Mau hu rilo hajan, min hu labaih 36.000 ha glai U Minh Hạ, glai di dom labik kaoh pulao thu lagu. Dalam nan, paui khuah glai pakat III lac labaih 11.600 ha. Tinh Ca Mau caong khin, dom pakat, dom gah, dom po glai saong karja palei brei peih ngak dom jalan pacang caga apuh khuah glai bilan pamdiak thu lagu 2024 -2025 di dalam tinh.
Mentri Y te Indonesia daok peih bruk ba du lieu y te tame hasa piah tui iek prein yawa di urang nao Haji tui tukvak daok ngak Haji thun 2025, piah sumu daong dalam tuk langik pandiak catang di taneh Po Na-bi(Taneh Po Alluah). Tapa du lieu nan, urang jakar y te thau hu dom urang nao Haji mbuan ruak, thau bruk ngak, piah ba tabiak panuac kakei saong pato urang nao tal dom labik y te karei meyah hu ruak.
Trung Quoc saong Mong Co padang ngak ngak jalan pasei nao tapa negar. Jalan pasei atah 10 km, nao tapa pabah negar Gashuun Sukhait di Mong Co. Jalan di taneh Trung Quoc tui kuhria mboh brei ngak salah di thun 2027. Ini lac jalan pasei nao tapa negar ka dua di dua taneh ia ini dalam jaik 70 thun. Jalan pasei birau brei pajeng ba labaih 30 trieu tan ndap nda yaok thun saong brei rilo siam lagaih pambuak dua taneh ia, daong ka bruk pajeng ba kaya drap ar saong menyek nang luong di dua negar.
Apui khuah glai praong di gah bhum Kreih Canada ngak 2 urang metai saong 1.000 urang karei brei panduan ba nao labik karei, brei thau akok bilan apui khuah glai meda biak trak. Canada hu rilo mbang apui khuah glai praong dalam dom thun jaik ini, min biak takik hu thei metai. Bilan apui khuah glai trak abih kuhria meng lavik mai di negar ini lac thun 2023 hu sa urang lin daong padam pui metai kayua bala./.
Viết bình luận