Lào Cai lac tỉnh gaok khat lahik biak trak ngan haong 45 urang metai, 21 urang lahik. Hajan ribuk  ia sua  ngak brei 101 ribau 344 baoh sang khut tayak. Dom tỉnh, ban lac Quảng Ninh, Hải Phòng, Thái Bình, Hải Dương, Hà Nội klaoh điện, oh pambuak iew phone hu di ralo labik. Dom bhum palei daok pasang iek, kuhria hadom khat lahik.

Tui jalan ngak lac “anit ranam gauk, daong ba gauk”, “hala siam papaok hala tahak”, mBan Tuyên giáo Trung ương saong dom tỉnh dalam taneh ia jeng hu tabiak panuac ieu daong bhap bini pasiam dom khut tayah, khat lahik kayua rabuk, ia sua. Đoàn Chủ tịch UBTW MT negar Việt Nam jeng hu peih bruk daong ka bhap bini njauk khat lahik kayua ribuk ka 3 ba mai Di tuk peih bruk, dom jabat, doanh nghiệp, kapul nyaom, menuac urang ngak pahla saong dom tinh ban hu tut angan daong labaih 407 tỷ đồng. Iek tui bruk khut tayah, khat lahik saong tui bruk anak mata di pak nan, mBan Jak ba daong bruk pakat negar njauk gauk brei daong mbang 1 ka 20 tinh njauk khut tayah, khat lahik kayua rabuk ka 3 ba mai haong yaom jien abih tih lac 380 tỷ đồng.

Meng tuk brei thau jit ruak sởi, TPHCM kuhria rah tapa yaok harei hu labaih 20 mbang urang birau njom ruak saong jaik abih  uranaih oh ka klauk ginup jru vaccine pacang ruak. Dalam 10 harei akok meti di bruk klau jru vaccine, meng harei 31.8 tal harei 9.9, hu jaik 20 ribau uranaih umo meng 1 tal 5 thun hu klauk jru vaccine  pacang ruak sởi, meblah labaih 32%. Tui Sở Y te TPHCM, piah peih ngak hu siam bruk pacang caga  jit ruak sởi, piah uranaih hu klauk jru vaccine dak samar dak siam saong salamat,  70% uranaih umo meng 1 tal 5 thun daok veik saong nyaom uranaih umo meng 6 tal 10 thun oh ka klauk ginup jru vaccine sởi njauk brei jhul samar bruk klauk vaccine dalam 3 adit  daok  veik di bilan 9 thun ini.

Urak ini, urang ngak nong dom tinh dalam bhum ĐBSCL yuak hu blaoh labaih 1 triệu 200 rabau dalam 1 triệu 470 rabau ha padai hè thu. Tui panuac di dom doanh nghiệp dalam bhum ĐBSCL, urak ini daok dalam tuk puac bilan yuak padai hè thu, yaom padai brah dalam taneh ia daok tagok tani tanat tuk dom doanh nghiệp pataom tame blei piah pabak ka dom harak pambuak bruk pablei tapa negar langiu. Langiu di nan, rilo taneh ia blei padai brah tame daok gaok kan kandah dalam pala ngak, ba tal patagok bruk blei brah tame meng Việt Nam. Taphia nan, Thái Lan saong Ấn Độ njauk pandiak bhang saong bala meng langik tasik ngak ka brah hu takik. Brah pablei tabiak negar langiu di Việt Nam meda tagok khang dalam dom bilan puac thun 2024.

Sở Ngak nong saong patagok palei pala tỉnh Tiền Giang birau taduan bein akaok halau ia hu 50 phun pa-ok xoài cát Hòa Lộc di huyện Cái Bè piah duh ka bruk pabam pajaih pa-ok Hòa Lộc hu siam, pabak ka bruk patagok dom bhum pala pa-ok dalam saong langiu tỉnh gam bhum taneran kraong Cuu Long. Tukvak anak tal, tỉnh Tiền Giang brei pabak labaih 6.000 phun pa-ok Hòa Lộc siam yaok thun tabiak darak pasar pajaih phun mbang baoh gah Meraong negar. Dalam tỉnh Tiền Giang hu taneh bein phun mbang baoh tagok tal labaih 84.000ha, yaok thun brei baoh labaih 1,7 trieu tấn baoh kayau yaok janih.

Dua ứng cử viên Tổng thống Mỹ lac amuk Kamala Harris saong ong Donald Trump hu mbang ndom biai nao mai biak chreih chrai di ban Philadelphia, dalam nan, bruk pachreih hatai sangka di yaok triệu urang iek tivi lac dom kadha pambuak tal jalan ngak, sarak ka bruk dalam taneh ia saong bruk dunya. Dua ứng cử viên brei mboh hatai sahneng cagar gauk pambuak tal bruk mesruh gauk di Nga haong Ukraine, bruk sron mbon di Trung Đông atau bruk mesruh gauk di Dải Gaza…Tui urang maong iek saong tui gah báo chí, ini lac bruk ndom biai nao mai biak chreih chrai di 2 ứng cử viên tổng thống saong ba tabiak jalan ka bruk pakacah tame ngak Tong thong.

Di ban ine Phnom Penh birau peih Nyaom meyai padai brah Campuchia ngan haong kadha “Patagok prein khang pambak praong saong khang kajap di chuoi pabak padai brah Campuchia”. Dalam 10 thun jiak ini, Campuchia pablei tabiak negar langiu 6,1 triệu tấn brah ka labaih 100 labik tapa 234 doanh nghiệp, urak ini hu labaih 30 doanh nghiep meda ngak bruk pablei salih tabiak negar langiu. Nyaom  meyai padai brah Campuchia mbang ka 7 hu peih ngak piah pakhang, peih praong dom labik pabak padai brah di negar Đông Nam Á ini dalam tuk pacang BĐKH saong  pamong tal bruk khik brei siam ka alam moi truong dunya.

Sa khối băng tuyết ia patau yao klak hu maong lac daok kandaong veik meng kỷ băng hà di negar Anh daok jaik lahik nao kayua biến đổi khí hậu. Tui dom urang ilamu, khối ia patau ini nyu kandaong veik di kỷ băng hà puac abih, hu mboh dalam tukvak 10.000 - 100.000 thun dahlau saong hu dom urang ilamu tui iek tani tanat meng abap 19 tal harei ini./.