Harei ini, QH ginum biai tui kapol nyaom ka dom Dự án Hukum: Khik caga quyền lợi urang blei pandar ( pasiam veik); Hukum Giao dịch điện tử (pasiam veik). QH pang yaom Akok Mentri Jien padai Hồ Đức Phước, taduan  quyền di Thủ tướng Rajaei puac harak khan ka  dự án Hukum Yaom kaom (pasiam veik). Akok UB Jien padai, Kadung jien di QH Nguyễn Phú Cường puac harak Pathau khan pasang iek dự án Hukum Yaom kom (pasiam veik). Tui nan, QH ginum biai di hoi truong ka dự thảo Sarak patabiak Nội quy mbang nyaom QH ( pasiam veik).

Di mbang nyaom kinh tế xã hội bilan 10 peih tabiak di bier harei 1/11, akaok UBND TP.HCM Phan Văn Mãi caong lac, dalam bilan 11 ini, yaok sở, yaok gah, quận huyện pasang iek dom bruk ba tabiak di thun, taong yaom njauk bruk ngak piah ngak cambaih asal kadha hu makna praong di thun 2023 lac lang talaih dom bruk daok tavak tavaiy piah cak rok patagok kinh tế dalam taneh ia, pasang iek đầu tư công, rami ramik veik manuac ngak piah ngak dom danak dak hu makna praong, padang ngak danak dak ieu pataom phun jien, ngak pasiam dom bruk dui pachreih urang buh jien tame ngak mbang FDI; pataom tame salih bahrau hành chính; lang talaih dom tavak tavaiy ka bruk quy hoạch, doanh nghiệp, patagok prein khang di doanh nghiệp, pataom tame dom jalan daong bruk ngak mbang, pablei salih …

Hajan praong gam gam, ia ndik tagok glong ba tal rilo jalan mbak dalam ban  Bạc Liêu, tỉnh Bạc Liêu dauk dalam ia, jeng dom labik  mbaih mbaoh praong bauk “sruh manuk”, “sruh lamen” ,  hu labik ia kandong veik, nao mai mbuan gaok bala. Bhap bini caong khin tỉnh brei hu jalan langyah  pasiam suai lavik, anak meta, lac pasiam chip dom labik jalan khut, mbaih piah bhap bini nao mai angaok jalan hu salamat. Gam haong nan, di dom jalan praong, njauk samar ngak salah brong tathuak ia, takik njauk  dauk ia hadei di dom mbang hajan praong dui atah.

Công an tỉnh Bình Dương taong tayah hu jalan pablei salih praong uranaih umo mala 16 thun. Tui panuac khan di gah công an, kol ini nyu ngak hu blaoh 31 mbang pablei salih anek kamar. Min, kayua bruk ini pambuak tal rilo tinh, ban, dom urang blei saong urang pablei jeng padauk angan nan ye jabat công an bahrau ngak cambaih hu 7 bruk ngan haong 7 anek kamar. Kol ini nyu duah menuac hu anek min oh khin raong saong menuac khin hu anek piah pambuak bruk pablei salih, duah laba.

Melam  1/11, di Cần Thơ, Sở Ilamu, Thể thao saong Dulich peih mbaok Harei pataom  “ Ragu daoh bhap bini  Nam Bộ ban Cần Thơ” thun 2022. Harei pataom thun ini hu 47 kadha pakacah di dom janih daoh sa urang, daoh dua urang, klau urang, daoh kapul nyaom saong 11 kadha ma-in Alat ragam. Harei pataom piah yaih khan dom yaom glaong ilamu tapa dom kadha daoh bhap bini, alat ragam bangsa meng kan di bhum taneh Nam Bộ pambuak saong raidiuk, rik daong khik ramik saong patagok dom yaom glong alat ragam, ragu daoh hò, vè.

Ủy ban Saram drah di Gah Y tế dunya mboh lac, dom mbang tamuh jit ruak đậu mùa khỉ daok caik tabiak bruk samar drah gah y tế dunya. Jabat ini kakei dom taneh ia njauk paglaong bruk pasang iek jit ruak. Bilan 7 meng blaoh, Gah Y tế Dunya hu  tabiak bruk samar drah y tế dunya ka ruak đậu mùa khỉ. Bruk ba ruak đậu mùa khỉ tame angan dom ruak trak samar drah ka y tế dunya, jeng hu makna lac dom taneh ia njauk pambuak gauk dalam bruk ngak saong peih dom kadung jien ka bruk taong ruak saong klah rabha vắc-xin di dom taneh ia.

14 urang njauk rambuac hadei di tuk njauk siu meng 2 urang cuh phao meng sa sruh otô dalam malam Halloween 31/10  di ban Chicago dalam bang Illinois, Mỹ. Biak patuah oh hu thei metai saong dom urang njauk rambuac hu ba tame sang iek ruak.  Cảnh sát oh ka thau angan je dom urang cuh phao  jeng yau kayua meng halei ba tal bruk nan. Tui duah thau di cảnh sát, tỷ lệ kol tội phạm di ban Chicago tagok 39% dalam thun ini yaom lac dom mbang patuh phao mboh trun 20% dut saong 1 thun dahlau.

Gah khik caga takai tasik Hy Lạp daong sraong hu 9 urang di cư hadei di tuk sruh gilai pajeng dom urang ini karam di jaik pulao Evia di negar ini tuk dah page harei 1/11. Sruh gilai pajeng 68 urang dahlau di tuk karam kayua hangin khang. Urak ini gah khik caga takai tasik daok jhul khang bruk duah jaik 60 urang lahik. Dalam 8 bilan akaok thun ini, gah khik caga takai tasik Hy Lạp daong hu ka labaih 1.500 urang, daok thun 2021 lac daong hu ka jaik 600 urang./.

Urang lang: Thu Thảo & Bhumi – 02/10