Patui danak dak Mbang nyaom ka 4, harei 3/11, var page, QH ginum biai tui kapol nyaom ka dự án Hukum Taneh riya (pasiam veik). Biar harei, QH peih bruk tangi sua saong javap calei dom tangin sua di urang QH ka nyaom kadha akok meti gah padang ngak. Akok Mentri Padang ngak Nguyễn Thanh Nghị brei calei panuac tangin sua ka dom kadha angaok nan.

Di mbang nyaom yaok bilan di bilan 10-2022 di thường trực mBan  tacei jalan pacang caga tham nhũng, tiêu cực (PCTNTC) TPHCM di harei 2/11, Ủy viên Mintri Chính trị, Bí thư Thành ủy TPHCM, Akaok mBan tacei jalan pacang caga tham nhũng, tiêu cực TPHCM Nguyễn Văn Nên hu ieu dom jabat tố tụng caga tham mưu, jhul samar bruk pasang iek, duah thau, langyah dom bruk, dom vụ án tham nhũng, tiêu cực, abih di nyu nan lac dom bruk di mban  tacei jalan pakat negar pacang caga tham nhũng, tiêu cực tui iek, tacei pato.

Jit ruak pandiak tabiak darah di Vĩnh Long daok rah tabiak sraw kadau, kuhria rah tapa yaok harei hu yaok pluh urang birau nyom ruak saong 3 urang metai. Abih di nyu lac, dalam sa bilan jaik ini, uranaih ruak saong tame sang iek ruak tagok rilo. Tui bac si Trần Chí Công, Phó trưởng khoa nhi, Sang iek ruak đa khoa Vĩnh Long, rilo uranaih hu ruak COVID-19 jhak tal bruk miễn dịch saong phản ứng viêm…Kayua yau nan ye, amaik ame njuak sangka dom jalan pacang caga  ruak ka uranaih, abih di nyu nan lac  uranaih hu ruak dahlau dalam rup, kayua dom uranaih nan takik prein pacang caga ruak, mbuan njauk virus njom tame.

Adit Ilamo, Du lịch – Harei pataom pandap mbang huak Nam bộ pambuak haong harei Ok Om Bok tỉnh Trà Vinh thun 2022 bahrau peih tabiak. Dom bruk ngak praong lac: labik ahar meng kan saong pandap mbang huak dom bhum palei; Ginum biai pambuak bruk du lịch saong padang kapul pasang iek mayaih khan labik du lịch bahrau tỉnh Trà Vinh; Nyaom darak pachreih bruk pablei salih saong bruk ngak kong di puk palei… Harei pataom tamia không chuyên bangsa Khmer tỉnh Trà Vinh...Abih di nyu nan lac Melam Ok Om Bok ndung mbak ilamo meng kan di bangsa Khmer tỉnh Trà Vinh.

Pasak daong, khik ramik saong cak rok patagok sinh vật di Bein pajat negar Bù Gia Mập, tỉnh Bình Phước pambuak saong  Chi cục Kiểm lâm TPHCM, Balai daong ka athur glai Củ Chi TPHCM birau palao 112 drei di 20 janih athur glai karei di gauk tame glai. Taong abih, dom drei athur nan lac dom janih dalam tapuk bhong Viet Nam. Njauk caik hatai hu rilo janih di nyaom IB nan lac nyaom biak quý hiếm. Dom drei athur glai nan kayua bhap bini halan hatian ba mai dalam tukvak tapa saong hu daong di Balai daong athur glai Củ Chi.

Kapul dom urang dang akaok liên quân Hàn Quốc brei thau, Triều Tiên hu cuh tên lửa đạn đạo tabiak bhum tasik gah timun negar ini di tukvak 7 tuk 45 minit dah page harei 3/11 tui maong di pak ini. Bol bala Hàn Quốc meda pambuak bruk haong bol bala Mỹ duah pataom saong langyah dom khau tin ka bruk cuh bahrau ini. Harei 2/11, Triều Tiên cuh abih tih 23 tên lửa tabiak dom bhum tasik gah Timun saong gah Pai negar ini, dalam nan hu 1 tên lửa laik trun jaik bhum tasik di Hàn Quốc. Tui yaok pataom, meng akaok thun tal ini, Triều Tiên hu 30 mbang cuh tên lửa dom janih.        

Ruak tiểu phế quản, sa ruak pambak tal jalan suak yawa di uranaih, daok  pambak praong di Prang, ba tal khoa nhi di rilo sang iek ruak ngak bruk tapa prein. Mentri Y tế Pháp brei buh jien tabiak samar 400 triệu euro piah blei pandap  y tế saong patagok jien daong ka dom urang jakar y te mbiak tal bilan 3/2023. Yaok thun, Pháp hu labaih 500.000 uranaih njom ruak viêm tiểu phế quản di bilan La-ar, dalam nan pataom tame ralo abih lac uranaih umo meng 2 tal 8 bilan.

Dalam 3 piluh thun tapa, châu Âu pandiak tagok jang 2 mbang dut saong binah daok veik di dunya saong rah tapa tanut tagok nhiệt độ praong abih dut saong dom bhum taneh halei karei. Tui dom urang ilamo, nhiệt độ di châu Âu tagok samar kayua bhum taneh ini rilo meng daok jaik Bắc Cực, labik nhiệt độ tagok samar abih di dunya saong pambak meng bruk biến đổi khí hậu. Dom urang ilamo hu ieu châu Âu lac labik pandiak sóng nhiệt kayua dom riyak pandiak di bhum taneh ini tagok samar jang dut saong dom bhum karei kayua bruk salih karei di hoàn lưu khí quyển./.

Urang lang: Thu Thảo & Bhumi