Meng thun 2019 tal ini, UB bhap bini dom tỉnh ban, abih di nyu nan lac tỉnh bhum taphia negar gam haong dom jabat, đơn vị di Tapon nyaom bol pan phao kraong QK 7 hu padang ngak, jao brei 43 labik  ngan haong  411 baoh sang daok jaik balai bol lin khik iek tapen negar, rilo jang 9 labik ngan haong 241 baoh sang  dut haong bruk ba tabiak di Danak dak. Hadei di tuk jao brei sang daok, dom baoh sang bhap bini daok di labik tapen negar dak harei dak hu tani tanat riadiuk, daok dang mbang ngui; talei rohim puk paga saong talei pambuak bruk haong bol lin khik iek tapen negar dak harei dak kajap, daong ka mikva  chreih chrai jang, kajap hatai jia, yam tagok ngak mbang pala drak labik akaok di  negar.

Kapul ngak bruk dom gah di TW kayua Thứ trưởng Mintri ngak nong saong patagok palei pala Nguyễn Hoàng Hiệp dang akaok kapul bahrau nao pasang iek tapak 11 labik glut jaleih takai kraong, takai tasik di 5 tỉnh bhum ĐBSCL lac Hậu Giang, Trà Vinh, Bến Tre, Long An saong Tiền Giang. Kapul ngak bruk njauk gauk brei pok panuac tagok Thủ tướng rajaei likau  samar drah brei ngak dahlau 6 labik glut jaleih khang lac: labik jaleih takai kraong Lái Hiếu (Ngã Bảy, tỉnh Hậu Giang); labik glut jaleih takai tasik xã Hiệp Thạnh, Duyên Hải (tỉnh Trà Vinh); Danak dak pacang caga glut takai tasik huyện Ba Tri (tỉnh Bến Tre); Danak dak langyah glut jaleih takai kraong Cần Giuộc (huyện Cần Giuộc) saong danak dak ar pacang glut jaleih ban sit Kiến Tường (tỉnh Long An); Danak dak glut jaleih takai tasik Gò Công, labik meng tatua Rạch Bùn tal Đèn Đỏ (tỉnh Tiền Giang).

 Tui Pasak Pasang iek ruak kik tỉnh Bình Phước, 7 bilan tapa dalam tỉnh hu 5 mbang urang ruak la-ar dom. Tal tukvak ini, tỉnh Bình Phước oh daok ruak la-ar dom. Abih di nyu, meng thun 2019 mbiah tal ini, tỉnh oh hu thei metai kayau ruak la-ar dom saong ruak la-ar dom trak. Piah ngak hu bruk ini, Bình Phước hu peih  Danak dak RAI3E kayua Kadung jien dunya ka pacang caga AIDS, Lao saong pandiak la-ar dom daong ka 675 palei, piah patrun bruk metai kayua pandiak la-ar dom. Gah y tế Bình Phước kham merat tal thun 2030 pacang hu ruak la-ar dom dalm tỉnh.

 Pasak pasang iek ruak kik TP.HCM (HCDC) bahrau tabiak mbaok Gilang darah huyết thanh, piah taong yaom miễn dịch dalam bhap bini, kuhria mboh dahlau bruk jit ruak, meng nan, hu jalan ngak praong piah pacang caga lagaih. Dom mẫu huyết thanh hu pataom mek, langyah, khik ramik piah dut iek, daong taong yaom, tui iek bruk miễn dịch dalam bhap bini. Bruk ngak ini jeng hu daong ka gah y tế kuhria mboh dahlau bruk hu jit atau samar thau bruk jit tamuh tabiak, piah ba tabiak sarak y tế ka nyu lagaih tuk jit ruak bahrau tamuh tabiak.

Bruk menyim khan kama  di xã Long Khánh A, huyện Hồng Ngự, tỉnh Đồng Tháp birau taduan harak pok brei angan Drap ar ilamu phi vật thể  Pakat negar  bruk ngak meng tangin meng kan. Palei ngak khan kama di xã Long Khánh A tabiak rai di dom thun akaok abap XX. Yam tapa rilo kan kandah, mbiah tal ini palei ngak daok khik ramik dom ilamu siam gheih meng kan. Urak ini, hu jaik 60 baoh sang ngak bruk nan, 150 janeng menyim, ba bruk ngak ka labaih 300 urang ngak dalam palei. Yaok thun, palei ngak tabiak, pabak ka darak pasar dalam saong langiu negar labaih 5 trieu blah khan kama dom janih.

Pasak pasang iek saong pacang caga jit ruak (CDC) Mỹ daok tui iek sa biến thể bahrau di virus SARS-CoV-2 ba tal ruak COVID-19. Biến thể bahrau hu caik angan ieu lac BA.2.86, hu mboh di Mỹ, Đan Mạch saong Israel. Pasak pasang iek saong pacang caga jit ruak CDC Mỹ urak ini daok duah thau cambaih jang ka biến thể ini.

Bhap bini Ecuador brei ba tabiak bruk halei hu makna praong jang di  bruk njuk mek menyek atau khik caga glai Amazon dalam mbang duah thau hatai sahaneng di bhap bini hu tui iek tani tanat di harei paguh 20/8. Kapul langiu rajaei Amazon Frontlines brei thau, bruk buh phieu  lac sa bruk akaok meti brei mboh ka bruk dân chủ khí hậu, labik bhap bini, oh lac dom kapol nyaom, brei ba tabiak ka bruk kuac mek drap ar saong dom bruk caga piah di nyu”. Tui kuhria mboh tuk camereip tapa dom mbang duah thau hu ba tabiak di akok bilan 8 lac phieu “hu” meda hu rilo jang ngan haong bruk padeih mek menyek.

Hãng pandap mbang samar Burger King brei klaak traong ndaiy tabiak truh bánh mì kẹp ralow saong pandap cuốn di rilo labik dhar pablei di Ấn Độ hadei di tuk yaom baoh traong ndaiy tagok jang 4 mbang. Bruk ini hu ba tabiak ngak tuk Ấn Độ daok glaih glar haong bruk lạm phát pandap mbang huak glaong abih kuhria meng bilan 1/2020, ngak kan kandah tal urang blei mbang dalam taneh ia. Dahlau di nan, McDonald's saong Subway jeng brei klaak traong ndaiy tabiak truh pandap mbang di drei saong sanya lac, bruk kurang traong ndaiy tok lac bruk di anak meta./.