Dah page 28/10, Quoc hoi daok ginum biai ka bruk peih ngak jalan patagok kinh tế-xã hội thun 2022; kuhria jalan ba tabiak ngak di thun 2023. Daok dom bruk kan kandah di gah y tế, urang Quoc hoi ndom lac, yaom lac kan kandah yau habar, bruk kurang jru tavao, pandap panda y tế lac bruk oh taduan hu, caong Quoc hoi, Rajaei hu jalan piah langyah. Tui urang Quoc hoi, tự chủ di sang iek ruak daok mbuan jaleih tayah, ieu Rajaei, Mintri Y tế pataom tame langyah dom bruk daok kadaong veik, jao ka sang iek ruak eng drei biyar jien, pah manuac ngak, langyah dom bruk kurang jru tavao ka urang ruak.

Tui Mintri Y tế, meng akaok thun tal ini, dalam taneh ia hu 270.278 urang njauk ruak pandiak tabiak darah, dalam nan hu 108 urang metai. Duk haong tukvak ini thun bloh, dom menuac njauk ruak rilo jang 4,8 mbang, dom menuac metai rilo jang 87 urang. Bhum gah meraong, bhum kreh negar saong Tây Nguyên daok hu dom menuac njauk ruak saong menuac metai di tanut glaong. Tui kuhria mboh dahlau, anak tal, ruak pandiak tabiak darah daok srau kadau kayua tabung glaong bilan jit yaok thun meng ini tal bilan 11. Dom urang ilamu gah dịch tễ brei thau lac mbuan hu jit kateik mangaok jit tuk langik tasik di dom tỉnh gah brak salih bilan, dom jit ruak karei (COVID-19, Adenovirus, cúm, thủy đậu...) jeng mbuan tamuh tabiak.

Salipan bilan tapa, rilo sarak brei kaduan tukvak kak jien je ka doanh nghiệp hu peih tabiak ngan haong paok jien yaok piluh ribau tỷ đồng. gah jien je daok brei kadun tukvak kak jien je tiêu thụ đặc biệt labaih 6.370 tỷ đồng; kaduan tukvak kak je ngan haong yaom tagok labaih 51.320 tỷ đồng. Jien je mek tame di doanh nghiệp quý 1, quý 2-2022 hu kadun labaih 40.000 tỷ đồng… Langiu di nan, Kanja jeng hu ba tabiak dom sarak bahrau daong ka urang kak je hu ba tabiak ngak tui dalam thun 2022, yau ye: trun jien je paok jien je GTGT tal harei 30/9, meng 10% trun 8% ngan haong dom nyaom pandap panda, dịch vụ daok pandar yaom kak je 10%; trun jien je khik caga alam môi trường ngan haong nhiên liệu par...

Tổng cục Thủy lợi, Mintri ngak nong saong patagok palei pala bahrau hu harak payua Sở Ngak nong saong patagok palei pala dom tỉnh, ban bhum ĐBSCL.  Tui kuhria mboh dahlau, mbang ia tagok meng ini tal harei 31/10 glaong jang rilo duk haong rilo thun tapa. Piah caga khat lahik ka bruk ngak nong, dom tỉnh, ban di ĐBSCL samar pasang iek, ngak pakhang ar pacang, hu jalan caga ia dauk. Abih di nyu lac dom tỉnh gaok bruk ia tasik tagok yau ye: Sóc Trăng, Bạc Liêu, Cà Mau, Hậu Giang, Kiên Giang.

Dalam 3 harei tapa (25-27/10), Biên đội III/22 di Hải đoàn Biên phòng 18 hu peih bruk pathau khan, pato pakai hukum saong pathau khan bruk pacang caga taong cap kaya ikan suan adat hukum, oh pathau khan saong oh njauk tui adat (IUU) ka urang taong ikan di bhum tasik Bà Rịa-Vũng Tàu saong Tiền Giang. Kapul hu alin 250 hala dok Negar saong pathau khan ka 300 urang taong ikan ka bruk an ninh bhum tasik, yaih khan dom harak adat hukum saong dom bruk njauk caik hatai ka urang taong ikan tuk taong cap di bhum tasik atah saong dom asal kadha hukum hu pambuak tal.

 Karja Mỹ bahrau brei thau Chiến lược quốc phòng bahrau 2022 hadei di rilo bilan brei padeih. Dalam jalan ngak bharau, bol lin Mỹ ba tabiak 4 bruk dang akaok brei ngak dahlau, praong di abih lac bruk đe dọa hu angan Trung Quốc. Dom bruk brei ngak dahlau daok veik lac răn đe dom bruk taong pamaong tame Mỹ, dom đồng minh haong dom gah pambuak bruk, padang 1 hệ sinh thái quốc phòng saong liên quân khang kajap. Mỹ jeng brei thau 2 văn bản praong lac taong yaom labik dang hạt nhân saong taong yaom pacang caga tên lửa.

Mintri Năng lượng A rập Xêut harei kabroi hu ginum biai haong dom akaok Mintri châu Âu ka bruk daong paglaong tani tanat di darak pasa dầu mỏ dunya. Dom akaok Mintri di châu Âu "paglaong bruk njauk ngak lac khik tani tanat gah pabak năng lượng salamat saong biak jia tame ka darak pasa di dunya", njauk caik hatai lac A rập Xêut "daok lac gah pambuak bruk ngak mbang saong gah pabak menyek tamo njauk caik hatai jia" ka France saong Hy Lạp. Dom mbang ginum biai jeng hu ndem tal gah hydro hacih, năng lượng tái tạo saong pandar năng lượng hạt nhân kayua bruk saron mbon di dunya.

Dom jien camereip di negar Anh in thaot Patao Sác-lơ 3 (Charles III) harei kabroi hu ngak tabiak di xưởng đúc jien Hoàng gia, tui kuhria hu ba tabiak pandar meng bilan 12. Dalam 70 thun tapa, negar Anh pandar jien in thaot amuk patao Elizabeth đệ Nhị. Hadei di tuk amuk patao palang di harei 8/9, jien ba-ar haong jien xu hu thaot amuk patao daok hu klaak nao. Urak ini, jiak 27 tỷ jien xu hu in thaot amuk patao jeng daok hu pandar saong hu klaak nao tui thun bilan./.

Urang lang: M.P & Thu Thao