

Page ini 12/5, Quoc hoi ginum biai ka bruk dui katut panak veik tukvak ngak bruk mbang 15 saong HĐND dom pakat vaktu meng thun 2021-2026. Pathau khan anak quoc hoi, Phaok akok Quoc hoi Nguyễn Thị Thanh khan cambiac laic: Pambak tame jalan tacei ba di Đảng saong bruk caong khin, vaktu Quoc hoi mbang 15 saong HĐND dom pakat meng thun 2021-2026 hu samar 3 bilan, padeih di akaok bilan 4 thun 2026( salih ka bian 7 thun 2026). Daok bruk brei harei palih ruah urang tame Quoc hoi mbang 16 saong urang lambaok vakil HĐND dom pakat vaktu 2026 -2031, UBTVQH pok tagok QH harei palih ruah urang QH mbang 16 saong urang HĐND dom pakat meng thun 2026 - 2031 lac harei adit 15/3/2026.
Kuhria tal harei 7/5 meng blaoh, hu 15 bhum palei abih baoh sang oh daok taik tahak nan lac: Hà Nội, Hải Phòng, Quảng Ninh, Vĩnh Phúc, Ban raya Hồ Chí Minh, Bà Rịa - Vũng Tàu, Bắc Ninh, Thái Nguyên, Cần Thơ, Khánh Hòa, Tây Ninh, Trà Vinh, Bình Phước, Vĩnh Long, Kiên Giang. Dalam negar hu daong ngak brei abih baoh sang oh daok taik tahak hu jiak 209.000 baoh sang, salah blaoh, jaik labaih 111.000 baoh sang piah dom po sang hu tame daok sang birau ; padang ngak hu labaih 98.000 baoh sang.
Page ini , Ban Cần Thơ peih ngak praong prang Raya Phat Dan Phat lich 2569 – Tui saka ia harei thun 2025 di Thiền viện Trúc Lâm Phương Nam. Kadha thun ini hu khan lac, Bilan Phat Dan lac tukvak piah ka urang agam bhat Viet Nam pahadar 62 thun harei Bồ tát Thích Quảng Đức lac urang am cuh rup eng ( thun 1963 – 2025) kayua bruk kham merat ngak brei hu salamat sron mbon, padeih bruk kateik greih. Ini lac piah ka urang Can Tho khan ka hatung hatian iek praong Duc Phat jeng yau langkan likau chrong daong bhap bini siam mekre, dunya sron mbon.
UBND TPHCM tabiak sarak daong jien ndien, jien ia ka urang pah bilik daok, sang daok ta-eng. Tui nan, ban raya brei kuhria jien dien, jien ia ka urang pah sang, bilik daok tui yaom jien dien, jien ia pandar kayua Karja ba tabiak. Urang pah sang daok hu blei dien pandar pakat 3 lac 2.271 dong/ kWh di dong ho kuhria dien di po sang. Ban raya caong khin dom phuong, xa bhian peih bruk pasang iek dom po sang kuhria jien dien ka urang pah sang daok, piah ngak njauk tui yaom jien dien ba tabiak, oh brei mek jien tagok.
Tinh Ca Mau hu ngak salah blaoh 2.835 baoh sang dalam Danak dak ngak brei abih baoh sang oh daok taik tahak. Meng ini tal puac bilan 6 tinh kham merat ngak brei salah labaih 1.500 baoh sang veik. Piah peih ngak danak dak abih baoh sang oh daok taik tahak, tinh jak ba dom jabat dom gah daong gauk ngak. Dalam nan, dom dam dara halan hatian rik tame labaih 2.700 harei ngak bruk daong dom baoh sang patak pataom jien padang ngak sang, rik tame ngak brei baoh sang hu praong siam, laneng lanoi.
Harei ini 12/5, Tổng thống Mỹ Donald Trump mbaoh harak hukum brei trun yaom biar jien jru iek ruak saong kaya jru karei. Tui nan, yaom jru iek ruak saong kaya jru karei hu trun chip, meng 30% tal 80%. Ong Donald Trump khan lac, bruk nan daong taneh ia Mỹ patak pataom hu “ yaok ribau ti dola” saong trun jien iek glang prein yawa ka bhap bini daok biak takik jang tuk halei.
Toa an Pakat glong Argentina khan lac, duah mboh 83 thung pandap tai lieu di phat-xit Đức hu karja taneh ia ini chap mek hu dalam mbang Mesruh metak dunya ka II saong khik piah di ala sang tòa án. Dom thung harak tai lieu nan hu Đại sứ quán Đức di Tokyo payua tal Argentina di thun 1941. Tuk nan, pandap praong rilo harak tai lieu nan hu rilo urang jakar caik hatai, kayua huac asar kadha dalam nan meda ngak jhak tal bruk dang kreh di Argentina. Dalam mbang mesruh metal dunya ka II, Argentina khik bruk dang kreh tal thun 1944, tal thun 1945, taneh ia ini mesruh haong Đức gam Nhat Ban.
Yawa langik di ban ine Jakarta, Indonesia mboh tagok tabung glong, dang dhi ka 4 dalam angan dom ban ine yawa langik njom nerak trak abih di dunya. Njom nerak yawa langik meda ngak jhak tal prein yawa anek manuac. Bhap bini hu kakei brei cuh tanyiak pacang pabah idung tuk tabiak gah langiu, kareik pambang tho saong peih mac jamarah hlang pacang dhur mur tame sang, tui nan brei ndik radaih cong cong piah takik gar jalan./.
Viết bình luận