Taong yaom glong bruk kham merat peih brei phun jien di karja dalam dom bilan akok thun glong abih kuhria meng 4 thun ini mai, dom urang Quoc hoi jeng mboh lac, dom bhum kinh te cak rok patagok oh sumu gauk, njauk brei hu dom jalan piah daong doanh nghiep patagok bruk ngak mbang, pablei salih; caong khin ameh hala hu ba tame tui darak pasar saong brei adat blei ameh meng negar langiu tame hu bruk khik iek di Gilang pariak Karja. Dalam biar harei dom urang Quoc hoi ginum di hoi truong ka bruk pasang iek, langyah dom caong khin di cử tri payua tal Mbang nyaom ka 6, Quoc hoi mbang 15.

Piah paglaong chat luong pato pakai bruk ngak lagaih haong hatai caong di yaok bhum, dom labik pato bruk ngak di tỉnh Tiền Giang pataom tame dom bruk cambaih laih, yau ye pala thanh long, pala njam patam, njam hacih saat, raong limo, raong manuk ada,… piah pambak praong bruk ngak di dalam ban. Tỉnh Tiền Giang kham marat tal thun 2025 mek hu jalan ba tabiak lac daong pato bruk ngak sơ cấp mala 3 bilan ka 20.000 urang ngak, njauk caik hatai tal dom urang jaoh jo, urang sang sarak kanja, sang kathaot; gam tui di nan jeng pato bruk ngak ka 7.500 sinh viên hu ilamo bac cao đẳng. Tapa nan, daong palagaih ka urang ngak duah hu bruk ngak lagaih haong prein di drei, njauk haong hatai caong.

Huyện Cờ Đỏ, Ban Cần Thơ birau peih Nyaom roya dom Bangsa takik mbang ka 4, thun 2024, hu mbaok di 100 urang lambaok dom bangsa takik, lambaok ka labaih 9.000 bhap bini dom bangsa takik di huyen. Huyen Cờ Đỏ hu labaih 30.400 baoh sang, dalam nan hu jaik 2.300 baoh sang urang bangsa takik, ralo abih lac bol bhap bangsa Khmer, hadei di nan lac bangsa Hoa, Cam, Nùng, Tày, Thái, Mường. Hadei di 5 thun peih ngak tui Sarak di Nyaom roya mbag ka III, kinh te- xa hoi, quoc phong an ninh dalam bhap bini bangsa takik hu salih  birau; baoh sang kathaot trun; raidiuk mbang ngui jeng yau jalan sahaneng  hu glong tagok.

TP. Hồ Chí Minh bahrau brei thau bruk peih ngak danak dak khuyet mai pataom tame bilan hè dui atah 3 bilan, meng kreih bilan 6 thun ini. Langiu di dom pandap panda, khan aw ngui cuk khuyến mại tagok tal 100%, thun ini, bruk njauk mayai nan lac dom tour du lịch jeng meda daok dalam danak dak khuyen mai. Urak ini dom doanh nghiệp hu tagok blaoh danak dak, caga ginup pandap panda piah pabak ka bilan blei pandar praong dalam thun ini. Langiu di nan, TPHCM jeng meda pambuak haong rilo tinh, ban piah peih ngak gam gam danak dak khuyen mai saong daong duah jalan pablei tabiak pandap panda.

Tui Pasak kuhria mboh dahlau bruk langik -tasik pakat negar, meng harei ini tal harei 26-5, hangin Tây Nam di Nam bộ meda trun  saong salih meng hangin Đông Nam. Nan ye, sa mbang langik pandiak hu gilac veik di bhum Đông Nam bộ, pandiak meda tagok 37 độ C. Langik daok hajan min pataom di dom tỉnh gah Pei di bhum Nam bộ saong dom labik di tapen tasik. Mbiah tal harei 27-6, hangin Tây Nam meng mai veik. Ini lac mbang pandiak puac bih di Nam bộ dalam bilan pandiak ini.

Jabat lambaok negar Ấn Độ pak Phnôm Pênh daok peih bruk ba nao palei Ấn Độ veik sa nyaom 58 urang Ấn Độ bahrau hu Campuchia daong tabiak truh tapon pagait tapa mang. Kuhria tal urak ini, hu labaih 360 urang Ấn Độ hu daong tabiak truh tapon pagait online. Jabat lambaok negar Ấn Độ pak Campuchia jeng ieu dom rahra Ấn Độ caong nao veik palei negar ye mai taom gaok jabat lambaok negar. Gam haong nan jeng kakei rahra negar drei oh  ngak dom bruk suan haong bruk thị thực bo rajaei negar ini pabak brei.

Karja Tổng thống Joe Biden birau tabiak panuac brei klaak 7,7 tỷ USD ka dom paok jien brei sre ka sinh vien. Meng tuk tagok rai, Tổng thống Joe Biden hu mbaoh tangin brei yaok rituh tỷ USD ka danak dak klaakk sre ka sinh vien, daong patrun naong trak sre dange, daong jien bac đại học daok tagok glaong di Mỹ. Mỹ ba tabiak bruk caik tabiak 430 tỷ USD piah daong dom paok jien sre di sinh vien.

Urang jakar ngak praong gah y tế Hàn Quốc khan lac 1 urang kumei metai hadei di tuk njom vi khuẩn “mbang ralaow manuac”. Ini lac urang metai camriep di Hàn Quốc kayua njom vi khuan ini dalam thun ini. Urang ruak nan, lac urang kumei umo 70 thun metai di harei 16/5 hadei di tuk mboh pandik takai saong brah tagok. Harei 20/5, dom bac si mboh lac urang ruak njom anek ruak di vi khuan ini, meda duah mboh di bhum ia tapen tasik pandiak bingi atau hu dalam kaya tasik matah. Di Mỹ, vi khuẩn “mbang ralaow manuac” ngak ka labaih 80.000 urang ruak saong 100 urang metai di negar ini yaok thun./.