Patui Danak dak Mbang nyaom ka 7, Quoc hoi mbang 15, harei ini 30/5, Quoc hoi ginum biai di hoi truong. Dalam nan, page ini  Quoc hoi ginum biai ka bruk kuhria dahlau Danak dak pasang iek di QH thun 2025; ka bruk kuhria dahlau Danak dak padang ngak hukum, adat negar thun 2025, ramik pasiam veik Danak dak padang ngak hukum, phap lenh thun 2024. Biar harei, QH pang pathau khan ka bruk pandar jien meng kadung karja thun 2022; pathau khan kiem toan bruk pandar kadung jien karja thun 2022; Pathau khan pasang iek taong yaom bruk pandar kadung jien karja thun 2022.

UBND tỉnh Ninh Thuận pambuak haong Liên minh Châu Âu di Việt Nam peih hop bao brei thau ka mbang nao ngak bruk di amuk Myriam Ferran, Phó akaok Tổng cục Pambuak bruk dunya di Ủy ban Châu Âu. Tapa nan,  lambaok urang pan akaok UBND tỉnh Ninh Thuận hu panuac caong kapul ngak bruk pasang iek daong ka tỉnh Ninh Thuận dom bruk yau ye roh duah saong cak rok kong nghe nang luong pasiam veik lagaih haong langik tasik saong taneh riya tỉnh Ninh Thuận; cak rok patagok cơ sở hạ tầng, abih di nyu nan lac jalan mbak nao mai saong jalan dien; pandar kong nghe glaong tame khik ramik saong ba pandar hệ thống hạ tầng; dom danak dak patruh eik patrun kan kathaot, khik ramik alam moi truong khang kajap.

Mbang pakacah tamat THPT pakat negar thun ini peih tabiak meng harei 26 tal harei 29/6, Ban Cần Thơ hu 12.887 anek saih tut angan tame pakacah, rilo jang 800 anek saih dut haong thun dahlau. Meng ini mbiah tal  dahlau harei tame pakacah 1 adit, gah pato megru  meda brei pasang iek bruk caga ginup pandap panda, mac jamraih piah duh ka bruk pakacah, peih ngak siam dom mbang pasang iek abih bruk di đơn vị saong dom mbang pakacah, pakacah iek di Sở Pato megru. Dahlau di nan, di harei 17-18/5, anek saih tal 12 di Ban Cần Thơ hu tame pakacah iek Mbang pakacah tamat THPT thun 2024.

Thun bac 2024-2025, dom sang bac pak TP.HCM peih mbang pakacah pasang iek taong yaom prein bac tame tal 6, kayua hatau caong di amaik ame anek saih glaong jang tanut ba tabiak piah pilih ruah. Tui asal kadha piah hu mbaok tame mbang pakacah lac anek saih njauk mek hu 9 điểm tagok ngan haong 2 môn Tiếng Việt, Toán di tal 5. Mayah oh hu tame dom sang bac ini, anek saih jeng hu rami ramik tame dom sang bac THCS công lập karei di dalam ban raya. Thun bac 2024-2025, TP.HCM hu labaih 128.000 anek saih tal 6, trun labaih 24.000 anek saih dut saong thun bac dahlau.

Pambuak tal bruk uranaih umo 5 thun njauk klaak var angaok radaih o to pajeng anek saih ba tal metai di biar harei sup 29/5 di ban Thái Bình, Công an TP Thái Bình ba tabiak langyah tui hukum dius “ Oh caik hatai ngak metai manuac”. Tui gah chuc nang, page harei 29/5, sa-ai L peih radaih ô tô 29 ghe gam haong sa gru Sang bac Mầm non Hồng Nhung taduan raok kamuan H saong 9 anek saih karei nao bac. Tuk tal sang bac, sa-ai L. peih pabah mbang radaih ka gru pato saong dom anek saih tame bac. Hadei di nan, sa-ai peih radaih ô tô pataok di pabah mbang sang bac blaoh nao sang. Mbiah tal mon 5  biar harei nan, cei di kamuan nan mai taduan kamuan  min oh mboh  kamuan di tal bac saong mboh kamuan njauk caik var angaok radaih di sang bac ba tal metai.

Rajaei Thái Lan njauk hatai haong dom rami ramik bahrau ngan haong sarak thị thực, piah dui pachreih rilo jang tuai damuai saong jhul khang gah yu lich di taneh ia ini. Tui bruk rami ramik bahrau, meng di bilan 6, Thái Lan meda pabak veik 36 taneh ia ginup asal kadha hu miễn thị thực. Tukvak daok veik di tuai damuai hu dui atah jang 60 harei. Sinh viên negar langiu hu  adat daok veik Thái Lan sa thun hadei di tuk bac tamat blaoh, dalam tuk dom bruk ka bao hiem ngan haong urang negar langiu caong padeih huu pak Thái Lan jeng meda hu ngak pacadu.

Sa mbang pandiak khang daok rah tabiak di rilo bhum taneh praong di Ấn Độ ngak kan kandah trak tal raidiuk di bhap  bini, abih di nyu lac dom urang ngak bruk langiu langik. Ta-eng harei kabroi di ban ine Niu Đê-li pandiak glong tagok tal jaik 50 độ C. Jabat kuhria dut iek langik khan lac, dom bruk rah tabiak pandiak catang bhian rah tabiak dalam bilan hè. Yau nan min, rilo thun roh duah khoa hoc  hu mboh bruk BĐKH daok ba tal dom mbang pandiak dui atah, rilo jang saong khang jang.

Bruk mesuh gauk di Israel pak Gaza meng di mbang taong tame di harei 7/10/2023 nyu ngak pamadeih veik hatai kham marat di dunya piah jao ka rahra Palestine sa kanja di urang. Na Uy, Tây Ban Nha saong Ireland harei 28/5 hu jeng dom taneh ia bahrau abih cong nhan kanja Palestine. Tal urak ini hu 145 dalam 193 taneh ia dalam Liên hợp quốc cong nhan kanja Palestine, dalam nan hu rilo taneh ia Trung Đông, châu Phi saong châu Á, min oh hu bruk hu mbaok di Mỹ, Canada, jaik abih dom taneh ia Tây Âu, Australia, Nhật Bản atau Hàn Quốc./.