Patui danak dak mbang nyaom ka 7, page ini (28/5) dom urang QH ginum biai ka dom asar kadha daok hu panuac karei di gauk ka du thao Hukum padang ngak Tòa án bhap bini (pasiam veik). Biar harei, dom urang QH ginum biai ka dom asar kadha daok hu panuac karei di gauk di dự thảo Hukum Thủ đô (pasiam veik). Sa dalam dom sarak birau hu makna praong dalam danak dak Hukum Thủ đô (pasiam veik) lac patagok đô thị tui jalan ngak radaih công cộng, daok hu rilo bhap bini sangka.   

Nyaom darak pablei salih dunya Tịnh Biên - An Giang 2024 daok hu peih tabiak di ban sit Tịnh Biên, tỉnh An Giang.  Nyaom darak hu 300 gian pandap ngan haong rilo janih pandap saong hu chat luong di 120 doanh nghiệp, labik ngak tabiak, pablei salih hu angan je mai meng 12 tinh, ban Việt Nam, Campuchia, Lào. Nyaom darak ini daok hu maong lac sa dalam dom bruk praong piah jhul patagok talei rohim ngoại giao, pambuak gauk cak rok patagok kinh tế, pablei salih di tỉnh An Giang - Việt Nam, saong 2 tỉnh Takeo, Kandal - negar Campuchia, ngan haong jalan ba tabiak lac paglaong bruk pablei tabiak negar langiu tame darak pasa dom taneh ia ASEAN, abih di nyu nan lac dom taneh ia bhum kraong Mê-kông.

Danak dak Dam dara halan hatian bilan hè tỉnh Đồng Tháp thun ini meda hu labiah 24.000 urang lac urang jakar, urang đoàn, hoi vien, dam dara, anek saih, sinh viên, gru pato  halan hatian. Bruk pamong tal di chien dich ini lac brei ngak birau 10km jalan saong ramik pasiam labaih 50 km jalan nao mai dalam palei, peih ngak labaih 50 km gom truac hadah jalan palei; padang ngak saong pasiam veik 20 baoh tatua. Langiu di nan, danak dak daok pambuak bruk padang ngak 120 baoh sang anit ranam, sang pahala; daong peih ngak hu jeng biak takik abih lac 600 bruk sahaneng, hadah krah di dam dara saong daong ka labaih 12.000 mbang anek naih sang kan ndah.

Pachreih tui Harei alam Moi truong dunya, Harei tasik praong dunya thun 2024, Harei adit hijao, tỉnh Bình Thuận hu peih Danak dak ngak hacih tasik khik ramik alam môi trường. Dalam dom bruk ini, ong Võ Đức Thuấn, Phó akaok UBND huyện Tuy Phong hu alin 100 hala dok negar ka lambaok Đồn Biên phòng Hòa Minh, piah ka Bol lin Biên phòng jao hala dok negar ka mikva taong mek ikan di ban sit Phan Rí Cửa. Urang lambaok Chi cục Khik ramik alam moi truong tinh jeng hu jao bảng tượng trưng 10 thung hareik ka urang pan akaok UBND ban sit Phan Rí Cửa piah peih ngak bruk parabha nerak di dalam ban.

Sang iek ruak Ban raya HCM bahrau daong plaih di metai ka sa anek naih kumei umo 3 thun, ruak viem phoi saong ruak jalan suan yawa kayua njom H1N1. Uranaih daok di TPHCM, njauk pandiak, patuh, aih caraoh 4 harei oh cadu, sang ba uraih tame sa sang iek ruak jaik sang dut iek. Dom bac si mboh uranaih viem phoi, kan suak yawa ratabiak samar yau nan ye brei caik nội khí quản piah suak yawa meng mac. Urak naih hu brei dut iek ruak saong mboh uranaih njom kum A/H1N1 nan ye brei ba tame sang iek ruak Nhi đồng Thành Phố. Hadei 3 adit kham merat taong ruak, uraih hu siam gilac veik, padeih suak yawa ECMO, prein yawa hu siam veik.

Mbang nyaom pakat glaong klau gah mbang ka 9 di Hàn Quốc, Trung Quốc, Nhật Bản pak Seoul (Hàn Quốc) hu tamat blaoh. Harak tabiak panuac ndom haong gauk hu mbaoh tangin hadei di Mbang nyaom hu brei thau lac klau taneh ia Đông Bắc Á meda jhul samar dom danak dak pambuak gauk gam hu kein laba, pataom prein tame 6 gah praong pambuak khang kajap tal raidiuk yaok harei di rahra, dalam nan hu bruk pacang caga haong BDKH, pambuak gauk dalam kinh tế saong pablei salih, ilamo kong nghe; salih số; daong ba saong pacang caga haong bala langik tasik. Klau urang pan akaok negar hu njauk gauk ginum biai ka Sarak pablei salih tự do (FTA) klau gah meda patui veik hu jhul samar.

Dalam tuk Singapore daok dang anak mbang jit COVID-19 birau, dom labik iek ruak di taneh ia ini hu khan lac bruk tagok rilo urang njom dom janih ruak jalan suan yawa cấp tính karei yau kum atau ruak la-ar. Rilo duk bilik dut iak ruak praong brei thau lac dom urang njom ruak COVID-19 dalam bilan 5 ini tagok 2 mbang dut saong bilan 4, hu labaih 20 mbang yaok harei di yaok labik. Rilo bac si kuhria mboh dahlau lac bruk nyom mbak COVID-19 urak ini daok dui tah  veik dom adit tra tuk mbang padeih bac daok mai tal saong dom baoh sang nao dilich negar langiu.

Sa mbang jaleih taneh rahtabiak di harei 24/5 pak Papua New Guinea lam labaih 2.000 urang saong hu tabiak panuac ieu bruk daong ba di dunya. Yambali - palei chreih chrai dahlau deih di tỉnh Enga - jaik abih njauk lahik abih tuk sa binah di mbuan ceik Mungalo jaleih, lam rilo baoh sang saong dom urang daok ndih dalam sang. Tui hãng thông tấn AFP, bruk jaleih taneh ngak tayah tayaic biak trak dom baoh sang, dom bein phun pala pandap mbang saong ngak kan kandah biak trak tal jalan praong gah kinh te di kaoh pulao Nam Thái Bình Dương ini./.