Quoc hoi hu ginum biai di hoi truong biar harei kabroi ka dom asar kadha daok sahaneng karei di gauk di dự thảo Hukum Drap ar ilamo (pasiam veik), dom bruk yau: pasang iek sarak tavak veik pandap, kaya meng kan, drap ar kaya kan di negar oh hu pandar  kayua kein laba; ba tabiak bruk khik iek ngan haong drap ar do thi; gam patagok  bruk ngak di urang saong bhap bini dalam bruk khik iek drap ar saong drap ar lac dom asar kadha hu urang pataom tame brei panuac. Dalam negar  urak ini hu labaih 40.000 drap ar,  labaih 70.000 drap ar ilamo oh mboh di meta, 15 drap ar ilamo hu UNESCO hu tavak angan saong 9 drap ar harak tư liệu…Yau nan min, phun jien daong ka bruk khik ramik, pasiam veik inem krung di negar daok biar dut saong bruk rah tabiak. Abih di nyu nan lac di dom bhum urang bangsa takik, bhum ceik, kaoh pulao, labik hu rilo drap ar mbuan lahik.

Sahaneng ngak tui jalan “ hala taik papaok hala tahak”, tỉnh Tiền Giang birau peih padang kapol nyaom urang jakar mai rivang, alin pandap di dom bhum palei gah Barak njauk khat lahik trak kayua ribuk ka 3 (Yagi). Ngan haong hatung hatian anit ranam, jum pataom, klak rabha, anit ranam gauk, tỉnh Tiền Giang alain 2 tỷ đồng ka bhap bini tỉnh Lào Cai, 2 tỷ đồng  alin bhap bini tỉnh Yên Bái saong 1 tỷ đồng alin ka TP. Hải Phòng. Jien nan mai meng jien jak rahra rik tame di tỉnh brei ka bhap bini gah Barak pasiam veik ribuk ka 3. Dahlau di nan, bhap bini Tiền Giang hu rik jien daong bhap bini gah Barak labaih 14 tỷ đồng. Rilo kapol ngak pahala di tỉnh hu pajeng pandap mai tal labik piah  daong mikva kan kandah kayua ribuk ia sua.

Harei broi, tỉnh Cà Mau peih bruk parang iek ngan haong kadha “Hoàng Sa – Trường Sa di Viet Nam” ka yaok ribau bhap bini mai tal labik parang iek piah iek dom blah bản đồ, harak gal brei mboh bruk ngak po di negar drei ka 2 kaoh pulao Hoàng Sa saong Trường Sa.  Mbang parang iek mbang ini hu peih ngak di Ban Cà Mau. Rilo anek saih saong dom gah chuc nang tinh Cà Mau mai hu mbaok pang yaih khan ka dom blah bản đồ, harak tư lieu sajarah biak gireik ka bruk brei mboh bruk ngak po di Viet Nam ka 2 kaoh pulao Hoàng Sa saong Trường Sa.

Mbiah tak ini, Tổng kong ty Điện lực TP.HCM hu brei định mức điện ka jiak 1,5 trieu anek saih, urang ngak pah sang di 66.000 labik sang daok trọ di Ban raya. Bruk brei kuhria yaom ndien saong brei tanut pandar ndien  ka sinh vien, urang pah sang piah urak ini hu Tổng công ty peih ngak tui hukum ba tabiak di Mentri Kong thuong. Ngan haong dom sinh vien saong urang ngak pah sang daok  ye brei ndien pandar ka saih bac saong urang ngak pah sang tui hukum cambaic laic, hu kein lagaih ka urang.

          Mban Tacei ba jalan Pacang caga bala meng langik saong daong duah urang gaok bala 2 tỉnh Ninh Thuận saong Bình Thuận ( Ban Chi huy) birau khan brei thau ka bruk pacang caga ribuk TRAMI jaik tasik biển Đông. Piah pacang caga ribuk rah tabiak srau kadau, Ban Chi huy caong khin dom đơn vị, huyện, ban tapen tasik tui iek tani tanat ribuk. Kuhria mboh dahlau dalam 24 tuk tal, di bhum tasik 2 tỉnh  Ninh Thuận, Bình Thuận hu hajan, hangin khang pakat 5 tal pakat 8, tasik riyak khang , glong meng 2 tal 3,5m.

Sa dalam dom bruk brei ngak dahhlau di Tổng thống Indonesia Prabowo Subianto lac piah ngak Indonesia hu jeng taneh ia luong thuc kaya mbang ka dunya piah Indonesia ngak bahu bruk pabak pandap mbang ka drei. Urang dang akok negar  Indonesia lac dalam 4 tal 5 thun anak meda eng drei pabah hu pandap mbang meng bruk ngak nong saong dom danak dak pala drak  di dom palei, xã, huyen, ban saong negar. Dom danak dak nan ngak tabiak khang kajap dom janih padai brah, tangei, tatak, tabau, sago saong sa kê.

Di Nhật Bản daok hajan khang, meda ngak glut jaleih taneh. Tui jabat Khí tượng Nhật Bản  langik tasik biak kan thau dahlau di gah Pei saong Timur taneh ia ini kayua langik hu hajan di ralo labik di Japon biak praong. Di ban Saeki, tỉnh Oita hu hajan biak praong ia tagok tal 110mm. Ralo labik di tỉnh Miyazaki ia hajan labaih 400mm.

 Pasak pacang caga pachot pagat taneh ia Australia taduan hu yaok rituh harak brei thau ka bruk rahra njauk urang pagat pachot. Bruk pachot pagat di Australia tuk dom jalan pachot pagat  ngak ka bhap bini  taneh ia ini lahik 2,7 tỷ AUD thun dahlau.  Anak bruk nan, rajaei Australia daok duah jalan pacang cakak bhap bini, iew dom gilang pariak, dom kong ty jit vu pabak veik rilo jalan pacang sir angan je ka rup di tuai damuai.