Tui danak dak mbang nyaom ka 5, Quốc hội mbang XV, dah page ini (30/5), Quốc hội hu ginum biai di hội trường ka dom asal kadha daok hu panuac karei di gauk di danak dak Hukum Giao dịch điện tử (pasiam veik); ginum bai ka Sarak jalan buh jien tame padang ngak Danak dak jalan mbak meng jalan roya 27C tal jalan tỉnh ĐT.656 tỉnh Khánh Hòa – pambuak haong Lâm Đồng saong Ninh Thuận saong bruk rami ramik jalan buh jien tame padang ngak Danak dak Binek caik ia Ka Pét, huyện Hàm Thuận Nam, tỉnh Bình Thuận. Bier harei, Quốc hội ginum biai tui Kapul ka Danak dak Sarak di Quốc hội ka bruk ngak iek dom sarak, jalan ngak karei piah cak rok patagok Ban raya Hồ Chí Minh.

Dalam nyaom biai ka bruk KTXH bilan 5 haong 5 bilan akaok thun di harei 29/5, ong Phan Văn Mãi, Chủ tịch UBND TP.HCM brei thau, bruk urang ngak njauk cakak trun rilo mon ngak bruk, Sở LĐTBXH njauk pambuak bruk haong Sở Pato Megru peih pato bruk ngak ka urang ngak. Tui nan, TP brei hu sarak sangka raidiuk ka urang ngak saong hu jalan ngak cambaih laih ka pato bruk ngak. An sinh dalam dom bilan tal biak catang, kol drei njauk sahneng iek, kol drei hu dom sarak hagait dreih yau bruk daong tuk COVID-19 halei oh.

Dalam 20 thun tapa, Harei jum pataom bangsa di tỉnh Sóc Trăng hu jeng lac mbang sinh hoạt chính trị, xã hội praong dalam, lac siam gheih ilamo saong lac harei bui sambai dalam rahra. Dalam bruk dak padang palei pala bahrau, MT negar dom pakat dalam tỉnh hu jak ba rahra alin taneh, padang ngak tatua, ngak jalan, padang ngak sang bac, phun hijao, ngak hacih alam môi trường, kruac hadah jalan mbak saong rik prein tame ngak bruk,… taong abih tih yaom jien lac 250 tỷ đồng. Langiu di nan, meng dom danak dak pakacah gauk anit ranam taneh ia, hu mboh rilo bruk ngak gheih, bruk ngak bahrau dalam salih janih phun pala, langyah bruk ngak, pandar ilamo kỹ thuật, daong gauk phun jien, pajaih phun pala, athur raong, patrun kan kathaot,…

Danak dak padang ngak jalan radaih cao tốc Bắc Nam nao tapa tỉnh Hậu Giang atah jaik 64km daok dalam 2 labik lac: Cần Thơ - Hậu Giang saong Hậu Giang - Cà Mau. Tal urak ini, daok 87 sang bhap bini oh ka jao mbaok taneh. Ong Đồng Văn Thanh- Chủ tịch UBND tỉnh Hậu Giang brei thau, jaik abih dom tavak tavaiy di labik jao tái định cư saong hu dom sang caong tagok yaom bayar, ngan saong bruk panduan ba, kan di abih lac di gah điện... Kayua yau nan ye, tinh daok jak ba dom sang oh ka jao taneh, daok dom sang ndok tagaok yaom jien bayar, dom gah daok pataom tame langyah samar.

Di dalam tỉnh Bà Rịa Vũng Tàu bahrau mboh veik 1 urang metai kayua COVID-19. Urang ruak  lac likei, umo 64 thun, hu klauk 3 mbang vaccine pacang caga COVID-19. Urang ruak daok taong ruak ung thư tung pruac tavak puac. Jala pandiak harei 26/5, urang ruak mboh dalam rup glaih glar, kan suak yava nan ye sang hu ba tame Sang iek ruak Vũng Tàu piah taong ruak, hu dut iek samar COVID-19 saong mboh dương tính haong SARS-CoV-2. Hadei di tuk hu bac si iek ruak, langyah ka prein yava, gauk gar dalam sang hu ngak harak sanya saong ba urang ruak mai sang. Hadei di nan urang ruak metai di melam harei nan. Meng akaok bilan 5 tal urak ini, Bà Rịa - Vũng Tàu hu 2 urang metai kayua COVID-19.

Hãng thông tấn negar Triều Tiên (KCNA) brei thau: Triều Tiên meda cuh tagok langik vệ tinh tui iek quân sự camereip abih di bilan 6 tal piah cagar veik “dom bruk quân sự liều lĩnh” di Mỹ. Dalam sa bruk hu pambuak tal, harei kabroi (29/5) Bộ Ngoại giao Hàn Quốc hu panuac ieu Triều Tiên padeih bruk cuh vệ tinh tui iek quân sự, saong brei thau lac, meda pambuak bruk haong dom gah pambuak tal piah cagar veik dom khiêu khích meng gah Bình Nhưỡng. Bộ quốc phòng Nhật Bản jeng brei thau lac daok caga abih bruk piah taong palai janih tên lửa halei di Triều Tiên meyah nao tapa taneh ia ini.

Urang brei panuac di Jabat Khik ramik bala negar Afghanistan  brei thau lac hajan khang gam haong ia sua ngak ka 42 urang metai saong 45 urang karei njauk rambuac dalam bilan tapa di taneh ia ini. Taphia di bruk metai, lahik, hajan khang gam haong ia sua jeng ngak khut tayah 341 baoh sang, 20.000 ha taneh ngak nong saong ngak ka 13.000 drei athur metai. Bahrau ini, jabat kuhria mboh dahlau bala di langik tasik negar ini hu kakei veik lac meda hu hajan gam haong hangin khang saong ia sua di negar ini dalam 3 harei anak tal.

Gah Y tế dunya (WHO) hu panuac ieu dom rajaei di bhum Tây Thái Bình Dương padeih daong ka bruk pala pakao hala. Urak ini, labaih 1 triệu ha taneh di bhum Tây Thái Bình Dương hu pandar piah pala pakao hala, dalam tuk yaok triệu menuac daok dang anak bruk kurang padai brah pandap mbang huak. Lambaok WHO ndom lac meyah pandar 1 triệu hecta taneh ini piah pala dom janih phun lương thực meda pabak hu bruk mbang huak ka yaok triệu menuac, daong ka uraniah praong siam, khang kadang, saong daong ka urang praong patagok hu glaong di abih dom prein khang.