Hadei di 21 harei ngak bruk, QH ngak salah taong abih  dom asar kadha, danak dak Mbang nyaom ka 4, QH mbang XV. Di mbang nyaom ini, QH brei tapa 6 Hukum saong 13 Sarak. QH brei panuac ka bruk taduan panuac, pasiam veik saong ramik pasiam tukvak pok tagok QH pasang iek, brei tapa Hukum Iek ruak, taong ruak ( pasiam veik) tapa Mbang nyaom patui hadei Mbang nyaom ka 4, QH mbang XV; brei panuac mbang camereip ka 7 dự án  hukum nan lac: Hukum Taneh riaya ( pasiam veik); Hukum Đấu thầu (pasiam veik); Hukum Hợp tác xã (pasiam); Hukum Khik caga quyền urang blei pandar (pasiam); Luật Yaom kaom (pasiam veik); Hukum Giao dịch điện tử (pasiam veik) saong Hukum Phòng thủ dân sự.

UB Jum pataom Công giáo Việt Nam tỉnh Trà Vinh bahrau peih Nyaom roya urang Công giáo Việt Nam dak padang saong khik caga palei negar tỉnh Trà Vinh mbang ka 4 (vaktu 2022-2027). Tui jalan “Urang Công giáo siam jeng lac rahra siam” dalam 5 thun tapa, dom linh mục, tu sĩ hu rik tame labaih 58 tỷ đồng saong yaok rabau harei ngak bruk, padang ngak jalan nao mai dalam palei saong dom bruk kein laba ka bhap bini. Dalam bruk “Bhap bini khik caga sron mbon palei negar”, dom họ đạo padang hu 16 dalam 46 kalup kapul “pathau khan, ba brei siam, pato pakai menuac ngak suan adat hukum” hu rik daong khik kajap sron mbon, siam mekre salamat puk palei. 

 Meng harei 2/12 mbiah tal harei 8/12, UB bhap bini tỉnh Long An pambuak saong Mentri Công thương peih “ Nyaom darak Công thương bhum taneran kraong Cuu Long – Long An thun 2022”. Ini lac bruk lagiah piah D.N dalam bhum klak rabha, pambuak haong gauk jeng yau duah bruk pachreih pablei salih. Tapa nan, daong dom D.N lagaih pambuak bruk buh jien tame ngak tabiak pandap, pablei salih  saong patagok bruk pablei salih di dom bhum pablei dalam negar, abih di nyu lac dom tỉnh, ban bhum taneran kraong Cuu Long saong D.N Hàn Quốc.

Kapul dam dara Huyện Bù Gia Mập, tỉnh Bình Phước pambuak bruk haong kapul dam dara Kinh tế - Quốc phòng 778 (Quân khu 7) bahrau peih danak dak "Ba cambuai klao tal uranaih bhum tapen negar" brei ka dom adei sit daok di xã tapen negar Bù Gia Mập. Danak dak rah tabiak haong dom bruk me-in sambai siam mekre saong hu makna. Di sang bac THCS & THPT Đắk Mai, mban peih bruk hu caga 11 labik me-in kadha me-in meng kan, gheih tangin takre ngak, pandap klak, cakak mbuk… Dom bruk ngak ini hu daong ka dom adei pasram pahat rup pabhap saong hu bui sambai tuk hu me-in sambai haong ayut sahabat. Tapa nan, 1.000 pok pandap hu brei ka dom adei sit sang kan kandah.

 Meng harei 15/11,  Công an TP Hồ Chí Minh peih bruk tabung glong pagui, chap mek  dom kol tội phạm, khik salamat an ninh trật tự dom bilan puac thun saong bilan tabung glong. Dalam nan, gah công an ba tabiak bruk pataom tame chap mek dom kol pachot pagat công nghệ cao…piah bhap bini taduan raok tết bui sambai. Gam haong nan, pakhang bruk chap mek tội phạm tui kapol nyaom, co klaik, ma-in mbia, cá độ caoh mbanh; brei caga dahlau, ngak trun bruk gar calan, langyah catang dom bruk pataom ngak sraw kadau  trật tự  công cộng, pakacah peih radaih suan hukum…duh siam ka bruk nao mai, ma-in, le hoi di bhap bini tuk puac thun.

Nyaom biai pakat glaong abih G20 mangaok pulao Bali di Indonesia hu peih tabiak di harei 15/11. Di nyaom biai ini, dom urang pan akaok G20 hu pasang iek dự thảo sarak haong gauk, dalam nan jaik abih dom urang dalam G20 jeng hu panuac lên án khang  "bruk quân sự đặc biệt" di Nga peih ngak di Ukraine. Gah pasang iek taong yaom lac, bruk mesruh nyu meblah jaik abih asal kadha di mbang nyaom, oh caik hatai hagait tal panuac ieu di taneh ia po sang Indonesia ka bruk jum pataom saong pataom tame langyah dom bruk kinh tế dunya yau lạm phát, an ninh lương thực saong năng lượng.

Dom sieu thi di Anh hu tabiak bruk pablei hadom baoh manuk ada ka tuai kayua daok kurang pandap ini. Bruk ba tal bruk nan lac kayua negar Anh daok dang anak mbang tamuh jit cúm manuk ada khang abih dalam thun. Tui kuhria mboh hu labaih 2,3 trieu drei manek ada metai atau am cuh klak kayua njom ruak cúm di Anh dalam dom harei tapa.

Mintri Quốc phòng Israel hu mbaoh tangin brei tapa bruk ngak pasiam, pakhang sa labik paga an ninh haong labik Bờ Tây. Labik daning paga ini hu ngak meng thép, dreih yau daning paga pacang Israel haong Dải Gaza saong Ai Cập, piah salih ka labik paga  thép daruai atah 50km di sa pabah mbang negar pacang haong Bờ Tây. Tui kuhria tal urak ini, Israel hu buh tabiak abih tih 2,8 tỷ USD brei ka bruk padang ngak daning paga tapen negar haong Palestine./.

Urang lang: M.Phuong & A.Nghiem