Page ini 7/4, di Sang Quoc hoi, dom urang QH ngak bruk chuyen trach daok brei panuac tame danak dak Hukum taneh riya ( pasiam veik). Dom urang lambaok brei panuac ieu ngak brei cambaic laic jalan ba tabiak yaom taneh. Ông Nguyễn Thiện Nhân, urang QH kapul Ban raya Hồ Chí Minh hu panuac caong lac  dalam karja pakat tỉnh saong dom pakat huyen brei padang đơn vị sự nghiệp ngak bruk tacei pato, ba tabiak yaom taneh piah Karja pandar atau piah bhap bini tui iek. Piah bruk ba tabiak yaom taneh hu njauk ye brei pandar tư lieu taneh ia ka taneh riya, ini lac bruk brei hu piah ngak bruk tabiak yaom taneh, yaom lac gah tu nhan atau di karja.

 Ủy ban Mat tran negar Việt Nam TP.HCM pambuak haong Mbao Người Lao động bahrau peih bruk alin pandap ka 260 baoh sang Khmer saong daong jien bac ka 135 anek saih, sinh viên Khmer sang kan kandah. Ini lac bruk pachreih ba dom adei anek saih, sinh viên hu hatai pachreih bac saong bruk klah rabha gam haong mikva Khmer  sang kan kathaot, sang jaik kathaot, piah mikva uan raok Tết Chôl Chnăm Thmây 2023 bui sambai, trei siam, haniem phul. Tukvak ini, kadung jien “kayua urang kan kathaot” TP HCM sangka daong ka 103 sang kan kathaot, sang jaik kathaot lac mikva bangsa Khmer ngan haong abih tih paok jien lac 103 triệu đồng.

 Uan bilan Iek Ramưwan di urang Cam Bini, kapol urang  jakar ngak praong di UBND tỉnh Bình Thuận hu mai tadhau yuh mika Cam di huyen Tánh Linh saong huyện Hàm Thuận Bắc. Di dom labik mai rivang, kapol urang jakar di UB bhap bini tỉnh brei mboh bruk chreih chrai tuk raidiuk di mikva thun ini hu lagaih rilo, pala drak njauk, pablei hu yaom. Gam haong nan, caong khin bhap bini Cam jeng yau bhap bini Cam Bini, dom halau janeng gam haong karja palei, dom kapol nyaom, rik daong padang ngak palei pala birau, dak harei dak tagok jang.

Hadei di labaih 3 thun peih ngak danak dak “palao rạn nhân tạo piah khik caga, ngak pasiam veik kaya tasik pambuak haong cak rok patagok du lịch di bhum tasik di tỉnh Cà Mau”, hu 900 khối rạn bê tông hu palao trun tasik ngak labik daok, caih mebqoh ka rilo athur tasik. Tui ong Nguyễn Việt Triều – phó akaok Chi cục Kaya tasik tỉnh Cà Mau mayah yau dahlau deih pasang iek di bhum tasik hu palao rạn tok mboh hu hadom janih ikan, hadang ye hadei di tuk palao rạn, hu mboh 78 janih, dalam nan ikan meblah biak glaong ngan haong 48 janih.

Page ini 7/4, kapul duah daong urang gaok bala hu duah mboh rup atau  urang puac abih  dalam bruk kapal haok Bell 505 gaok bala ngak ka 5 urang metai di bhum tasik jaik Hải Phòng - Quảng Ninh di biar harei sup 5/4 meng blaoh. Tỉnh Quảng Ninh hu daong ka baoh sang dom urang gaok bala nan 20 trieu dong yaok urang; UB bhap bini  ban Hạ Long hu daong yaok urang 16 trieu dong saong daong baoh sang urang ngak harak gar adat hukum samar drah, mbuan lagaih.  Kong ty Trực thăng bhum Barak negar di Tổng Công ty Trực thăng Việt Nam jeng hu brei jien mbang huak, ndih daok, nao mai…ka gauk gar baoh sang di dom urang gaok bala dalm tuk daok di Quảng Ninh.

Kapul Khik caga takai tasik Nhật Bản brei thau lac, sa sruh ahaok trực thăng di Kapul pacang caga mbaok taneh Nhật Bản lahik. Sruh kapar haoh pajeng 10 urang, taong abih jeng lac di kapul Phòng vệ. Sruh kapar haoh lahik tabiak truh thaot binguk di radar tuk daok di bhum atah di mblang kapar haok di kaoh pulao di tỉnh Okinawa labaih 18 km di gah Tây Bắc. Mintri Quốc phòng Nhật Bản brei thau lac, sruh kapar haok trực thăng lahik tuk daok hu mbaok tame dom bruk pasang iek. Jabat chức năng hu brei  4 gilai pasang iek nao tal bhum tasik jaik nan piah duah.

Kanja ban Chiang Mai, gah barak Thái Lan hu ieu kakei rahra takik tabiak gah langiu saong ngak bruk di sang piah khik ka prein yava dalam tuk nerak tachrauk alam langik daok tagok di tanut kan kandah. Urak ini, blah pasang iek langik tasik IQAir hu ba Chiang Mai tame angan lac ban praong njauk tachrauk nerak trak damak abih di dunya, yam tapa atah dom labik njauk tachrauk nerak mbaih yau ye Delhi saong Lahore (Ấn Độ). Urak ini, tanut mun thur klik PM2.5 glaong jang 66 mbang dut saong tanut  dalam pato tacei di Gah Y tế dunya ka chất lượng alam langik tasik. Mintri Y tế Thái Lan brei thau lac, meng akaok thun tal urak ini hu jaik 2 triệu người njauk tame sang iek ruak piah taong ruak dom janih ruak di jalan suak yava kayua tachrauk nerak alam. 

Rajaei Colombia daok jhul samar bruk paduan ba labaih 2.500 baoh sang daok jaik ceik pui Nevado del Ruiz – lac labik daok hu jabat chức năng pasang iek kayua mbuan hu bruk pruh tabiak. Colombia brei tagok tanut brei thau ka ceik pui tagok sambo kruac, dalam tuk jabat chức năng brei thau lac ceik ini mbuan patuh tabiak dalam dom harei atau adit anak tal hadei di tuk mboh bruk ngak di địa chấn patagok di bhum ceik pui. Urak ini hu labaih 57.000 urang daok  dalam dom bhum njauk kan kandah di ceik pui, rahtabiak praong mangaok dom bhum di 6 tỉnh.