Patui Mbang nyaom ka 5, Quoc hoi mbang XV, harei 23/5, Quoc hoi pang Harak pathau khan di Rajaei saong Harak pathau khan taong yaom di UB Jien padai, Gilang pariak di Quoc hoi ka bruk  patak pataom, pacang caga palai pajua thun 2022; Harak pathau khan ka Danak dak padang ngak hukum, phap lenh thun 2024, pasiam veik Danak dak padang ngak hukum, pháp lệnh thun 2023; Harak pathau khan di Rajaei saong Harak pathau khan taong yaom di UB Jien padai, Gilang pariak ka bruk jao angan bruk saong yaom phun jien ka dom bruk ngak di Danak dak pasiam veik saong cak rok patagok kinh tế - xã hội.

UBND tỉnh Bình Dương hu brei tapa yaom jien biyar, daong tái định cư danak dak Vành đai 3 nao tapa tỉnh Bình Dương. Tui nan, yaom biyar jien glaong abih lac taneh daok, yaom labaih 42 triệu đồng/m2 daok di jalan Roya 13; taneh ngak nong, pablei salih dịch vụ hu yaom biyar glaong abih lac 27 triệu đồng/m2, bier abih lac 3 triệu đồng/m2. Bình Dương hu labaih 1.500 sang urang gaok njauk danak dak Vành đai 3, ngan haong mblang taneh pataom mek lac jaik 86ha, dalam nan jaik 1.000 sang urang hu biyar abih tih lac 13.528 tỷ đồng, daok veik hu daong tái định cư. 

 Pambuak tal dom mbang urang ruak njauk jru mek  Botulinum kayua mbang chả lụa di Thủ Đức, Sang iek ruak Chợ Rẫy brei thau, urak ini hu 3 urang daok suak yawa meng mac, prein megei tok daok 0,5 - 1,5, nan lac metai jaik abih rup. Bruk ba tal urang ruak metai rup nan kayua jru mek Botulinum. Meyah hu jru taong jru mek BAT, tuk urang ruak metai rup lac tuk taong ruak hu siam piah ka jru tagok prein siam lagaih. Jru pacang hu jru mek, ralai jru mek, ngak cadu ruak. Meyah oh hu jru ralai jru mek, jru mek njom tame urang ruak, ruak trak ba tal metai.

Tỉnh Sóc Trăng daok caga ka harei peih ngak Danak dak padang ngak jalan cao tốc Châu Đốc - Cần Thơ - Sóc Trăng tukvak ka 1 tui kuhria meda hu peih tabiak di harei 17/6 anak tal. Danak dak jalan cao tốc ini atah labaih 188km, labik akaok jalan pambuak haong jalan Roya 91 di ban Châu Đốc (tỉnh An Giang), labik jhung di canah jalan Nam Sông Hậu (tỉnh Sóc Trăng). Danak dak hu jien buh tame  abih tih jaik 44.700 tỷ đồng, praong 4 jalan radaih, prein nduac 100km/giờ (tukvak 1). Danak dak ngak salah hu daong jhuk khang bruk cak rok patagok kinh tế - xã hội di bhum Taneran kraong Cửu Long, jeng yau di tỉnh Sóc Trăng.

Gah Kỷ lục Châu Á hu pok harak padang kỷ lục ka pandap mbang vaktu 2022 -2023 ka dom pandap mbang ngak meng sen - caraih di Đồng Tháp. Hu thau, Đồng Tháp hu taneh pala sen praong di bhum Taneran kraong Cuu Long, rilo bhum pala caraih hu peih praong saong dom pandap ngak meng craih hu cakrok biak ralo, ndung bak ilamu nghe thuat, gam haong nan lac dom janih pandap mbang hu dom urang tahaneh ngak tabiak rilo pandap mbang karei. Bruk padang kỷ lục  dom pandap mbang meng caraih  peih tabiak jaln lagaih ka gah pandap caraih Đồng Tháp patagok tui kaya mbang, patagok pandap ngak meng caraih tui kinh te tuan hoan, kinh te hijao.  

Akaok Mintri Thống nhất Hàn Quốc hu panuac ieu urang pan akaok Triều Tiên Kim Jong-un padeih dom bruk ngak pandik pandoa saong mai  ginum biai veik dalam tuk dom bruk taong phat di dunya ngan haong danak dak hạt nhân saong tên lửa di Triều Tiên, jang yau bruk kurang pandap mbang biak trak damak. Ong jeng brei thau lac Hàn Quốc oh hu hatai sahneng thù địch halei piah mesruh haong Triều Tiên saong oh duah bruk salaih karei halei tapa prein khang.

Liên minh 8 đảng kayua đảng Tiến bước padang tabiak tui kuhria meda mbaoh tangin tame Harak Biên bản pahadar piah padang rajaei birau hadei di mbang palih ruah  di Thái Lan. Harak dự thảo pahadar  di Đảng Tiến bước saong 7 đồng minh liên minh hu rilo asar kadha, dalam nan dom gah  hu njauk gauk  brei ramik veik Hukum negar  dak aval dak siam, padeih bruk độc quyền taong abih dom gah cong nghiep saong jhul khang quyen pandar taneh sumu gauk. Dom gah jeng njauk gauk jhul khang bruk salamat hoa binh khang kajap di dom tỉnh bhum taphia negar gah meraong, langyah dom bruk kinh te meng bruk patagok jien mek tame di bhap bini.

Taong yam ndok Gah Y tế Dunya hu panuac ieu dom taneh ia peih ngak dom bruk salih bahrau piah caga ka jit praong patui veik saong iek praong bruk sanya dahlau nan piah paglaong jien padai ka jabat y tế di Liên hợp quốc. Gam haong jeng hu panuac lac, njauk tal tuk jhul khang dom bruk ginum biai ka pacang cakak mbang tamuh jit praong patui veik. Piah paglaong bruk pambuak gauk di dunya, njauk salih meng sanya lac kol drei  oh mai gilac veik bruk sarau kadhau saong biak iek bier yau dahlau daih ngak ka dunya, ngak ka anek manuac mbuan njauk kan kandah, yam tal sanya haong gauk piah pacang caga haong dom bruk kanjak jhak meng bruk ba tangin tame ngak haong gauk./.