Phó Thủ tướng Trần Hồng Hà birau mbaoh tangin tame Sarak 500/QĐ-TTg di Thu tuong Rajaei brei Quy hoạch  patagok điện lực pakat negar tukvak 2021 -2030, pamong tal thun 2050 ( iew lac Quy hoạch  điện VIII). Quy hoạch điện VIII ba tabiak bruk pamong tal khik kajap an ninh nang luong pakat  negar, pabak sumu bruk patgaok kinh te - xa hoi saong CNH, HĐH taneh ia. Peih ngak hu jak jeng bruk salih pandar nang luong pambuak haong HĐH ngak tabiak pandap panda, padang ngak jalan ba điện thông minh, khik iek hệ thống  điện tiên tiến, lagaih haong bruk salih tapa hijao. Dalam nan, bruk kham merat  khik pabak ginup an ninh năng lượng  pakat negar pabak bruk patagok kinh te – xa hoi ngan haong tanut GDP kuhria rah tapa labaih 7% dalam thun vaktu  2021 -2030, brei pabak điện  hu ganap, salamat.

Jaik 90 kapul nyaom, menuac urang hu rilo bruk ngak gheih dalam bac megru saong ngak tui jalan hadah krah siam mekre di Hồ Chí Minh thun 2023 hu pok meyaom di nyaom biai pataom iek veik 2 thun peih ngak Kết luận ka 01 di mintri Chính trị saong 3 thun peih ngak dom bruk pakacah gauk anit ranam taneh ia di TP.HCM, kayua Kapul urang kumei TP peih tabiak tuk mesup ini 16/5. Bruk njauk biai dalam dom bruk ngak di urang kumei TP lac ngak tui Wa meng rilo bruk siam gheih yau ye: jhul khang salih bahrau hành chính saong pandar kong nghệ thông tin, daong ka bruk ngak di dom pakat Kapul dak harei dak siam lagaih, kein laba. Thun 2022, abih tih jien jak ba xã hội hóa di Kapul urang kumei ban raya hu 41 tỷ đồng, daong ka uranaih metui kayua COVID-19, daong Tết ka urang kan kathaot, urang kumei daok di bhum tapen negar.

Urang raong  pabui di Bà Rịa – Vũng Tàu brei thau, yaom pabui diuk trun khang  daok di tanut 49 ribau đồng sa kilo ngak ka urang raong khat meng 700 ribau tal trieu sa drei. Rilo baoh sang raong oh daok prein piah tui bruk raong glang, nan ye klaak saoh var ro. Kuhria tal abih bilan 2 thun 2023, taong abih taphon pabui di tỉnh  daok jaik 384 ribau drei, trun jaik 70 ribau drei dut saong thun 2022. Huyen Châu Đức lac bhum palei hu taphon pabui ralo abih di Bà Rịa - Vũng Tàu, meblah 40% dalam taong abih taphon pabui. Kayua yaom pandap mbang ka athur tagok, yaom pabui  oh tani tanat ngak ka urang raong di huyen Châu Đức oh ka khang hatai raong gilac veik, urak ini daok labaih 160 ribau drei. Taphone pabui ralo meng raong tui baoh sang sit saong mbiah.

Di tỉnh Tiền Giang bahrau peih nyaom biai pambuak bhum sit tapen tasik gah timur bhum ĐBSCL lac: Tiền Giang, Bến Tre, Vĩnh Long, Trà Vinh.  Bhum sit ini hu menuac sia abih tih labaih 5 triệu urang, mbaok taneh meng langik tasik praong labaih 8.788 km vuông, hu takai tasik atah  162 km. Ini lac bhum taneh mbuan lagaih piah patagok kinh tế, dui pachreih urang buh jien tame ngak mbang nan ye  brei hu bruk pambuak gauk di dom tỉnh ban, dom puk palei piah ba gauk tgaok. Tui nan, jalan pambuak dom bhum sit pataom tame padang, peih ngak quy hoạch tỉnh, lpambuak gauk patagok hạ tầng, jalan mbak, kraong ribaong, peih bruk ieu da-a urang buh jien tame ngak mbang, patagok bruk du lịch, padang dom danak dak haong gauk di bhum sit.

Ruak SXH daok tagok rilo di jaik taong abih dom huyện, ban dalam tỉnh Kiên Giang, hu 774 urang njom ruak meng akok thun tal kreh bilan  4/ 2023. Dalam nan, dom urang ruak SXH Dengue hanjol  saong meda brei thau dahlau labaih 740 mbang, labaih 30 mbang ruak trak, oh hu thei metai. Urak ini, langik daok salih bilan  tame bilan hajan. Tui kuhria mboh dahlau dalam tukvak anak tal, ruak SXH meda tamuh khang di Kiên Giang kayua langik tasik, hajan rilo mbuan jamoh caik menek pambak ruak.

Urang brei panuac di TTK Liên Hợp Quốc Stephane Dujarric bahrau brei thau, Liên Hợp Quốc tuk halei jeng pachreih tui bruk sahneng duah halei piah ba mai sron mbon, tamat abih bruk mesruh gauk di Nga – Ucraina.  Ong Dujarric brei thau, TTK Liên Hợp Quốc Antonio Guterres jeng bharau taduan hu 1 mbang ieu phone meng Tổng thống Nam Phi Cyril Ramaphosa ndom ka hatai sahneng duah sron mbon di Ucraina. Dahlau di nan, Tổng thống Nam Phi hu dom mbang ieu phone ndom biai nao mai haong Tổng thống Nga Vladimir Putin saong Tổng thống Ucraina Dê-len-xki, ndom ka bruk padeih cuh gauk di Nga haong Ucraina meng jalan sahneng hu ba tabiak di dom urang pan akaok dom taneh ia châu Phi.      

Đảng Tiến bước (MFP) daok duah jalan jak ba Thượng viện njuak hatai ứng viên Pita Limjaroenrat di đảng ini tagok ngak thủ tướng Thái Lan. Min dom thượng nghị sĩ jeng daok sahneng kuhria. Harei 17/5, Tổng thư ký MFP, ong Chaithawat Tulathon ndom lac, đảng ini  tuk halei jeng halan hatian taom gaok piah ndem biai haong dom thượng nghị sĩ Thái Lan di tuk halei jeng hu.

Gah ba khau tin di Trung Quốc brei thau, sa kapal taong ikan di Trung Quốc daok taong ikan di Ấn Độ Dương kram di tasik ini. Taong abih 39 urang mangaok kapal ini lahik abih. Tui Hãng tin AP, Đài CCTV di Trung Quốc brei thau, kapal ikan ini kram di mon 3 harei 16-5. Dom menuac angaok kapal ikan hu 17 urang Trung Quốc, 17 urang Indonesia saong 5 urang Philippines.  Akaok negar Trung Quốc Tập Cận Bình haong Thủ tướng Lý Cường hu tacei pato dom urang ngoại giao Trung Quốc daok di taneh ia langiu, hong dom mintri ngak nong saong giao thông, daong duah dom menuac daok diuk./.