Hu mbaok tame “harei pataom abih rahra khik caga siam makre, saron mbon taneh ia” di xã Bình Đông, ban Gò Công, tỉnh Tiền Giang, Ủy viên Mintri Chính trị, Bí thư Trung ương Đảng, Akaok Mban Tuyên giáo Trung ương ong Nguyễn Trọng Nghĩa taong yaom glaong dom kham marat di Đảng bộ, kanja saong rahra di pak ini ngak hu. Tukvak anak tal caong patui veik jhul khang bruk pathau khan dalam dom bruk ngak gheih, dom kreih camin angan je, dom manuac gheih bruk siam urak ini dak harei dak mboh rilo dalam raidiuk di rahra, dalam danak dak rahra khik caga bruk siam makre, saron mbon di taneh ia. Tapa nan, ong Nguyễn Trọng Nghĩa hu alin 5 baoh sang jum pataom (yaok baoh sang yaom 50 trieu dong) saong 10 paok pandap (yaok paok yaom 2 trieu dong) ka 10 sang sarak kanja daok pak xã Bình Đông.

Phó Thủ tướng Trần Hồng Hà bahrau mbaoh tangin tame harak brei Quy hoạch tỉnh Bình Dương tukvak 2021-2030, pamaong tal thun 2050. Dalam nan, bruk praong tal thun 2030, lac Bình Dương meda jeng ban di Trung ương; lac sa dalam dom pasak patagok sami samar, abih gah di bhum Đông Nam Á; ba akaok gah KH-CN saong salih bharau hadah krah, pasak ngak kong bahrau, hu bruk kinh tế - xã hội saong hu đô thị cakrok samu gauk, bahrau saong gheih... Tui nan, gah kinh tế, prein cakrok kinh tế tukvak 2021-2030 hu jaik 10% sa thun, GRDP kuhria rah tapa tui akaok menuac thun 2030 hu 15.800 USD…

Tui Thiếu tướng Nguyễn Ngọc Cương (Akaok Cục Cảnh sát khik ramik hang chinh ka siam makre saron mbon bhap bini, Mintri Công an), dalam 1 bilan tapa, Mintri Công an hu peih bruk pabak can cuoc pagam chip ka abih tih labaih 2 trieu urang di dalam taneh ia. Bruk pabak can cuoc pagam chip ka rahra hu ba mai rilo kein lagaih, yau ye peih ngak dom adat hanh chinh, jao dich di gilang paraik, y te saong rilo dich vu kong karei biak mbuan jang, samar drah, khau tin manuac urang hu khik biak kadauk, trun bruk mbuan labik atau blah mek khau tin.

Jalan ar tasik Biển Đông, labik jaik 2 tỉnh Bạc Liêu saong Sóc Trăng dalam xã Vĩnh Trạch Đông (TP Bạc Liêu) bahrau glut jaleih khang. 2 labik glut jaleih, atah labaih 100m, mbang dalam tame takai ar. Labik glut jaleih oh daok hu rilo glai pacang caga, nan ye tuk ia tagok glaong saong hu riyak praong, daok ngak brei jaleih ar khang jang di anak tal. Nan ye, UBND tỉnh hu panuac ieu gah ngak kong yaok pataom dom khat lahik, saong ngak paga pacang brei rahra thau piah khik siam mekre salamat ka rahra

Kayua oh ginup pablei,  nan ye urak ini, rilo janih baoh kayau tagok yaom biak glaong, urang ngak nong hu laba glaong. Abih di nyu nan lac baoh li-u thu, hadei di rilo bilan oh hu pandap, ye urak ini yaom baoh li-u thu di Bến Tre saong Tiền Giang tagok meng 110 - 120 ribau daong 12 baoh, tagok 40 ribau daong 12 baoh dut saong bilan dahlau. Meng yaom yau urak ini, yaok thun 1ha li-u brei jien mek tame jaik 20 trieu dong sa bilan. Tui dom menuac kak kaiy, dom janih baoh kayau tagok yaom lac kayua hatai caong pataom blei pabak ka bruk ngak di dom sang mac tagok; dalam tuk nan dom janih baoh kayau urak ini hu takik kayua rilo bilan dahlau daih langik pandiak bhang dui atah

Tui Mintri Dân chính Trung Quốc, dalam 6 bilan akaok thun ini, dom menuac ngak lakhah di taneh ia ini trun jaik 500.000 yau (gu) saong lac tanut trun biar di abih kuhria meng thun 2014. Tui kuhria mboh dahlau, dom menuac tut angan ngak lakhah di Trung Quốc dalam thun ini meda trun tal tanut biar di abih kuhria meng thun 1980. Tui dom urang ilamu gah nhân khẩu học, hu rilo makna ba tal bruk trun menuac tut angan ngak lakhah di Trung Quốc, dalam nan hu bruk menuac sia ranaih umo thun trun daok takik, urang likei rilo jang urang kamei dalam umo khin gauk, umo thun ngak lakhah mbang camereip tagaok jang, jien ngak lakhah glaong saong hatai sahneng ka bruk lakhah caga salih karei.

7# Urang ngak nong pak tỉnh Chonbury di negar Thái Lan bahrau peih harei ilamo biak gheih, nan lac harei pataom pakacah kubau. Labaih 50 drei kubau praong khang hu caik pandap li-ua ba gauk pakacah di jalan dauk ia atah labaih 200 mét. Dahlau di tuk tame pakacah, manuac saong kubau jeng hu pasram dahlau dalam rilo bilan gam. Thái Lan caong khin khik ramik dom siam gheih ilamo meng kan meng di tuk gah ngak nong urak ini pandar mac li-ua dalam bruk pala drak padai ia, gam haong nan, lac piah kakei rai ranaih ka labik dang praong di drei kubau dalam gah ngak nong. 

8 # Gah Y tế dunya (WHO) daok sahneng kuhria brei padang sa Kapul urang ilamu piah ba tabiak panuac taong yaom ka bruk tabiak panuac lac samar drah pakat dunya halei oh ngan saong mbang tamuh ruak đậu mùa khỉ daok ngak ka dunya huac kanda. Min brei hu rilo jien jang saong hu rilo prein daong jang piah ngak bruk nan. Đậu mùa khỉ lac sa ruak njom mbak, mbang camereip hu mboh di menuac lac di thun 1970 pak negar Congo./.