Meng harei 5/5, yaok harei suai kak jien taong phạt hành chính, dalam nan hu bruk ngak suan hukum jalan mbak, menuac urang, kapol nyaom ngak suan njauk brei kak jien laba 0,05% kuhria tui taong abih jien taong phạt. Dom harei suai kak jien hu kuhria gam harei padeih le, harei padei tui sarak saong brei  kuhria  meng harei patui di harei puac abih di tukvak kak jien phạt tal dahlau harei  kak jien tame kadung jien Karja. Ini lac bruk ba tabiak birau hu Mentri jien padai ba tabiak adat mek jien, kak jien taong phạt, pabak atau buh tabiak jien phạt tagok di gauk, bien lai mek jien  phạt  saong jien meng kadung jien Karja  brei bruk ngak di dom gah taong phạt ngak suan adat hành chính.

Labaih 2 thun peih ngak danak dak Mblang kapar haok Long Thành, rahra daok dalam bhum padang ngak hu mai daok labik bahrau di labik tái định cư Lộc An- Bình Sơn- Đồng Nai. Min, danak dak daong pato bruk ngak, ba bruk ngak ka rahra dalam bhum danak dak ngan haong kadung jien kanja lac 306 tỷ đồng jeng ka oh hu peih ngak. Langyah ka bruk ka oh hu peih ngak paok daong pato bruk ngak ka rahra di labik tái định cư, Sở LĐTB&XH Đồng Nai brei thau lac, tinh hu peih dom mbang giao dịch bruk ngak di pak labik daok di rahra. Min, bruk tut angan tame bac bruk ngak saong duah bruk ngak di rahra lac biak takik.

Huac ka jit ruak COVID-19  meda tagok glong, luac 5 harei tapa, hu biak ralo bhpa bini di Ban raya HCM nao klauk jru vaccine. Dalam Ban raya HCM urak ini hu 190 labik  kalauk jru vaccine pacang COVID-19 daok ngak bruk, duh ka bhap bini. Bruk nan rah tabiak dalam tuk hu urang njom ruak COVID-19 gam gam tagok samar. Pasak pasang iek ruak kik Ban raya HCM meda peih veik sang iek ruak dã chiến ka 13 meyah dom mbang urang ruak trak tagok min anak meta brei pataom tame “Bruk khik caga urang di nyaom mbuan njom ruak”.  

Bruk pablei salih lau pandap panda di bhum tapen negar Tây Nam jaik di ini mboh trun duk saong dahlau deih, min jeng daok srau kadau, abih di nyu nan lac dom jru ngak gheih, pandap pandar yaom lap. Tui Mban  tacei jalan 389 tỉnh An Giang, yaom lac dom gah chức năng hu pasang iek biak siam bruk pablei salih lau, pajeng ba suan adat hukum pandap panda tapa jalan tapen negar, Min, kayua bruk caong pandar dalam taneh ia oh padeih patagok, kein laba meng bruk pablei salih lau biak glaong, nan ye buk pablei salih lau, pajeng suan adat hukum pandap panda tapa jalan tapen negar jeng daok rahtabiak.

Tỉnh Bình Thuận eiw dom gah pambual tal brei ba tabiak jalan langyah bruk glut jaleih di labik rivang ma-in Bàu Trắng. Pathau khan brei tỉnh thau dalam harei Adit ( 7/5). Urak ini Sở Ilamu, The thao saong Dulich hu ba tabiak dom jalan langyah di anak meta yau padang hala dok brei thau labik mbuan gaok bala salih ka bruk padang got saong pacang talei. Labik brei ka dom radaih peih di  Mbuan cuah Trinh Nữ njauk brei atah di danao Bàu Trắng takik di nyu 100m. Dahlau di nan, tuk jala pandiak harei 3/5, di labik tapen Bàu Trắng  di xã  Hòa Thắng, huyện Bắc Bình glut jaleih taneh praong 1.590 met vuong.

Quốc hội Thụy Điển bahrau brei tapa hukum pacang caga khủng bố bahrau, hu ba tame pandar meng harei 1/6. Hukum pasiam veik bahrau dom adat, dom manuac urang njauk kaoh duas hu mbaok tame kapul cực đoan, hu dom bruk ngak hu brei thau lac bruk daong ka dom kapul ini meda njauk mek caik guk 4 thun. Meyah dom bruk ngak suan hu brei thau lac biak trak damak, dom manuac urang nan njauk kaoh duas 8 thun daok guk. Langiu di nan, hukum pasiam veik daok brei adat lac dom urang pan akaok atau dom manuac dang akaok kapul khủng bố meda njauk guk tal abih rai.

Roh duah kayua dom urang ilamu di Sang bac Y di Đại học Maryland peih ngak brei mboh, dom urang ruak COVID dui atah ( daok iew lac Long COVID) mboh karei di glo akok. Nyaom dom urang ilamu hu thaot cộng hưởng meng chức năng ngan hoang 29 urang ruak COVID-19 meng 7 bilan dahlau. Yaok urang ruak hu mboh  takik abih 1 ruak pambuak tal thần kinh yau oh  kanal, tram kam atau haduh hatai, rilo bruk oh siam. Roh duah jeng brei mboh  dom urang ruak  COVID dui atah gaok ia kakuan pacang glo akaok nan lac sa ruka sraw kadau jalan sahaneng, gam dom bruk glo akaok kanal atau dom ruak tâm thân karei.

Urak ini dom doanh nghiep Trung Quốc daok yam tapa atah dom taneh ia karei ka dom “harak sahneng duah, ngak bahrau” pambuak tal pin saong sạc radaih điện dalam sa piluh thun tapa. Bruk ini hu ba mai kein lagaih oh sit ka dom cty Trung Quốc dalam bruk pakacah gauk cak rok patagok janih radaih hu brei thau lac meda hu makna praong dalam harei hadei. Dalam tukvak meng 2010 - 2022, dom doanh nghiep Trung Quốc hu buh tame labaih 41 ribau harak likau pabak “harak sahneng duah, ngak bahrau” pambuak tal sạc saong pin radaih điện, rilo jang jaik dua mbang dut saong Nhật bản, lac taneh ia dang ka 2 dalam dom angan.