Ong Le Minh Khai batabiak jalan ngak ka rilo jalan ngak 

Rajaei bahrau tabiak Sarak 77 ka mbang nyaom rajaei bilan 5-2022. Rajaei ieu kakei dom mintri, dom gah, dom tỉnh, ban patui bruk peih ngak samu gauk, siam lagaih danak dak pacang caga jit ruak COVID-19; caga prein yava, menuac ngak piah pacang caga jit ruak, oh caik brei bị động, tatuak drei. Pasang iek, lang talaih dom kan kandah, tavak tavaiy di gah ngak mbang, pablei salih, jhul samar bruk cakak trun, pambuan, palagaih dom harak gar, pasiam bruk buh jien tame ngak mbang, ba mbuan lagaih ka bhap bini saong doanh nghiệp. Pataom tame peih ngak 3 danak dak bruk ngak negar, lac: Padang ngak palei pala bahrau tukvak 2021-2025, patrun kathaot khang kajap tukvak 2021-2025, patagok kinh tế - xã hội bhum bhap bini bangsatakik saong bhum ceik tukvak 2021-2030. Gam haong nan lac peih ngak catang, siam lagaih dom bruk ngak, jalan ngak ka bruk rami ramik, cổ phần hóa, thoái vốn saong rami ramik veik doanh nghiệp kanja tui njauk tacei pato di Rajaei saong Thủ tướng.

Meng harei 16 tal harei 19/06, Adit pok angan boh kayau  song nyaom darak pasa ngak nong đô thị Tây Nam thun 2022 hu peih tabiak di ban Long Khánh, tỉnh Đồng Nai. Adit hu labaih  40 kadai parang iek, yaih khan boh kayau, kaya nong di rilo sang bein, doanh nghiệp dalam tỉnh Đồng Nai mai hu mbaok. Bruk ngak ni, piah yaih khan pandap panda kaya nong  song jhul patagok bruk du lịch di pak ni. 

Di mbang nyaom bahrau ini di Sở Jien padai, Sở Công thương TP.HCM saong dom doanh nghiệp pablei salih baoh manuk, ada dalam danak dak tani tanat yaom kaom darak pasa ban raya HCM, dom sở, mban, ngành hu njauk gauk brei ramik veik yaom yaom baoh manuk ada di dalam danak dak tani tanat yaom kaom. Tui nan, meng harei paguh (15/06) yaom baoh manuk, ada di 18 doanh nghiệp hu mbaok tame danak dak tani tanat yaom kaom di TP.HCM tagok 2.000 đồng sa pa-op 10 baoh. Baoh manuk janih 1 yaom meng 29.500 đồng tagok 31.500 đồng sa pa-op 10 baoh, baoh ada janih 1 tagok meng 35.000 đồng jeng 37.000 đồng sa pa-op 10 baoh.

Sở Lao động - Thương binh song  Xã hội tỉnh Trà Vinh brei thau, dalam  10 thun  (2012 - 2022), Gilang pariak sarak karja – dhar tỉnh hu peih tabiak jiak  120 tỉ đồng brei ka labaih  1.400 urang mesraiy nao ngak bruk di negar langiu tui harak pambuak bruk, dalam nan hu 146 urang dalam boh sang bangsa takik , 64 urang dalam boh sang kan kathaot song jiak si kathaot. Meng ni tal thun  2025, Trà Vinh kham merat ba  4.500 urang nao ngak bruk di negar langiu tui harak pambuak bruk. Piah ngak hu bruk ni, tỉnh brei peih ngak sarak dong ka urang ngak nao ngak  bruk di negar langiu, ngan song pok jien patao bruk ngak, sap negar langiu, paglaong ilamu ngak bruk ka yaok urang abih tih lac jaik  17 triệu meteh, tui yaok nyaom menuac urang.

Dah page ini 14/6,  Gah CSĐT Công an huyện Tánh Linh, tỉnh Bình Thuận hu peih bruk pasang iek labik rahtabiak bala, pasang iek ngak brei cambaih makna ba tal bala jalan mbak biak trak ngak brei 2 urang metai, sa urang njauk rambuac trak. Dua urang metai lac saai N.Đ.H (umo 33 thun), V.V.Th (umo 36 thun), dua urang nan jeng daok di xã Đồng Kho, huyệnTánh Linh saong sa urang njauk rambuac hu ba nao cấp cứu lac Trần Phước Hải Huy (umo 27 thun, daok di xã Đức Bình). Bruk nan rahtabiak di maong 12 kreh melam ini, di jalan Roya 55, labik nao tapa xã Đức Bình, huyện Tánh Linh, tỉnh Bình Thuận. Di tukvak nan, radaih ô tô sit janih 7 kik daok (bahrau blei, ka oh hu biển số), mangaok radaih hu 3 urang (kuhria gam urang peih radaih) daok nduac di jalan Roya 55 ye paoh khang tame radaih ben hu biển kiểm soát 51D - 396.74.

Taphia di bruk  lạm phát atau yaom xang menyek glong, bruk kurang labik pabak ia tasau tabung ka uranaih  dok lac kan kandah patui di nan ka urang Mỹ. Bruk ni dui atah  4 bilan tapa song dak harei dak jeng trak damak. Piah langyah kan kandah ni, Rajaei Mỹ song dom  doanh nghiệp dok kham pataom tame jhul khang bruk ngak tabiak ia tasau công thức. 

Anak bruk hu mbaok di janih phụ BA4, BA5 di biến thế Omicrcon, rajaei Indonesia kuhria mboh lac sa mbang tamuh khang jit Covid-19 bahrau meda hu mboh saong tabung glaong laik tame kreih bilan 7 thun ini. Rajaei Indonesia daok jhul khang bruk klauk vaccine caga Covid-19 patagok ka bhap bini, abih di nyu nan lac nyaom rahra mbuan njom ruak. Rajaei jeng hu kakei bhap bini ngak njauk tui dom panuac kakei di gah y tế yau ye cuh pataik pacang mbaok di labik hu rilo manuac di langiu langik, ieu kakei dom urang hu mbaok tame dom bruk hu rilo manuac yau ye thể thao, âm nhạc…njauk klauk ginup vaccine paglaong.

Tui pathau khan meng pasak roh duah  ka  năng lượng song  không khí hacih (CREA) hu jabat dok di  Phần Lan, Nga hu caik tame kadung  93 tỉ euro (samu  97,5 tỉ USD) meng bruk pablei tabiak  negar langiu  năng lượng dalam 100 harei camereip mesruh hong Ukraine. Tui nan, khối Liên minh châu Âu (EU) meblah tal  61% binah pablei tabiak negar langui năng lượng di  Nga, samu  57 tỉ euro dalam 100 harei camereip  mesruh di  Ukraine (meng harei  24-2 tal 3-6). Kuria taeng negar ye  Trung Quốc lac   tuai  prong d iabih  (12,6 tỉ euro), patui di nan lac  Đức (12,1 tỉ euro) song Ý (7,8 tỉ euro). Bruk ni, brei mboh dom pok  cấm vận di EU tagok  Nga meda lac oh ngak kan kandah hagait ka bruk pablei tabiak negar langiu năng lượng di Nga./. 

Urang lang: Thu Thảo -Hanipha- 14/6