Patagok bruk ngak nong pambak tui kein lagaih di bhum palei

Rajaei birau pasang iek, brei ngak Danak dak patagok ngak nong saong palei pala khang kajap suai lavik vak tuk 2021-2030, pamaong tal thun 2050. Dalam nan bruk pamaong tal lac padang bruk ngak tabiak kaya nong pala pablei, gam haong patagok bruk ngak nong pambak tui kein lagaih di bhum palei, tui jalan salih birau hu yaom glong, asar siam, kein lagaih; paglong jien mek tame, patagok raidiuk, bruk ngak saong labik dang di urang hu mbaok tame ngak tabiak kaya nong; duah bruk ngak langiu ngak nong piah patagok rilo jalan ngak duah jien tame, patrun kathaot khang kajap ka mikva dalam palei pala, khik brei lagaih bruk cak rok patagok sumu gauk di dom bhum palei; khik ramik saong patagok ilamu bangsa.

Tui mintri Lao động thương binh song xã hội, thun ni, tui kuhria hu 5 sarak dong ka urang ngak song doanh nghiệp. Dlam nan, pok jien dong 6.600 tỉ đồng hu dong jien mbaok ka urang ngak dok pah sang, dok trọ, ngak bruk dalam dom labik ngak cong, labik chế xuất dalam 3 bilan. Taphia di nan, urang ngak hu mesriay jien yaok rituh triệu đồng piah patagok bruk ngak mbang. Di gah doanh nghiệp hu mesraiy jien oh hu laba piah bayar jien bilan ka urang ngak tal abih bilan 3 ni, song hu dong pato pakai bruk ngak tui pok jien dong 7.500 tỉ đồng.

Tuk Tet thun sak Rimong 2022, Ban Cần Thơ taduan raok labaih 178.000 mbang tuai du lịch, tagok labaih 10% dut saong Tet thun blaoh. Langiu dom labik dulich padeih padai kraong ia bein kayau randap ye dom labik birau peih yau bein bingu Xuân (Ninh Kiều), Phố ong Lang, bein du lịch Phi Yến (huyện Phong Điền), bhum taneh klau kieng Farm peih praong, Mblang bein bingu (quận Cái Răng), bein quýt hồng Bình Thủy...pachreih hu rilo tuai tame. Tapa nan brei mboh bruk pasiam gilac veik saong patagok gah dulich nan lac bruk ngak kinh tế duah hu rilo jien

Cục Hàng không Việt Nam brei adat patagok 251 mbang par tal mblang kapan haoh Tân Sơn Nhất meng harei 7/2 tal harei 10/2. Dom jalan par hu patagok lac Hà Nội - TP HCM tagok 48 mbang; Đà Nẵng - TP HCM 43 mbang; Hải Phòng - TP HCM 26 mbang; Huế - TP.HCM 25 mbang...Langiu di dom mbang par patagok nan, dom mbang par yaok harei song tagok mbang par hu brei adat dalam 4 harei nan, hu 3.180 mbang ngan song 667.000 khaghe.Lambaok Vietnam Airlines brei thau, hãng hu tagok jiak 200 mbang par labaih 14 jalan par dalam taneh ia tal ban raya HCM. Vé hu peih pablei angaok dom blah web song angaok phone tangin. 

Tui Công an tỉnh Đồng Nai, dalam tuk Tết nguyên đán, Công an ban Long Khánh chap hu sa labik taong bai main mbia di labik ini. Dalam nan, gah cong an duah mboh saong chap hu di labik main mbia 10 urang daok main yuh tài xỉu mbang jien di Puk 1, xã Bình Lộc, ban Long Khánh. Camereip, dom urang nan taduan bruk drei ngak suan. Jabat Cảnh sát điều tra Công an ban Long Khánh daok duah thau ngak brei cambaic laic, pabak ginup ho sơ piah langyah tui hukum karja.

Mỹ song Japon bahrau brei thau sa thỏa thuận yah klaak jien je ala saman di urang dahlau deih lac Tổng thống Đô-nan Trăm ngan song labaih 1,25 triệu tấn pasei pablei tabiak negar langiu di Japon yaok thun, hadei di tuk Mỹ ba quyền pabak ka dom labik ngak pasei di Liên minh châu Âu dalam thun bloh. Akaok mintri pablei salih Mỹ brei thau, thỏa thuận pakhang ka gah ngak pasei di Mỹ song khik ka gah urang ngak Mỹ tuk halei jeng meriak gauk, gam peih tabiak jalan hu blei pasei yaom lap jang. 

Sa nyaom kapol urang roh duah di Trung Quốc brei thau lac ngak tabiak janih kháng thể birau meda pacang hu Omicron saong dom biến thể SARS-CoV-2 karei di tukvak anak tal. Giáo sư Huang Jinghe di Đại học Fudan pak di Thượng Hải gam haong dom urang ngak bruk haong gauk dauh mboh janih kháng thể yau”po brei” piah pacang dom biến chủng ngak ruak Covid-19 tuk daok roh duah ruak karei. Bruk duah mboh patuah nan meda ba anek manuac nao dahlau dalam bruk pakacah pacang caga jit ruak praong.

Di dom labik di gah Tây bắc Afghanistan, dom uranaih kamei, sit di abih hu 7 bilan njauk dom boh sang eik lapa kan kathaot pablei nao. Labaih 90% urang Afghanistan duik tame jien dong. Tuk gah Taliban tagok pan karja di Afghanistan bilan 8 thun bloh, yaok tỷ USD jien dong njauk dunya ba nao. Kayua yau nan ye, njauk kathaot kayua mesruh metak, ia ndik ia sua , Afghanistan dak laik tame kan kandah. Song dom uranaih jeng pandap alin hadaih piah ba nao pablei./.

Urang lang: Hani Pha – Bhumi – 08/02