Rajaei brei buh jien tame padang ngak saong pablei salih hạ tầng Khu kong nghiep Phúc Long peih praong, tỉnh Long An haong yaom phun jien buh tame ngak abih tih lac 5.642 tỷ đồng. Labik peih ngak danak dak di xã Long Hiệp, huyen Bến Lức saong xã Long Định, Phước Vân, huyện Cần Đước. Tukvak ngak bruk di danak dak kuhria meng harei hu adat brei buh jien tame ngak tal abih harei 29/12/ 2059.

Danak dak binah 4 di danak dak padang ngak jalan nduac samar Châu Đốc - Cần Thơ - Sóc Trăng mbang ka 1, labik nao tapa tỉnh Sóc Trăng tal harei ini bahrau peih brei hu 5,55% yaom phun jien di nyu, bruk peih mbaok taneh jeng daok hu dom kan kandah. Piah jhul samar bruk padang ngak, akaok UBND tỉnh Sóc Trăng hu tacei pato dom gah brei ramik ramik pandap ngak, menuac ngak, tukvak ngak saong abih janih piah jhul samar bruk padang ngak. Jalan nduac samar Châu Đốc - Cần Thơ - Sóc Trăng hu caong lac sa dalam dom jalan ngak brei salih bahrau mbaok mata bhum ĐBSCL, gam haong nan, hu pambuak pagam dom pasak kinh tế, pabah mbang negar pakat dunya saong pabah lamnge.

Dalam 5 bilan tapa, tỉnh Tiền Giang daok ba kaok taneh ia ka bruk peih brei phun jien di karja. Tal tukvak ini, tỉnh peih jien brei hu 45% bruk ba tabiak, dalam nan, phun jien Trung uong labaih 60%. Piah jhul pasamar bruk peih brei phun jien di karja , meng kaok thun, UB bhap bini tỉnh, Sở ke hoach dau tu, UB bhap bini dom huyen iew dom po buh jien tame padang ngak jalan ngak bruk saong peih brei phun jien ka dom danak dak, sanya bruk peih brei jien tui danak dak tui tukvak hu ba tabiak. Ini lac bruk kham merat di karja piah khik kajap bruk peih brei phun jien njuak bruk, patagok kien lagaih.

Harei Katê di bimaong Pô Sah Inư thun 2024 lac meng harei 1 - 2/10. Katê hu peih ngak njauk tui adat cambat tanarakun, hu mbaok di rilo urang Cam daok di 6 huyện lac: Bắc Bình, Tuy Phong, Hàm Thuận Bắc, Hàm Thuận Nam, Hàm Tân saong Tánh Linh, tỉnh Ninh Thuận. Hu thau, Katê thun ini tỉnh Ninh Thuận hu khan brei thau sarak di Thủ tướng Rajaei ka bruk pok angan kaya pandap di negar - mbang 12, thun 2023 ngan haong Linga ameh hu mboh di bimaong Pô Dam (xã Phú Lạc, huyện Tuy Phong) thun 2013. 

“Adit Ilamu dulich huyen Châu Thành mbang ka 2 – thun 2024” ngan haong kadha “ Châu Thành – Labik pataom dulich hijao” birau peih tabiak di melam blaoh 6/6. Adit ilamu mbang ini, tỉnh Bến Tre hu peih nyaom darak prang iek ngak kong, pablei salih saong Kaya mbang menyum Bến Tre thun 2024, Labik yaih khan kaya mbang di tỉnh; pakacah the thao…langiu di nan daok hu rilo bruk ngak karei karei. Châu Thành lac huyện pabah mbang di tỉnh Bến Tre hu rilo kraong ia, bein phun mbang baoh biak mekre pachreih tuai damuai mai rivang me-in, padeih padei.

Meng bilan 7/2024, urang negar langiu meng 9 taneh ia langiu Liên minh châu Âu lac Mỹ, Canada, Anh, Israel, Australia, New Zealand, Nhật Bản, Hàn Quốc saong Singapore hu eng drei tame duah bruk ngak bo oh cang hu harak adat ngak bruk atau thẻ ngak bruk di Cộng hòa Czech. Jalan ngak ini piah ba mbuan lagaih ka dom chuyên gia saong urang khik ramik meng taneh ia langiu mai ngak bruk di Cộng hòa Czech. Kuhria tal abih bilan 3/2024 hu jaik 10.000 menuac mai meng 9 taneh ia karei daok ngak bruk di Cộng hòa Czech, meblah 1,2% dom menuac negar langiu mai ngak bruk di taneh ia Trung Âu ini.

Saudi Arabia tabiak panuac khan lac harei ngak rukun haji di urang Islam hu peih tabiak meng harei 14/6, hadei di tuk dom bilai tui iek bruk langik tasik mboh lac Ia bulan hu mboh di melam 6/6, brei thau bruk peih kaok di bilan ngak haji yaok thun. Akaok Mintri iek gah ngak rukun haji saong haji Umrah di Saudi Arabia, ong Tawfiq al-Rabiah brei thau, jaik 1 triệu 200 rabau menuac meng rilo taneh ia di dunya hu mai tal Saudi Arabia piah ngak rukun haji thun ini. Haji la sa dalam 5 paka di hukum Islam saong urang Islam halei hu ginup jien ndo, prein yava ye brei nao ngak takik abih lac 1 mbang dalam rai di drei.

Tổng thư ký Liên hợp quốc hu panuac preo puac khang bruk taong tame sa palei di bang Gezira, negar Sudan ngak ka labaih 100 urang matai. Ini lac bruk taong tame praong abih di kapul meteh quân sự gah daong samar pamaong tame dom palei sit di grauk bang Gezira. Tổng thư ký LHQ ieu taong abih dom gah padeih dom bruk taong tame meda ngak brei matai lahik rahra atau ngak khut puk palei. Gam haong nan jeng hu panuac lac, tal tuk taong abih dom gah di Xu-đăng sanya nao tui jalan pamaong tal hòa bình, sron mbon khang kajap./.